Конор Хабиб менен болгон беттешине саресеп салып, ири катасын айтты

© AP Photo / John LocherИрландиялык мушкер Конор Макгрегор. Архив
Ирландиялык мушкер Конор Макгрегор. Архив - Sputnik Кыргызстан
Жазылуу
Ирландиялык мушкер эки жума мурда өткөн чемпиондук наам үчүн болгон беттешинин ар бир раундуна анализ жүргүздү.

БИШКЕК, 23-окт. — Sputnik. Конор Макгрегор Хабиб Нурмагомедов менен өткөргөн беттеши тууралуу пикирин Instagram баракчасына жүктөгөн.

Нурмагомедов ирландиялык мушкерди Лас-Вегаста өткөн UFC 229 турниринин алкагында утуп алган болчу.

"Биринчи раунд. Спорттук көз карашта ал "үстөмдүк" кылып жатты. Торго такап үстүгө чыкты. Ушундай ыкмадан башка аракет көргөн жок. Баштапкы соккуларды өткөрүп жибергенден кийин али да болсо беттешкенге каалоом күч экендигин көрсөттүм. Сол колдун түз соккусу кетти. Андан соң тизем башка тийди, бул учурда ал тейкдаун ыкмасын жасайын деген. Чыканактарым моюнга кирген сайын тийип жатты. Атаандаш бутту кармап раунд бүткүчө торго такап туруп алды", — деп жазган спортчу.

Кийинки раундунда мушкер өзүнүн күрөшкөнүн анча баалабаганын белгилеген.

Россиялык мушкер Хабиб Нурмагомедов. Архив - Sputnik Кыргызстан
Акчам тамагыңарга тыгылып калбасын! Нурмагомедов UFC уюмун катуу сындады
"Экинчи раунд. Ал оң колунун соккусу тийгенче октагонду айланып жүрдү. Жакшы сокку болду. Мен ошол замат чабуулга өткөндө, ал да активдүүлүгүн көрсөтүп баштады. Муну спорттогу акылдуулук дейт. Атаандаштар бири-бирине үстөмдүк кылып турушу керек. Мен беттешке даярданып жатканда соккуларга көбүрөөк басым жасап коюптурмун. Мындан ары ар тараптуулукка көңүл коерума ишенем", — деди Макгрегор.

Соңку раунддарда спортчу ката кетиргенин айтып берген.

"Төртүнчү раунд. Оор кармашуудан кийин өзүмдү толук колго ала албай калдым. Бул менин күнөөм. Ал кайрадан бутка кирди. Мен болушунча туруп беттешүүгө аракет жасадым. Эң ири катам — жонум ачык калды. Ошол замат жеңилүүгө дуушар болдум. Бирок жеңиш таза болду", — деген спортчу.

Соңунда Макгрегор күйөрмандарына мындан кийинки беттештерине мыкты даярдык жана күчтүү эрк менен кайтып келерин айткан.

Ирландиялык спортчу Хабиб Нурмагомедов менен реванш-беттеш өткөрүүнү пландап жатканын билдирип, атаандашына 15 миллион доллар сунуштаган.

Жаңылыктар түрмөгү
0