Ысык-Көлдө кулатуу эр таймаш боюнча WEF Selection 16: Тоодогу кармашуу аталышындагы мелдештин жеңүүчүлөрү аныкталды

Кимдер жеңди? Каркырада күчүн сынаган эрендер сүрөттө

230
(жаңыланган 10:27 24.06.2018)
Мелдештин алкагында 14 беттеш тартууланган.

БИШКЕК, 23-июн. — Sputnik. Ысык-Көлдө кулатуу эр таймаш боюнча "WEF Selection 16: Тоодогу кармашуу" аталышындагы мелдештин жеңүүчүлөрү аныкталды. Бул туурасында Sputnik Кыргызстан маалымат агенттигине аталган федерациядан кабарлашты.

  • Ысык-Көлдө кулатуу эр таймаш боюнча WEF Selection 16: Тоодогу кармашуу аталышындагы мелдештин жеңүүчүлөрү аныкталды
    Ысык-Көлдө кулатуу эр таймаш боюнча "WEF Selection 16: Тоодогу кармашуу" аталышындагы мелдештин жеңүүчүлөрү аныкталды
    © Фото / федерация WEF
  • Турнир 22-июнда Түп районундагы Каркыра жайлоосунда өтүп, Кыргызстандын 14 жуп мушкери күч сынашты
    Турнир 22-июнда Түп районундагы Каркыра жайлоосунда өтүп, Кыргызстандын 14 жуп мушкери күч сынашты
    © Фото / федерация WEF
  • Аралаш мушташ боюнча кармашта спортчулар нокаут, техникалык нокаут, муунтуу, кайруу, айтор аты айтып тургандай түрдүү ыкмалар менен жеңишке ээ болушту
    Аралаш мушташ боюнча кармашта спортчулар нокаут, техникалык нокаут, муунтуу, кайруу, айтор аты айтып тургандай түрдүү ыкмалар менен жеңишке ээ болушту
    © Фото / федерация WEF
  • WEF уюмунун турнирлери мушкерлердин спорттук жетишкендиктерине жараша төрт лигада өтөт
    WEF уюмунун турнирлери мушкерлердин спорттук жетишкендиктерине жараша төрт лигада өтөт
    © Фото / федерация WEF
  • Amateur — каалаган мушкер катыша алат, башкача айтканда, эрежесиз урушка кадам таштайт, Selection — спортчулар деңгээлине жараша тандалып, жеңип чыккандар WEFтин кийинки Proffight баскычында ат салыша алат
    "Amateur" — каалаган мушкер катыша алат, башкача айтканда, эрежесиз урушка кадам таштайт, "Selection" — спортчулар деңгээлине жараша тандалып, жеңип чыккандар WEFтин кийинки "Proffight" баскычында ат салыша алат
    © Фото / федерация WEF
  • Proffight — кесипкөй мушкерлер күч сынашат, WEF Global — эң мыкты спортчулар чемпиондук кур үчүн беттешет.
    "Proffight" — кесипкөй мушкерлер күч сынашат, WEF "Global" — эң мыкты спортчулар чемпиондук кур үчүн беттешет.
    © Фото / федерация WEF
1 / 6
© Фото / федерация WEF
Ысык-Көлдө кулатуу эр таймаш боюнча "WEF Selection 16: Тоодогу кармашуу" аталышындагы мелдештин жеңүүчүлөрү аныкталды

Турнир 22-июнда Түп районундагы Каркыра жайлоосунда өтүп, Кыргызстандын 14 жуп мушкери күч сынашты. 

Аралаш мушташ боюнча кармашта спортчулар нокаут, техникалык нокаут, муунтуу, кайруу, айтор аты айтып тургандай түрдүү ыкмалар менен жеңишке ээ болушту. 

"WEF Selection 16: Тоодогу кармашуу" мелдешинин жеңүүчүлөрү: 

Акназар Айтиев, Адилет Ибраимжан уулу, Бектурсун Айдошев, Элдар Токушев, Элбек Батыралиев, Эльдар Жаманкулов, Саиджапар Бакиров, Миңбашы Акниет уулу, Шабдан Максатбек уулу, Алмазбек Келдибек уулу, Адис Таалайбек уулу, Данияр Көкүлов, Байжан Элдияр уулу, Төрөжан Кызыев.

WEF уюмунун турнирлери мушкерлердин спорттук жетишкендиктерине жараша төрт лигада өтөт: "Amateur" — каалаган мушкер катыша алат, башкача айтканда, эрежесиз урушка кадам таштайт, "Selection" — спортчулар деңгээлине жараша тандалып, жеңип чыккандар WEFтин кийинки "Proffight" баскычында ат салыша алат, "Proffight" — кесипкөй мушкерлер күч сынашат, WEF "Global" — эң мыкты спортчулар чемпиондук кур үчүн беттешет.

230
Белгилер:
жеңиш, мелдеш, мушкер, WEF, Ысык-Көл облусу
Тема боюнча
11:0! Тыныбекова Кытайда атаандашынын айласын кетирип, коло утуп алды. Видео
"Спортко кошул": Бишкекте ири спорттук фестиваль өтөт

Булкушуп, жулкушуп... Айаал Лазаревдин дүйнөлүк мелдеште коло уткан видеосу

78
(жаңыланган 13:14 08.05.2021)
Кыргызстандык балбан баштапкы этапта индиялык балбанга жеңилип, Олимпиадага жолдомо алуу мүмкүнчүлүгүнөн кол жууду. Калган беттештерди артыкчылык менен уткан.

Кыргызстандык эркин күрөш балбаны Айаал Лазарев Токио Олимпиадасына жолдомо берилүүчү дүйнөлүк лицензиялык мелдеште коло байге утту. Турнирдин жүрүшүн United World Wrestling (Дүйнөлүк күрөш уюму) уюмунун расмий сайты түз алып көрсөттү.

Алп балбан коло байге үчүн кармашта венгриялык Диас Робертти 7:5 эсебинде утуп алды.

Лазарев мелдештин баштапкы этабында Индия балбаны Сумит Сумит менен кармашкан. 2:1 эсебинде утуп жатып, беттештин бүтөрүнө 22 секунда калганда бир упай алдырып койду. Эсеп 2:2 менен аяктап, акыркы аракетти жасаган балбанга артыкчылык берилген эрежеге ылайык жеңиш индиялыкка ыйгарылган.

Сумит финалга чейин жеткендиктен Лазарев көңүл жубатуучу беттештерге чыгуу мүмкүнчүлүгүнө ээ болду. Адегенде молдовалык Александр Романовду, андан соң өзбекстандык Рустам Искандаринин далысын тийгизип, таза жеңишти камсыздаган.

Турнир ушул күндөрү Болгариянын София шаарында өттү. Анда биринчи жана экинчи орунду камсыздаган балбандарга Токио Олимпидасына жолдомо берилди.

Аталган мелдеште кыргызстандык Алмаз Сманбеков (57 килограмм), Арсалан Будажапов (74 килограмм) жана Саякбай Усупов (86 килограмм) лицензия үчүн таймашып, ийгиликке жете алышкан жок.

78
Белгилер:
мелдеш, Болгария, жолдомо, олимпиада, Токио, эркин күрөш, Айаал Лазарев
Тема боюнча
Кыргызстандын бокс боюнча курама командасы Азия чемпионатына даярданууда
Кыргызстан акыркы лицензиялык мелдешке тандалган балбандарды жиберет
Боксучлар беттеш учурунда. Архив

Кыргызстандын бокс боюнча курама командасы Азия чемпионатына даярданууда

35
Чемпионатка даярдык көрүп жаткандар Спорттун олимпиадалык түрлөрү боюнча дирекциясынын календарлык планына ылайык машыгып жатканы айтылды.

БИШКЕК, 7-май — Sputnik. Кыргызстандын бокс боюнча курама командасы Азия чемпионатына даярдык көрүп жатат. Бул тууралуу Жаштар иши, дене тарбия жана спорт агенттиги кабарлады.

Билдирмеге караганда, эл аралык турнирге даярдык көрүү үчүн спортчулар Бишкекте машыгып жатат.

Машыгуу 18-майга чейин улана турганы айтылды. Спортчулардын тизмеси:

  • Мирлан Туркбай уулу, 49 кг;
  • Анваржан Ходжиев, 49 кг;
  • Азат Усеналиев, 52 кг;
  • Нуржигит Дүйшөбаев, 52 кг;
  • Диер Тилебалдиев, 52 кг;
  • Эмир Эркинбеков, 52 кг;
  • Акыл Эсенбек уулу, 56 кг;
  • Мунарбек Сейитбек уулу, 56 кг;
  • Туйгунбек Иманкадыров, 56 кг;
  • Мирзахит Имамназаров, 60 кг;
  • Умар Ливаза, 60 кг;
  • Бахтияр Ахунбаев, 60 кг;
  • Дмитрий Пучнин, 63 кг;
  • Рыспек Бектенов, 63 кг;
  • Султан Асанкул уулу, 63 кг;
  • Нурсаид Иминджанов, 63 кг;
  • Азис Сабиров, 63 кг;
  • Алманбет Шайырбек уулу, 63 кг;
  • Сыргак Абдыжапар уулу, 69 кг;
  • Өмүрбек Маманов, 69 кг;
  • Нурадин Рустамбек уулу, 69 кг;
  • Сайырлан Нурбеков, 75 кг;
  • Өмүрбек Бекжигит уулу, 75 кг;
  • Жаркынбек Туратов, 75 кг;
  • Эркин Адылбек уулу, 81 кг;
  • Бакыт Токтосун уулу, 81 кг;
  • Рустам Ырысбек уулу, 91 кг;
  • Халид Алиев, 91 кг;
  • Бекболсун Токтосун уулу, 91 кг;
  • Эржан Толкун уулу, 91 кг;
  • Данияр Жусубалиев, башкы машыктыруучу
  • Жылдызбек Ниязалиев, ага машыктыруучу;
  • Данияр Төлөгөн уулу, ага машыктыруучу;
  • Улан Сагынбаев, машыктыруучу.

Белгилей кетсек, машыгуу Спорттун олимпиадалык түрлөрү боюнча дирекциясынын календарлык планына ылайык жүрүүдө.

35
Белгилер:
спортчу, машыгуу, бокс, Азия чемпионаты
Тема боюнча
Легендарлуу боксчу Орзубек Назаров китебин презентациялады
Кыргызстандык балбан Лазарев UFC мушкери Романовду көтөрүп чаап утуп алды

Токтогул суу сактагычы кейиштүү абалга жеттиби? Дрондон тартылган видео

0
Быйыл Токтогул суу сактагычындагы суунун деңгээли кескин төмөндөп кетти. Биз абалды жеринен тартып, сиздерге көрсөтөлү дедик.

Токтогул гидроэлектростанциясы өлкөнүн электр энергиясынын дээрлик 30 пайызын иштеп чыккан Кыргызстандагы эң башкы ГЭС болуп саналат. Ал жарым кылым илгери 25 айылдын, бир кыш заводунун жана Токтогул көлүнүн ордуна курулган.

Күн жылуу маалында ал толот, ал эми суук түшкөндө жылытуу сезонуна коротулат.

Суу сактагычка 19,5 миллиард куб метр суу батат. Ал канчалык көп толсо, кышында жылуулук, электр энергиясы тартыш болбойт.

Эгерде суунун деңгээли 5,5 миллиард куб метрге чейин түшүп кетсе, анда станция эч кандай электр энергиясын иштеп чыгара албай калат. Быйыл суунун көлөмү кескин азайып, суу сактагычтын түбүндө калган кыш заводунун курулуштары көрүнүп калды.

Айрым "кара археологдор" пайда табуу максатында металл издеп, урандылардын жанындагы жерди казышкан. Мындай суу аз калган учурлар буга чейин да катталган. "Электр станциялары" ишканасынын маалыматына ылайык, суу сактагычта суунун көлөмү 2009-жылдын май айында 6,3 куб метр, 2014-жылдын майында 8,4 миллиардга чейин түшкөн. Учурда сууну деңгээли 9 миллиард куб метрди түзөт.

0
Белгилер:
электр энергиясы, суу, деңгээл, ГЭС, Токтогул суу сактагычы
Тема боюнча
Министр: Лейлек районуна суу сактагыч куруу пландалып жатат