Аралаш мушташ (ММА) боюнча беттеш өткөргөн кыргыз спортчусу Өктөм Бактыбек уулу. Архив

Кыргызстандык "Бойка" M-1 Global уюмунда алгачкы беттешин өткөрөт

254
(жаңыланган 15:39 06.06.2018)
Мелдеште Өктөм Бактыбек уулу жеңил салмак (70.3 кг) категориясында бразилиялык Рубенилтон Перейра менен беттешет.

БИШКЕК, 6-июн — Sputnik. Аралаш мушташ (ММА) боюнча беттеш өткөргөн кыргыз спортчусу Өктөм Бактыбек уулу M-1 Global уюмунун турнирине катышат. Бул туурасында маалымат аталган уюмдун Instagram баракчасына жарыяланган.

Эл аралык турнир 15-июнда Россиянын Оренбург шаарында өтөт. Анда Өктөм Бактыбек уулу жеңил салмак (70.3 кг) категориясында бразилиялык Рубенилтон Перейра менен беттешет.

Бактыбек уулу спорт тармагында "Бойка" каймана аты менен таанымал. 25 жаштагы мушкер тайбокс жана эрежесиз уруш боюнча КРдин спорт чебери. Бардык спортчулардын рейтингин аныктаган Sherdog порталынын маалыматына ылайык аралаш мушташ боюнча төрт беттештин жеңүүчүсү. 

Ал эми атаандашы Рубенилтон Перейра ММА боюнча 19 беттешти утуп, беш ирет утулган. 

254
Белгилер:
беттешүү, ММА, M-1 Global, Өктөм Бактыбек уулу, Россия
Тема боюнча
"Тайсон" Канат Келдибеков Чеченстандын "Ахмат" лигасы менен келишим түздү
Атаандашын тизе менен нокаутка жыккан Айдаров эми M-1 уюмунда күч сынайт
Абсолюттук мушкерлер чемпионатынын (UFC) коомчулук менен байланыш кызматы россиялык мушкер Хабиб Нурмагомедов. Архив

Нурмагомедов менен Гэтжинин маалымат жыйын өткөрчү күнү айтылды

76
(жаңыланган 10:02 20.10.2020)
Спортчулар 24-октябрда "Мушкерлер аралы" спорт жайында өтүүчү UFC 254 мелдешинин башкы беттешинде кездешет.

БИШКЕК, 20-окт. — Sputnik. Абсолюттук мушкерлер чемпионатынын (UFC) коомчулук менен байланыш кызматы россиялык мушкер Хабиб Нурмагомедовдун америкалык спортчу Жастин Гэтжи менен болуучу титулдук беттешинин алдындагы маалымат жыйындын күнүн атады. Бул тууралуу РИА Новости жазды.

Спортчулар 24-октябрда Абу-Даби шаарындагы "Мушкерлер аралы" спорт жайында өтүүчү UFC 254 мелдешинин башкы беттешинде кездешет.

Марада учурда Нурмагомедов ээлик кылган промоушендин жеңил салмактагы чемпиондук кур турат.

Эң мыкты ыкмалары камтылган! Хабибдин турнир алдындагы проморолиги чыкты

Маалым болгондой, мушкерлер менен суроо-жооп жыйыны 21-октябрда, шаршемби күнгө, белгиленген. Иш-чара Бишкек убактысы боюнча 19:00дө башталат. Ал UFC уюмуна караштуу бардык маалымат ресурстарда түз эфирде акысыз көрсөтүлөт.

76
Белгилер:
маалымат жыйын, Жастин Гэтжи, Хабиб Нурмагомедов, UFC
Тема боюнча
Ооруга карабай... Нурмагомедов менен Гэтжинин кармашына эл келиши мүмкүн
UFC: Хабиб көз караштар таймашында жеңилип калды. Тамашалуу ролик
UFC уюмунун жеңил салмактагы чемпиону, россиялык мушкер Хабиб Нурмагомедов. Архивдик сүрөт

UFC: Хабиб көз караштар таймашында жеңилип калды. Тамашалуу ролик

308
Чемпион биринчи жолкусунда күлүп жиберип, жеңилгенин мойнуна албай, кайра таймашып да ута алган эмес.

БИШКЕК, 19-окт. — Sputnik. UFC уюмунун жеңил салмактагы чемпиону, россиялык мушкер Хабиб Нурмагомедов досу Зубайра Тухуговго көз караштар таймашында жеңилип калды. Бул таймаштын видеосун машыктыруучу Хавьер Мендес өзүнүн Instagram баракчасына жарыялады. 

Посмотреть эту публикацию в Instagram

Публикация от Javier Mendez (@akajav)

Эрежеге ылайык, тиктешүү учурунда кандайдыр бир башка кыймыл-аракетке жол берилбейт.

Видеодон көрүнүп тургандай, Хабиб биринчи жолу күлүп жиберип, жеңилгенин мойнуна албай, кайра таймашып да ута алган эмес.

UFC беттеши: бет капчан Физиев менен Диакезинин көз караштар таймашынын видеосу

Россиялык мушкер акыркы жолу 2019-жылдын сентябрында америкалык Дастин Порье менен октагонго чыккан. Аны экинчи раундда муунтуу ыкмасы менен утуп, экинчи ирет чемпиондук наамын коргогон.

24-октябрда Хабиб Нурмагомедов үчүнчү жолу чемпиондук курун коргоо үчүн америкалык Жастин Гэтжи менен беттешке чыгат.

Учурда россиялык мушкер 28 беттеш өткөрүп, баарын жеңген. Ал эми анын атаандашы 24 таймашта утуп, эки жолу жеңилүү ызасын тарткан.

308
Белгилер:
таймаш, Хабиб Нурмагомедов, UFC
Тема боюнча
Сулата тээп... UFC мушкеринин укмуштуудай нокаутунун видеосу
Хабиб Нурмагомедов: UFC уюмун берсе да Конор менен шоуга катышпайм
UFC: Рафаэль Физиев кезектеги беттеши тууралуу үн катты
Экс-президент Сооронбай Жээнбеков. Архив

Жээнбеков жоюп кеткен Антикоррупциялык кызматты Жапаров жандантты

111
(жаңыланган 22:30 20.10.2020)
Жаңы жарлыктын негизинде Жээнбековдун жарлыгынын колдонулушу токтотулуп жана кабыл алынган күндөн тартып күчүн жоготту деп табылды. 

БИШКЕК, 20-окт. — Sputnik. Президенттин милдетин аткаруучу Садыр Жапаров Коррупцияга каршы күрөшүү кызматынын ишин жандандыруу боюнча жарлыкка кол койду. Бул туурасында президенттик аппарат билдирди.

Белгилей кетсек, экс-президент Сооронбай Жээнбеков кызматтан кетип жатып аталган кызматты жоюу туурасында жарлыкка кол койгон

Жапаровдун чыгарган жарлыгына ылайык, Жээнбековдун жарлыгынын колдонулушу токтотулду жана кабыл алынган күндөн тартып күчүн жоготту деп табылды.

Буга байланыштуу Улуттук коопсуздук мамлекеттик комитетинин Антикоррупциялык кызматынын иши улантылат.

УКМКга төмөнкүдөй тапшырмалар берилди:

  • Антикоррупциялык кызматтын иштөөсүн камсыз кылсын;
  • Антикоррупциялык кызматтын мындан аркы ишин оптималдаштыруу боюнча сунуштарды киргизсин.

Жарлык расмий жарыяланган күндөн тартып күчүнө кирет.

111
Белгилер:
кызмат, коррупция, жарлык, Садыр Жапаров, Сооронбай Жээнбеков
Тема боюнча
Экс-президент макамы Жээнбековго кандай артыкчылык берет? Тизме
Жээнбеков расмий түрдө экс-президент болду. Жапаровдун биринчи жарлыгы