Москва шаарындагы Лужники стадиону. Архивдик сүрөт

Россиядагы Футбол чемпионатынын ачылыш аземинде болчу өзгөчөлүктөр

345
(жаңыланган 10:42 17.06.2018)
Ачылыш аземге он мамлекеттин башчыларынын келиши күтүлүүдө.

БИШКЕК, 14-июн. — Sputnik. Россияда бейшемби күнү футбол боюнча дүйнөлүк чемпионат башталганы турат.

Оюндар 14-июндан 15-июлга чейин созулуп, Россиянын 11 шаарындагы стадиондо өтөт. Ачылыш азем бүгүн Москвадагы "Лужники" стадионунда болмокчу. Ошол эле жерде биринчи оюн башталат — Россия курама командасы менен сауд аравиялыктар күч сынашмакчы.

Р-Спорт агенттиги жазып чыккандай, салтанат Москва убактысы боюнча саат 17.30да (Бишкек убактысы боюнча 20.30) башталат. Жарым саат өткөндөн кийин арбитр оюнду баштоого белги берет. Баса, Коомдук телерадиокорпорациясынын жетекчиси Илим Карыпбеков КТРК чемпионатты трансляциялоого эксклюзивдүү укук алганын жар салган болчу.

Ачылыш аземдин форматы мурдагылардан бир топ айырмаланат. Бул ирет — шоу музыкалык номерлерден куралары белгилүү болду.

Азем учурунда бир гана футбол темасы айтылбастан, Россия тууралуу дагы маалымат берилет. Ошондой эле Венанын мамлекеттик операсынын солисти Аида Гариффулина дагы таланты менен көрүүчүлөрдү кубандырат.

Чемпионаттын ачылышында британиялык ырчы Робби Уилямс ырдап, дүйнөнүн эки жолку чемпиону, бразилиялык футболчу Роналдо сөз сүйлөйт.

  • Гала-концерт в честь открытия Чемпионата мира по футболу
    Азем учурунда бир гана футбол темасы айтылбастан, Россия тууралуу дагы маалымат берилет. Ошондой эле Венанын мамлекеттик операсынын солисти Аида Гариффулина дагы таланты менен көрүүчүлөрдү кубандырат.
    © Sputnik / Илья Питалев
  • Интервью с участником церемонии открытия ЧМ-2018 по футболу Робби Уильямсом
    Чемпионаттын ачылышында британиялык ырчы Робби Уилямс ырдайт
    © Sputnik / Максим Блинов
  • Открытие культурно-спортивного центра Nike Box в Москве
    Дүйнөнүн эки жолку чемпиону, бразилиялык футболчу Роналдо сөз сүйлөйт.
    © Sputnik / Кирилл Каллиников
1 / 3
© Sputnik / Илья Питалев
Азем учурунда бир гана футбол темасы айтылбастан, Россия тууралуу дагы маалымат берилет. Ошондой эле Венанын мамлекеттик операсынын солисти Аида Гариффулина дагы таланты менен көрүүчүлөрдү кубандырат.

Ачылыш аземдин концепциясын түзгөн Феликс Михайловдун айтымында, шоу футбол жана сүйүү жөнүндө болмокчу.

Россиянын лидери Владимир Путин ачылыш аземге катышып, оюнга күбө болот. Ошондой эле Абхазия, Армения, Белоруссия, Боливия, Казакстан, Кыргызстан, Молдова, Ливан, Тажикстан, Парагвай, Кытай, Өзбекстан, Түштүк Осетиянын өлкө башчылары менен Сауд Аравиясынын мураскер ханзаадасынын келиши күтүлүүдө.

Буга чейин президент Сооронбай Жээнбековдун Москвага учуп кеткени айтылган. Баса, мамлекет башчы кайсы курама командалар үчүн жан үрөй турганын да жашырган жок.

Дүйнөлүк чемпионатка байланыштуу жаңылыктардын бардыгын Sputnik агенттигинин атайын долбоорунан орус тилинде окусаңыздар болот.

345
Белгилер:
ачылыш, Футбол, Дүйнөлүк чемпионат, Владимир Путин, Москва, Россия
Тема:
Россиядагы футбол боюнча дүйнө чемпионаты (31)
Тема боюнча
Жээнбеков кайсы футболдук командаларга күйөрмандык кыларын айтты
Космонавттар космосто футбол ойногон видеосу
Пикирлер