Дзюдочулар. Архив

Азия оюндарында ат салышчу дзюдочулар аныкталды. Курамда Юрий Краковецкий жок

155
(жаңыланган 16:34 14.08.2018)
Олимпиада оюндарынын катышуучусу Юрий Краковецкий эл аралык мелдеште мекендеши Болот Токтогоновго утулуп калган.

БИШКЕК, 13-авг. — Sputnik. Азия оюндарына катыша турчу дзюдо боюнча курама команда аныкталды, бирок тизмеде алдыңкы спортчу Юрий Краковецкий жок. Бул туурасында аталган федерациядан кабарлашты.

Мелдешке ар кайсы салмактагы алты спортчу катышат:

Отар Бестаев — 60 килограмм;

Артур Те — 66 килограм;

Бектур Рысмамбетов — 73 килограмм;

Владимир Золоев — 81 килограмм;

Фарух Булекулов — 90 килограмм;

Болот Токтогонов — 100дөн өйдө;

Ксения Бельдягина — 52 кг;

Айжан Кадырбекова — 70 кг;

Башкы машыктыруучу — Абдужалил Юнусов;

Машыктыруучу — Сергей Мистрюков.

Аталган мелдешке Олимпиада оюндарынын эки жолку катышуучусу Юрий Краковецкий кошулган жок. Sputnik федерация менен байланышып себебин сурады.

"Машыктыруучулар Краковецкийдин спорттук жыйынтыктарына жараша чыгарган чечими ушундай болду. Токтогонов азыр табында, жакшы келе жатат. Ал эл аралык мелдеште Краковецкийди утуп, коло тагынган. Даярдыгына жана медаль алуу мүмкүнчүлүгүнө карап тандалды", — деди башкы катчы Азамат Исабеков.

Ал Краковецкий азыр сентябрда Бакуда (Азербайжан) өтө турчу дүйнө чемпионатына даярданып жаткандыгын кошумчалады.

Юрий Краковецкий 2012-жылы Лондондо жана 2016-жылы Рио-де-Жанейродо өткөн Олимпиада оюндарга катышкан. 2017-жылы Бакуда өткөн IV Ислам тилектештик оюндарында алтын медалга татыган. Азия чемпионатынын күмүш медаль ээси жана көптөгөн эл аралык турнирлердин жеңүүчүсү.

Азия оюндары 18-августтан 2-сентябрга аралыгында Индонезиянын Жакарта жана Палембанг шаарларында өтөт. Ал эми дзюдо боюнча кармаштар 29-августтан 1-сентябрга чейин болмокчу.

155
Белгилер:
тизме, дзюдо, мелдеш, Спорт, Азия оюндары, Юрий Краковецкий
Тема боюнча
Көчмөндөр оюндарында 53 өлкөнүн спортчулары күч сынашмай болду
Азия оюндарынын тарыхы. Кыргызстандан барып олжолуу кайткандар
Пикирлер