Ирландский боец Конор Макгрегор после проигрыша над россиянином Хабибо Нурмагомедовым в рамках турнира UFC 229 в Лас-Вегасе. 07 октября 2018 года

Конор Макгрегор жеңилгенден кийин үн катты

7409
(жаңыланган 20:01 07.10.2018)
Макгрегор кайра кайтып келе тургандыгын билдирип, реванш сураган.

БИШКЕК, 7-окт. — Sputnik. Россиялык Хабиб Нурмагомедовдон жеңилген Конор Макгрегор социалдык тармактагы баракчаларына алгачкы билдирүүлөрүн жазды.

Нурмагомедов менен Макгрегор бүгүн Лас-Вегаста UFC 229 турниринин алкагында чемпиондук кур үчүн күч сынашкан. Беттештин төртүнчү раундунда Макгрегор муунтуу ыкмасынан улам атаандашына багынып берген.

Посмотреть эту публикацию в Instagram

I’ll be back.

Публикация от Conor McGregor Official (@thenotoriousmma) 7 Окт 2018 в 2:58 PDT

Конор Instagram баракчасына "Мен кайтып келем!" деп жазды.

Ал эми Twitter тармагында "Мага реванш керек" деп билдирген.

​Буга чейин атаандашы Нурмагомедов дагы социалдык тармакка алгачкы ойлору менен бөлүшкөн.

7409
Белгилер:
реванш, билдирүү, UFC, Хабиб Нурмагомедов, Конор Макгрегор
Тема:
Хабиб Нурмагомедов менен Конор Макгрегордун беттеши (43)
Тема боюнча
Хабиб Instagram баракчасына жеңиштен кийин алгачкы билдирүүсүн жазды
Нурмагомедов: Путин чалып куттуктап, сыймыктанарын айтты
UFC президенти: Нурмагомедовдун командасынын үч мүчөсү кармалды
Хабиб Конордун айласын кетиргенде. Кармаштын жана андан кийинки жаңжалдын видеосу
Беш түр салмак категорияда чемпион болгон Флойд Мейвезер. Архивдик сүрөт

Мейвезер полициянын колунан каза тапкан Флойддун зыйнатын көтөрөт

121
Атактуу боксчунун өкүлүнүн айтымында, Мейвезер Жордж Флойддун үй-бүлөсү менен сүйлөшүп, зыйнатына кетчү каражатты төлөп бермей болгон.

БИШКЕК, 3-июн. — Sputnik. Беш түр салмак категорияда чемпион болгон Флойд Мейвезер Миннеаполисте полициянын одоно аракетинен каза тапкан Жордж Флойдду акыркы сапарга узатуу зыйнатына кеткен каражатты көтөрүп берет. Бул тууралуу ESPN телеканалы боксчунун өкүлү Леонард Эллербеге шилтеме берип жазды.

"Ал (Мейвезер) сөөк коюу иш-чарасынын каражатын төлөп берет. Флойддун үй-бүлөсү менен бул тууралуу сүйлөшкөн, алар сунушту кабыл алган. Мунун баарын айтып жатканым үчүн кыжырданышы мүмкүн. Бирок ал мындай иштерди 20 жылдан бери кылып келет", — деп билдирген спортчунун өкүлү.

Эллербе бул иштерди жасоо менен боксчу өзүнө упай топтоону көздөбөй турганын белгилеген.

Мейвезер буга чейин, 2011-жылы, 45 жашында рактан каза болгон боксчу Генаро Эрнандестин акыркы сапарга узатуу чыгымын төлөп бергени айтылат. Мейвезер биринчи чемпиондук наамын 1998-жылы Эрнандести жеңип алгандан кийин тагынган.

Америкалык кара түстүү жаран Жордж Флойд 25-май күнү каза болгон. Интернетте полиция кызматкерлери афроамерикалык адамдын колуна кишен салгандан кийин жыгып, үчөөлөп басып калган видео тараган. Бирөөсү моюндун күрөө тамыр өткөн бөлүгүн тизеси менен кысып, басып турат. Флойддун бир нече жолу "дем ала албай жатам" деп айтып, андан кийин тынчып калганын көрүүгө болот.

Афроамерикалык жарандын өлүмүнөн кийин АКШда өткөн жумадан тарта нааразычылык акциялары башталып, ал башаламандыкка айланып кетти. Бир нече шаарга коменданттык саат киргизилип, полиция кызматкерлери тартипке көз салганы менен башаламандыктын аягы сууй элек. Ири шаарларда дүкөндөр талкаланып, мародерлук күч алганын ЖМКлар жазып жатышат.

Ал эми АКШ президенти Дональд Трамп башаламандыкты террорчулук деп сыпаттаган.

46 жаштагы Жордж Флойдду акыркы сапарга узатуу зыйнаты 9-июнда өзү туулуп-өскөн Хьюстон шаарында болот.

121
Белгилер:
каражат, зыйнат, өлүм, Жорж Флойд, Флойд Мейвезер, АКШ
Тема:
АКШда афроамерикалыктын өлүмүнөн кийинки башаламандык
Тема боюнча
АКШ полициясы ЖМК өкүлү экенин билип туруп Sputnik продюсерине ок чыгарды
АКШ: полиция кызматкерлери нааразылыкка чыккандардын алдында тизелеген видео
Кыргызстандык UFC мушкери Антонина Шевченко. Архив

Антонина Шевченконун соңку беттешинде алган гонорары айтылды

439
Узаган жумадагы UFC турниринде кыргызстандык мушкер Антонина Шевченко америкалык Кэтлин Чукагян менен кармашып, утулуп калган.

БИШКЕК, 2-июн. — Sputnik. Невада штатынын Атлетикалык комиссиясы UFC on ESPN 9 турнирине катышкан спортчулардын гонорары тууралуу маалымат таратканын MMA Fighting басылмасы жазды.

Спорттук иш-чара узаган аптада Лас-Вегастагы UFC Apex аренасында болду.

Беттеште Антонина Шевченко америкалык Кэтлин Чукагян менен кез келип, калыстардын бирдей чечими менен жеңилип калган. Каршылашы беттештин жүрүшүндө көбүрөөк үстөмдүк кылды.

Турнирдин башкы беттешинде 77 килограмм салмактагылар арасында мурдагы чемпион Тайрон Вудли менен Гилберт Бернс беттешип, үч раунддун жыйынтыгы менен жеңиш Бернске буюрду.

Жарыяланган маалыматтар боюнча, Шевченко акыркы кармашы үчүн 35 миң доллар алган. Анын атаандашы бул турнирде эң көп гонорар алгандардын бири болгон. Сый акысынын көлөмү 120 миң долларды (беттешкени үчүн 60 миң доллар, ушунча эле каражат жеңиш үчүн) түзөт.

Турнирде эң көп акча алган мушкер Гилберт Бернс болуп, 218 миң долларга ээ болду. Ушул сумманын 84 миң доллары беттешкени менен жеңишке жеткени үчүн, 50 миңи болсо мыкты кармаш тартуулаганы үчүн берилген.

Мурдагы чемпион Тайрон Вудли 200 миң доллар тапкан. Эгер ал жеңишке жетсе, 350 миң доллар алмак.

439
Белгилер:
сый акы, гонорар, беттешүү, Антонина Шевченко, UFC
Тема боюнча
Антонина Шевченко Лас-Вегастагы UFC турниринде жеңилип калды. Видео
Мындан да күчтүү болуп кайтам! Бети-башы көгала Антонина үн катты

Нью-Йоркто акцияга чыккандар камалууда. Видео

0
АКШда башаламандык афроамерикалык Жорж Флойддун өлүмүнөн кийин башталып, бир катар мамлекеттерге жайылды.

Нью-Йорк полициясы АКШдагы полициянын зомбулугуна нааразы болуп, акцияга чыккандардын арасынан 60 кишини камакка алды. Полиция департаментинин жетекчисинин айтымында, кармалгандар коменданттык сааттын эрежесин бузушкан.

Ал тартип сакчылары мыйзамдын бузулушуна жол бербей турганын айтып, шаар тургундарынын коопсуздугу үчүн бардык кадамдарга барарын белгиледи.

0
Белгилер:
башаламандык, Жорж Флойд, Нью-Йорк, АКШ, полиция
Тема:
АКШда афроамерикалыктын өлүмүнөн кийинки башаламандык
Тема боюнча
Мен — Жорж Флойдмун. АКШдагы акциялар дүйнөгө жайылды. Видео
Унчукпай кутулушту. Ак үйдү митингчилерден кайтарган аскерлердин видеосу
Кайрадан орустар. АКШдагы козголоңго Москваны айыптоо кимге зарыл?