Мушкер Валентина Шевченконун архивдик сүрөтү

Россияда биринчи жолу UFC турнири өтөт. Анда Шевченко күч сынашышы мүмкүн

316
(жаңыланган 23:08 19.05.2018)
Тарыхый окуя Москвадагы "Олимпийский" спорт комплексинде өтөт.

БИШКЕК, 17-май — Sputnik. Мушкерлердин абсолюттук чемпионат (UFC) спорттук уюму биринчи жолу Россияда турнир өткөрөт. Бул туурасында промоутерлик компаниянын сайтында айтылды.

Аралаш мушташ боюнча кармаш 15-сентябрда "Олимпийский" спорт комплексинде өтөт. Билет сатыкка 1-июндан тарта чыгат.

​Ал арада спорттук уюмдун социалдык тармактагы расмий баракчаларында орус мушкерлери катышкан турнирдин кыскача роликтери пайда болду. Арасынан кыргызстандык Валентина Шевченкону да көрүүгө болот (РФ жарандыгы бар).

Роликте Хабиб Нурмагомедов менен Александр Волковдун мелдеш учурунда атаандашын нокаутка кетиргени, ал эми Валентина Шевченконун кайруу ыкмасын колдонуп жатканы бар.

​Россиялык ЖМКлардын айтымында, белгилүү орус мушкери Хабиб Нурмагомедов аталган турнирге катышпайт. Анын ордуна Валентина Шевченко UFC уюмунун чемпиондук наамы үчүн Никко Монтано менен, ал эми Алексей Олейник Фабрисио Вердум менен күч сынашышы мүмкүн.

316
Белгилер:
мелдеш, турнир, UFC, Валентина Шевченко, Россия
Тема боюнча
Рафаэль Физиев менен Антонина Шевченко UFC уюмуна бет алды
Шевченко Валентина Анатольевна. Өмүр баяны
Пикирлер