БИШКЕК, 1-июн. — Sputnik. Ысык-Көлдө белгилүү шахматчы Анатолий Карповдун кубогу ойнотулат. Бул тууралуу КРдин Шахмат федерациясынан билдиришти.
Маалыматка ылайык, спорттук иш-чара 28-июндан 8-июлга чейин Чолпон-Ата шаарында өткөрүлөт. Ага 6 жаштан 12 жашка чейинки балдар менен кыздар катышат.
Биринчи жолу уюштурулуп жаткан эл аралык мелдешке КМШ жана Жакынкы Чыгыш өлкөлөрүнөн келген 100гө жакын спортчунун катышуусу күтүлүүдө.