Пловец Денис Петрашов

Аргентинадан алгачкы медалдар! Петрашов күмүш алды

617
(жаңыланган 12:08 11.10.2018)
Бүгүн, 9-октябрда, кыргызстандык дзюдочу Шахида Нармухамедова 78 килоргамм салмакта күч сынашат.

БИШКЕК, 9-окт. — Sputnik. Аргентинада өтүп жаткан III Жаштар олимпиадасында кыргызстандык спортчулар Денис Петрашов сууда сүзүү боюнча мелдеште күмүш, Хасан Баудунов фехтование боюнча коло медаль тагынганы иш-чаранын расмий сайтына жарыяланды. 

Эскерте кетсек, спорттук таймаш Буэнос-Айрес шаарында 6-октябрда башталган. Оюндар 18-октябрь күнү жыйынтыкталат. Анда Кыргызстандан 13 спортчу спорттун жети түрү боюнча ат салышууда.

  • III молодежная олимпиада в Аргентине
    Аргентинада өтүп жаткан III Жаштар олимпиадасында кыргызстандык спортчулар Петр Петрашов сууда сүзүү боюнча мелдеште күмүш алды
    © Фото / Евгений Петрашов
  • III молодежная олимпиада в Аргентине
    Хасан Баудунов фехтование боюнча коло медаль тагынды
    © Фото / Тологон Маратов
1 / 2
© Фото / Евгений Петрашов
Аргентинада өтүп жаткан III Жаштар олимпиадасында кыргызстандык спортчулар Петр Петрашов сууда сүзүү боюнча мелдеште күмүш алды

18 жаштагы эл аралык спорт чебери Денис Петрашов 100 метр аралыкты 1 мүнөт 1,34 секундда сүзүп өтүп, экинчи орун алган. Ал эми биринчилик кытай спортчусуна буйруган.

Дагы бир кыргызстандык спортчу Хасан Баудунов Япония, Аргентина жана Германия өлкөлөрүнүн өкүлдөрүн жеңип, жарым финалда египеттик Элсаид Мохамедге утулуп, үчүнчү орунду камсыз кылды.

Бүгүн, 9-октябрда, кыргызстандык дзюдочу Шахида Нармухамедова 78 килоргамм салмакта күч сынашат. Анын алгачкы атандашы Кытайдын Тайпей өлкөсүнүн өкүлү Ли Линг Лиу болмокчу.

Ушу тапта медалдын саны боюнча бир күмүш жана бир коло байгеси менен Кыргызстан 204 өлкөнүн ичинен 29-орунга илинди. Биринчи сапта Россия, экинчиде Венгрия, ал эми үчүнчү орунда Колумбия турат.

617
Белгилер:
байге, олимпиада, Денис Петрашов, Аргентина
Тема боюнча
Москвадагы кыргыздар панкратион боюнча дүйнө чемпионатынан 18 медаль утту
Sputnik Кыргызстан агенттигинин командасы күзгү марафонго катышты
UFC чемпиону Хабиб Нурмагомедовдун атасы жана машыктыруучу Абдулманап Нурмагомедов

Хабибдин атасы Абдулманап Нурмагомедов каза болду

3610
(жаңыланган 17:21 03.07.2020)
Мушкердин атасы эки тараптуу пневмония болуп майдын башында Москвадагы клиникалардын бирине жаткырылган.

БИШКЕК, 3-июл. — Sputnik. UFC чемпиону Хабиб Нурмагомедовдун атасы жана машыктыруучу Абдулманап Нурмагомедов каза болду. Бул туурасында Чечен республикасынын башчысы Рамзан Кадыровго таянуу менен РИА Новости билдирди.

Абдулманап Нурмагомедов Москвадагы клиникалардын бирине жаткырылган. Ага эки тараптуу пневмония деген диагноз коюлуп, андан кийин инсульт алган. Уулу жана окуучусу Хабиб анын абалы оор экенин айтып келген.

3610
Белгилер:
спорт, машыктыруучу, өлүм, оору, пневмония, Хабиб Нурмагомедов, Абдулманап Нурмагомедов
Тема:
Дүйнөгө жайылган коронавирус
Тема боюнча
Белгилүү адвокат Кайрат Загибаев каза болду

UFC: бирин-бири аябай... Жарым жеңил салмактагы дивизиончулар беттешкен видео

163
(жаңыланган 09:20 03.07.2020)
UFC YouTube каналына жарым жеңил салмактагы дивизиондогулардын беттешинин тарыхын, тагыраагы, бир нече турнирлерди чыгарды.

Жарым жеңил салмактагы категория 2010-жылдын аягында, UFC өзүнүн дивизионун кеңейтип, төмөнкү класстагыларды кошо баштаганда түзүлгөн.

Ал жылдары UFC World Extreme Cagefighting уюмунан бөлүнгөн. Жарым жеңил салмактагы WEC чемпиону Жозе Алду дароо аталган дивизиондун чемпиону деген титулду алган.

Бул наамды ал 2015-жылдын декабрына чейин алып жүрүп, UFC 194 турниринде ирландиялык Конор Макгрегорго алдырган.

Макгрегор бул титулдан 2016-жылдын 26-ноябрында ажыраган, себеби жеңил салмактагы чемпиондукка ээ болгон. Ал кезде титулду кармап келген бразилиялык Алдуга наамы кайтарылган.

Башка, бетке, чыкыйга тээп... UFC беттешиндеги эсте калчу учурлардын видеосу

2017-жылдын жай айында ал олжосун UFC 212 турниринде Макс Холловэйге алдырган. Ал эки жылдан кийин австралиялык Александр Волкановски менен беттешип, жеңилүү ызасын тарткан. Бул өткөн жылдын декабрында UFC 245 турниринде болгон.

 

163
Белгилер:
турнир, видео, беттешүү, UFC
Тема боюнча
Шевченко World MMA Awards премиясына эки категория боюнча көрсөтүлдү
Рафаэль Физиевдин UFC уюмундагы кийинки беттеши качан болору аныкталды
Президент Сооронбай Жээнбеков. Архив

Жээнбеков Бирдиктүү евразия патенти боюнча маанилүү документке кол койду

3
(жаңыланган 22:29 06.07.2020)
Документке ылайык бир нече өлкө менен сооданы өнүктүрүүгө, региондо инвестициялык климатты жакшыртууга шарт түзүлмөкчү.

БИШКЕК, 6-июл. — Sputnik. Президент Сооронбай Жээнбеков “Евразия патенттик конвенциясынын Өнөр жай үлгүлөрүн коргоо жөнүндө протоколун ратификациялоо тууралуу” мыйзамга кол койду. Бул туурасында мамлекет башчынын маалымат кызматы билдирди.

Аталган протоколго 2019-жылдын 9-сентябрында Нур-Султан шаарында кол коюлган. Ал эми мыйзам Жогорку Кеңеш тарабынан 2020-жылдын 11-июнунда кабыл алынган.

“Протоколдун негизги максаты — өнөр жай менчик объектилерин коргоонун евразия системасын бекемдөө жана кеңейтүү. Макулдашуучу мамлекеттердин аймагында бирдиктүү евразия патентинин негизинде өнөр жай үлгүлөрүн коргоонун мамлекеттер аралык системасын түзүлөт.  Ошондой ички рынокторун өнүктүрүү, соода жана инвестициялык иштерди жандантууга өбөлгө болот”, — деп жазылат маалыматта.

ЕЭК жалпы электроэнергетика рыногун түзүү боюнча иш-чаралардын жол картасын жактырды

Макулдашуучу мамлекеттердин курамына Азербайжан, Кыргызстан, Армения, Белоруссия, Казакстан, Тажикстан, Россия, Түркмөнстан мамлекеттери кирет.

Аны менен катар Евразия патенттик конвенциясына катышкан өлкөлөрдүн аймагында сооданы өнүктүрүүгө, ошондой эле региондо инвестициялык климатты жакшыртууга шарт түзөрү айтылат.

3
Белгилер:
Евразия, патент, кол, документ, Сооронбай Жээнбеков
Тема боюнча
Кыйын кырдаалдан кантип чыгабыз? Жээнбеков берген тапшырмалардын тизмеси