Футболчу Криштиану Роналдунун архивдик сүрөтү

Роналду "Реалдан" кетүү себебин айтып, коштошуу катын жазды

1281
(жаңыланган 12:28 11.07.2018)
Футболчу "Реалдын" тарыхынта эң мыкты бомбардир аталган.

БИШКЕК, 11-июл. — Sputnik. Португалиялык футболчу Криштиану Роналду "Реал" клубу менен коштошту. Ал жаңы жашоо этабын баштап жатканын айтып, күйөрмандарын тушүнүү менен кабыл алуусун билдиргенин РИА Новости жазды.

"Реал" клубу шейшемби күнү Роналдунун кетип жатканын расмий билдирген. Эми 33 жаштагы футболчу "Ювентус" клубунда карьерасын улантат. Роналду 2009-жылдан бери "Реал" клубунда 438 оюн өткөрүп 451 голу менен "Реалдын" тарыхында эң мыкты бомбардир аталган.

Футболчу "Реал" жана "Мадриддеги" жылдар жашоосундагы эң бактылуу ирмемдер экенин жазган.

"Мага чоң бакыт тартуулаганы үчүн шаар менен клубга ыраазычылык билдирем. Эми жашоомдогу жаңы этапты баштоого убакыт келди, ошондуктан клубдан мени кое берүүсүн сурандым. Баардык күйөрмандарымдан бул чечимимди түшүнүү менен кабыл алуусун өтүнөм", — деген Роналду.

Атактуу футболчу "Реал" жүрөгүн ээлегенин билдирген.

"Клубга, президентке, менеджерлерге, менин өнөктөштөрүмө, бардык машыктыруучуларга, дарыгер жана башкаларга ыраазычылык билдирем. Испан клубуна, жана күйөрмандарыма чексиз алкыш. Бул чечимимди көпкө ойлонуп кабыл алдым. Мен кеттим, бирок бул футболка, эмблема жана "Сантьяго Бернабеу" кайсыл жакта болбоюн, ар дайым мени менен болот", — деп жазды Роналду.

Эскерте кетсек, футболчу беш ирет "Алтын топко" ээ болгон.

1281
Белгилер:
футбол, Ювентус, Реал Мадрид ФК, Криштиану Роналду
Тема боюнча
105 миллион фунт! Роналду "Реал" футбол клубунан "Ювентуска" кетти
ЖМК: Роналду "Ювентус" клубуна өтүүгө макул болду