Грек-рим күрөш балбаны Канатбек Бегалиев. Архив

Дамирбек Асылбек уулунун кызматын Канат Бегалиев аркаламай болду

516
(жаңыланган 18:18 15.05.2018)
Экс-депутат КРдин Күрөш федерациясынын биринчи вице-президенти болчу.

БИШКЕК, 15-май — Sputnik. Канат Бегалиев Күрөш федерациясынын биринчи вице-президенти болуп шайланганын Жаштар иши, дене тарбия жана спорт боюнча мамлекеттик агенттиктен кабарлашты.

Мындай чечим 12-майда КРдин грек-рим күрөшү боюнча чемпионатынан кийинки жыйында кабыл алынган.

Маалыматка ылайык, буга чейин аталган кызматты экс-депутат Дамирбек Асылбек уулу ээлеп келген.

Канат Бегалиев грек-рим күрөшү боюнча Олимпиада оюндарынын күмүш медаль ээси. Мурда грек-рим күрөшү боюнча башкы машыктыруучулук кызматын аркалаган.

Эске салсак, үстүбүздөгү жылдын 15-16-февраль күндөрү Казакстандын Улуттук коопсуздук комитети Коррупцияга каршы күрөшүү боюнча улуттук бюро менен биргеликте атайын операция өткөргөн. Анын алкагында бажы постторунда иштеген уюшкан кылмыштуу топтун сегиз мүчөсү жок кылынып, кармалгандардын ичинде Кыргызстандын үч жараны бар экени аныкталган. Алардын арасындагы ЖК депутаты Дамирбек Асылбек уулунун казак жарандыгы да бар экенин коңшу өлкөнүн ИИМи айтып чыккан.

Кыргызстандын БШКсы Казакстандын органдарына сурам жөнөтүп, анын кош жарандуулугун тактаган. Натыйжада Асылбек уулу мандатынан ажыратылган.

516
Белгилер:
спорт, депутат, Дамирбек Асылбек уулу, Канат Бегалиев
Тема боюнча
Экс-депутат Дамирбек Асылбек уулунун камакта кала турган мөөнөтү узарды
Казакстанда кармалган депутат Дамирбек Асылбек уулу мандатынан ажыратылды

Макгрегор нокаут болгондо. UFC мелдешинин бүйүр кызыткан видеолору

15
(жаңыланган 13:01 25.01.2021)
Кечээ Абу-Дабиде UFC 257 мелдеши жыйынтыкталды. Ал промоушендин 2021-жылдагы алгачкы чоң окуяларынан болду.

Бир учурда эки дивизиондун чемпиону болгон Конор Макгрегор менен Дастин Порьенин реванш беттеши мелдештин эң башкы кармашы болду. Жеңил салмакта Майкл Ченлер менен Дэн Хукердин кармашы да көрүүчүлөргө өзүнчө кызык тартуулады.

Порье беттештин экинчи раундунда атаандашы Макгрегорду нокаутка сулатып, мөөнөтүнөн мурда утту. Бул ирландиялык мушкердин ММА спортундагы карьерасында биринчи бүк түшүүсү болду. 

Турнирде Bellator уюмунун экс-чемпиону Майкл Чендлердин бет ачар таймашы ийгиликтүү аяктады. Ал экинчи башкы беттеш деп саналган кармашта Дэн Хукерди биринчи эле раундда нокаутка кетирип утуп алды.

Мелдеште кошуна Казакстан, Өзбекстандын мушкерлери да күч сынашты. Өзбекстандык Махмуд Мурадов америкалык Эндрю Санчез менен кез келип, үчүнчү раундда нокаутка түшүрдү. Мындай ийгилиги үчүн ал промоушенден 50 миң долларлык бонуска ээ болду. Казакстандык Жалгас Жумагулов ирактык Амир Альбази менен үч раунд кармашкан. Жыйынтыгында калыстардын чечими менен жеңиш ирактык спортчуга ыйгарылды.

Россиялык мушкер Арман Царукян америкалык Мэтт Фревол менен таймашып, калыстардын бир добуштан берген чечими менен утуп алды.

Баштапкы карддын алкагында октагонго дагы бир россиялык атлет Мовсар Евлоев чыгып, америкалык Ник Ленц менен кармашты. Үч раунддун жыйынтыгында калыстардын чечими менен жеңүүчү деп табылды.

15
Белгилер:
нокаут, Конор Макгрегор, мелдеш, UFC, Абу-Даби
Тема боюнча
UFC уюмунда өзбекстандык мушкер кубаттуу муштуму менен атаандашын "бийлетти". Видео
UFC: Хабиб Нурмагомедовдун иниси алгачкы беттешинде атаандашын утуп алды. Видео
Стадиондогу футбол топтору. Архив

Жакында “Дордой” менен “Алайдын” АФК кубогундагы атаандаштары аныкталат

34
Мелдешке Кыргызстандын чемпиону “Дордой” жана өлкө кубогунун жеңүүчүсү “Алай” клубдары катышат. 27-январда мелдештин тайпалык этабына чүчү кулак кармашып, жергиликтүү командалардын атаандаштары аныкталат.

БИШКЕК, 25-янв. — Sputnik. Келерки аптада Азия футбол Конфедерация (АФК) кубогу мелдешинин тайпалык туруна чүчү кулак тартылат. Бул тууралуу өлкөнүн Футбол союзу билдирди.

Мелдешке Кыргызстандын чемпиону “Дордой” жана өлкө кубогунун жеңүүчүсү “Алай” клубдары катышат. 27-январда мелдештин тайпалык этабына чүчү кулак тартылып, ата мекендик командалардын атаандаштары аныкталат.

АФК кубогу быйыл жаңыланган форматта өтүп, тандоо оюндары болбойт.

Катышуучу командалар мурдагыдан өзгөчөлөнүп турат. Мелдешке Кыргызстан, Тажикстан жана Түркмөнстандын өкүлдөрүнөн сырткары Борбордук Азия зонасында Өзбекстандын командасы да ойнойт.

Мелдеш тайпалык этаптан башталат. Ага катышкан жети команда эки тайпага бөлүнөт. Тайпанын жеңүүчүлөрү чөлкөмдүн финалында ойнойт.

Кыргызстандын чемпиону “Дордой” экинчи себетке, ал эми кубоктун жеңүүсү “Алай” төртүнчүгө жайгаштырылат.

34
Белгилер:
чүчү кулак, ФК Алай, "Дордой" ФК, АФК, Кыргызстан, футбол
Тема боюнча
Кыргызстандык Токабаев АФКнын чемпиондор лигасынын финалына комиссар болду. Сүрөт
Роналду тарыхта расмий оюндарда эң көп гол киргизген футболчу болду
Автоунаа жол кырсыктан кийин. Архив

Ысык-Көлдө унаа бакты сүзүп, бир аял каза тапты. Жеринен тартылган сүрөт

0
(жаңыланган 13:22 25.01.2021)
Mercedes-Benz Sprinter жолдон чыгып кетип бакты сүзгөн. Унаа ичинде айдоочу жана 17 жүргүнчү болгон.

БИШКЕК, 25-янв. — Sputnik. Кечээ, 24-январда, Ысык-Көл облусунда адам өмүрүн алган жол кырсыгы катталды. Бул тууралуу облустук милициядан билдиришти.

Жол кырсыгы Каракол — Бишкек унаа жолунда, Түп районундагы Күрмөнтү айылынан анча алыс эмес жерде болгон.

"Mercedes-Benz Sprinter жолдон чыгып кетип бакты сүзгөн. Анын ичинде айдоочу жана 17 жүргүнчү болгон. Кырсыктын кесепетинен бир аял көз жумду”, — деп айтылат маалыматта.

Жаракат алган жети киши тийиштүү жардам алып жатат. Алардын арасындагы алты жаштагы бала реанимацияда болсо, калгандары палатада.

0
Белгилер:
жол кырсык, Ысык-Көл
Тема:
2021-жылдын башынан бери Кыргызстанда болгон жол кырсыктар
Тема боюнча
Анжелика менен кызы реанимацияда. Кичүү кызына бүгүн операция жасалат