Россиялык ММА мушкери Федор Емельяненко жана америкалык Чейл Соннен. Архивдик сүрөт

Чыныгы эркек! Емельяненко өзүнөн утулган атаандашына костюм кийгизди. Видео

1207
(жаңыланган 10:17 16.10.2018)
Емельяненкону интернет колдонуучулар чыныгы мырза деп атап, башка спортчуларды үлгү алууга чакырышкан.

БИШКЕК, 14-окт. — Sputnik. Россиялык ММА мушкери Федор Емельяненко Bellator 208 турниринин алкагында уткан америкалык Чейл Сонненге командасынын спорттук костюмун белекке берди. Окуянын видеосу уюштуруу топтун Instagram баракчасында жайгаштырылган.

Емельяненко Сонненди беттештин биринчи раундунда техникалык нокаут менен уткан. Бул Гран-при Bellator турниринин оор салмактагылар арасындагы жарым финалдык таймашы болчу.

Видеодо россиялык мушкер беттеш бүткөндөн соң утулган атаандашына спорттук космюмун ыйгарганын көрүүгө болот. Белекти алган Соннен "Бул менин уулум үчүн" деп айткан. Интернет колдонуучулар Емельяненкону чыныгы мырза экендигин айтып, башка спортчулар үлгү алса болчудай экендигин белгилешкен. 

Федором Емельяненко финалдык кармашында америкалык Райан Бейдер менен күч сынашат. Беттеш 26-ноябрда Лос-Анджелесте өтөт.

42 жаштагы Емельяненко ММА карьерасында 38 мелдешти утуп, беш ирет жеңилген.

1207
Белгилер:
Федор Емельяненко, видео, белек, беттешүү, костюм
Тема боюнча
Емельяненко биринчи раундда эле атаандашынын эсин оодарып салды. Видео
Хабибдин Instagram баракчасына катталгандардын саны эки эсе өсүп, 12 млн. болду
Спорттун олимпиадалык эмес түрлөрү дирекциясынын усулчусу Адилет Камчыбеков

Камчыбеков: Бишкек марафонуна майыптыгы бар 100 адам катышат

9
Спорттун олимпиадалык эмес түрлөрү дирекциясынын усулчусу Адилет Камчыбеков Кыргызстан боюнча 195 миңден ашуун майыптыгы бар адам жашай турганын айтты.

Эртең борбор калаада өтүүчү жарым марафонго коляскада отурган майыптыгы бар 100 адамдын катышары пландалган. Бул тууралуу Адилет Камчыбеков Sputnik Кыргызстан радиосуна маек куруп жатып билдирди.

Камчыбеков: Бишкек марафонуна майыптыгы бар 100 адам катышат

Анын айтымында, өлкөдө 195 миңден ашуун ден соолугунан мүмкүнчүлүгү чектелген жаран бар.

"Булар үч топко бөлүнөт. Биринчиси — үйдөн чыкпаган, ата-энесинен башка эч ким менен сүйлөшпөгөн адамдар, экинчи топтогулар жарым-жартылай коомчулукка аралашкандар, ал эми үчүнчүсү билим алып, дос күтүп, эл менен аралашып жүргөндөр, бирок майыптыгы бар. Биринчи топко киргендердин психологиялык дагы саламаттыгы кооптуу абалга кептелет. Алардын ата-энеси, жакындары да ушундай эле оор абалда болот. Бул жарандарды элге аралаштырып, жарышка катыштыруу биринчи кезекте алардын багуучулары, ата-энеси үчүн чоң дем-күч берет. Андыктан биздин марафонго коляскада отурган, үч жаштан өйдө 100 адамды катыштыруу пландалган. Алар төрт топко бөлүнүп чуркашат. Кыздар, эркектер өзүнчө жана жандоочу менен, ошондой эле өз алдынча чуркагандар бар. Марафон учурунда дарыгерлер, тиешелүү социалдык мекемелердин кызматкерлери көзөмөлдөп турушат", — деди Камчыбеков.

Спортчу марафондун жыйынтыгында ар кандай кызыктыруучу сыйлыктар берилерин кошумчалады.

 

9
Белгилер:
Адилет Камчыбеков, марафон, майыптар, ден соолук
Тема боюнча
Надыров: Бишкек жарым марафонунун онлайн катышуучулары да болот
Кыргызстандык UFC мушкери Валентина Шевченко. Архив

Валентина Шевченко ринг-гёрлз кыздарды жактап, Хабибдин сынына жооп кайтарды

240
(жаңыланган 12:26 18.09.2021)
Шевченко журналистке берген маегинде ринг-гёрлз ММА менен такыр байланышы жок деп айтуу калпыстык болорун билдирген.

БИШКЕК, 18-сен. — Sputnik. Кыргызстандык мушкер Валентина Шевченко UFC уюмунун экс-чемпиону Хабиб Нурмагомедовдун сөзүнөн кийин ринг-гёрлз болуп иштеген кыздарды колдоп чыкты. Бул тууралуу Bjpenn басылмасы жазды.

Ринг-гёрлз — аралаш мушташта жана бокста рингге ар раунддун башталышында тактайча көтөрүп баскан кыздар. Алар бикини же кыска көйнөк кийип чыгышат.

Шевченко журналистке маек берип жатып ринг-герлз ММА менен такыр байланышы жок деп айтуу калпыстык болорун билдирген.

"Алар алгачкы ММА турнирлеринен бери келе жатышат. Аларды сырткары чыгарып коюу өтө жаман көрүнүш. Негизи ринг-герлз бул индустриянын ийгиликтеринин бир бөлүгү. Кыздарсыз, фанаттарсыз жана сапаттуу чагылдыруу болбосо турнир суз болуп калмак. Ошондой майда-барат нерселер жалпы картинаны жаратат. Ансыз бардык мушкер азыркыдай деңгээлге жетпесе керек эле. Андыктан ринг-гёрлз биздин чакан жана ири промоушендердин бир бөлүгү болуп кала бермекчи", — деп жазган Шевченко.

Август айында Нурмагомедовдун ринг-гёрлз ММА беттештерин өткөрүүдө пайдасыз адамдар деп айтканы резонанс жараткан.

240
Белгилер:
Хабиб Нурмагомедов, Валентина Шевченко, жооп, UFC
Тема боюнча
Конор Макгрегор сыйлык тапшыруу аземинде рэперге атырылып, чыр чыгарды. Видео
Валентина Шевченко кезектеги беттешине чемпион менен чогуу машыгууда. Сүрөт
Россияда өтүп жаткан Мамлекеттик Дума шайлоосуна видеокөзөмөл аркылуу байкоо системасынын демонстрациясы

Мамдума шайлоосуна 7,5 миң адам видеокөзөмөл аркылуу байкоо салууда

0
(жаңыланган 18:33 18.09.2021)
Быйыл шайлоо 17-19-сентябрга белгиленген. Мамлекеттик Дума менен бирге аймактык жана муниципалдык да шайлоо өтүп жатат.

БИШКЕК, 18-сен. — Sputnik. Россияда өтүп жаткан Мамлекеттик Дума шайлоосуна видеокөзөмөл аркылуу байкоо салып жаткан парламенттик партиялардын биринен да эч кандай доомат түшкөн жок. Бул тууралуу РФ Борбордук шайлоо комиссиясынын төрага орун басары Николай Булаев билдирди.

"Ушу тапта видеокөзөмөл порталында 7,5 миң адам отурганын жазып жатышат. Алар бир эле убакта 30 миң шайлоо участкасына көз салууда. Эч биринен эч кандай доомат жок. Парламенттик партиялар биз камсыздап берген техникалык жабдууга нааразылык жок экенин айтышты", — деди Булаев.

Ал коомдук көзөмөл борборлорунда жумушчу орун жетиштүү экенин белгилеп, каалоочуларды чакыра кетти.

Шайлоо быйыл 17-19-сентябрга белгиленген. Мамлекеттик Дума менен биргеликте регионалдык жана муниципалдык шайлоо да кошо өтүп жатат.

0
Белгилер:
шайлоо, Россия, Мамлекеттик Дума, көзөмөл, БШК
Тема боюнча
Владимир Путин Мамдуманын шайлоосуна онлайн добуш берди
Москвада онлайн шайлоого катышкан 10 жаран акциядан батир утуп алды