Үчүнчү коло! Амантур Исмаилов кытайлык каршылашын жер каратты
(жаңыланган 13:51 22.08.2018)
Кыргызстандык балбан үчүнчү орун үчүн болгон беттеште кытайлык Чанг Гакун менен кез келди.БИШКЕК, 21-авг. — Sputnik. Кыргызстандык балбан Амантур Исмаилов Азия оюндарынан коло медаль утту. Бул туурасында Жаштар иши, дене тарбия жана спорт агенттигинен билдиришти.
Исмаилов грек-рим күрөшүнөн 67 килограмм салмак категориясы боюнча күч сынашты. Үчүнчү орун үчүн кытайлык Чанг Гакун менен күрөшүп 6:1 эсебинде жеңип алды. Ушуну менен Кыргызстандын балбандары күрөштөн алты медаль утушту.
Буга чейин Магомед Мусаев, Айсулуу Тыныбекова, Каныбек Жолчубеков күмүш, Айпери Медет кызы, Мээрим Жуманазарова коло байгеге ээ болгон.
Белгилер:
Жессика Андраде атаандашы Валентина Шевченконун алсыз жактарын атады
(жаңыланган 13:22 20.04.2021)
Шевченко бразилиялык спортчу менен UFC 261 мелдешинде кез келет. Кыргызстандык мушкер кыз бешинчи ирет UFC уюмунун жеңил салмактагы чемпиондук наамын коргоо үчүн кармашат.БИШКЕК, 20-апр. — Sputnik. Бразилиялык атлет кыз Жессика Андраде атаандашы Валентина Шевченкону грэпплинг (күрөш) жагынан алсыз деп атады. Бул тууралуу ал Globo Esporte телеканалына берген маегинде айтты.
Кыргызстандык мушкер кыз менен бразилиялык спортчу 24-апрелде (Бишкек убактысы боюнча 25-апрелде) АКШнын Флорида штатындагы Жексонвилль шаарында өтүүчү UFC 261 турниринде беттешет.
"Шевченко грэпплинг жагынан алсыз деп ойлойм. Мен атаандашымды тордо кармаганда өзүмдүн канчалык күчтүү экенимди жана өз мүмкүнчүлүгүмө канчалык ишенимдүү экенимди дайыма айтып келем", — деген ал.
Эң жеңил салмактын экс-чемпиону беттеш учурунда Шевченконун "алсыз жагын пайдалана турганын" белгилеген.
"Мен атаандашымды бир канча ыкма менен жерге жыга алам. Жыгып алсам, анда ал тура албайт", — деп белгилеген Андраде.
Анын айтымында, Шевченконун ыкчам соккулары, өзгөчө бутка тепкени кооптуу болуп саналат.
Кеченин башкы беттешинде жарым орто салмактын чемпиону Камару Усмана менен Хорхе Масвидаль кармашат. Мелдештеги дагы бир кызыктуу таймаш эң жеңил салмактын мурдагы чемпиону Роуз Намаюнас менен кытайлык Вэйли Чжандын ортосунда өтөт.
Белгилер:
Бишкек мэриясы Айсулуу, Жоламан, Дарья баш болгон спортчуларды сыйлады
(жаңыланган 14:30 20.04.2021)
Мэрия спорттогу талыкпас эмгеги жана жетишкендиктери үчүн бир катар спортчуларга 100 миң сомдук, ал эми машыктыруучуларга 50 миң сомдук сертификаттарды ыйгарды.БИШКЕК, 20-апр. — Sputnik. Бишкек мэриясы эл аралык аренада ийгилик жараткан шаардагы спорттук мектептердин тарбиялануучулары менен машыктыруучуларды сыйлаганын кабарлады.
Мэрдин милдетин аткаруучу Бактыбек Кудайбергенов Айсулуу Тыныбекова менен© пресс-служба мэрии города Бишкек
Мэрдин милдетин аткаруучу Бактыбек Кудайбергенов Мээрим Жуманазарова менен© пресс-служба мэрии города Бишкек
Мэрдин милдетин аткаруучу Бактыбек Кудайбергенов Жоламан Шаршенбеков менен© пресс-служба мэрии города Бишкек
Мэрдин милдетин аткаруучу Бактыбек Кудайбергенов Дарья Маслова менен© пресс-служба мэрии города Бишкек
Мэрдин милдетин аткаруучу Бактыбек Кудайбергенов Айпери Медет кызы менен© пресс-служба мэрии города Бишкек
©
пресс-служба мэрии города Бишкек
Анда спортко талыкпас эмгеги жана спортту өнүктүрүүгө сиңирген эмгеги үчүн бир катар спортчулар 100 миң сомдук, ал эми машыктыруучуларга 50 миң сомдук сертификаттар берилди.
©
AP Photo / Eugene Hoshiko
Мэрдин милдетин аткаруучунун чечими менен спортчуларды таптаган машыктыруучулар Нурбек Изабеков, Хаким Махмудов, Уран Калилов, Кубат Мамбетов, Андрей Тупик, Рахмадил Жуманазаров, Ырысбек Мамышев, Абдужалил Юнусов, Татьяна Борисова 50 миң сомдук сертификат алышты.
Мындан сырткары, мэрия шаардын спортуна кошкон эмгеги үчүн баш калаадагы айрым спорттук мектептердин жетекчилерине ыраазычылык кат жана эстелик белектерди ыйгарганы маалым болду.
Бишкектин айрым бөлүгүндө электр жарыгы болбойт. График
(жаңыланган 17:53 20.04.2021)
Электр энергиясы баш калаанын көчөлөрүндө да, конуштарда да өчүрүлөт. Бул оңдоо иштерине байланыштуу экени айтылды.БИШКЕК, 20-апр. — Sputnik. Эртең, 21-апрелде, Бишкектин бир катар районунда электр энергиясы өчүрүлөт. Маалымат "Түндүк электр" ишканасынын сайтына чыкты.
Бул күнү мекеменин кызматкерлери турак үйлөрдүн чубалгыларын, трансформаторлорду оңдоп, бак-дарактарды бутайт.
График:
- 9:00дөн 17:00гө чейин — Токтоналиев көчөсүндөгү №320 үй жана Тынчтык конушунда;
- 9:00дөн 18:00гө чейин — Чүй жана Манас проспектилеринде, Калык Акиев көчөсүндө, Жаш гвардия, Фрунзе, Исанов, Мурманский көчө кесилиштеринде жана Балбан-Таймаш конушунда;
- 9:30дан 17:00гө чейин — №9 кичи райондогу №6 көп кабаттуу үйдө жана №10 кичи райондогу №21/1 үйдө;
- 9:30дан 18:00гө чейин — Жибек жолу проспектисинде жана Тоголок Молдо көчөсүндө;
- 9:30дан 19:00гө чейин — №5 кичи районунун айрым бөлүгүндө (№2-5, 19/2, 19/3 үйлөрдө);
- 9:40тан 18:00гө чейин — Гоголь көчөсүндөгү №92 үйдө жана Огонбаев көчөсүндөгү №222 үйдө;
- 10:00дөн 17:00гө чейин — Бакай-Ата конушунун айрым бөлүгүндө (Алмамбет жана Бакай-Ата көчөлөрү);
- 13:00дөн 17:00гө чейин — Аламедин-1 кичи районундагы №3 үйдө.
Белгилер: