Алыш күрөшү. Архивдик сүрөт

Борбор калаада алыш күрөшү боюнча эл аралык турнир өтөт

44
(жаңыланган 17:37 01.12.2018)
Мелдешке Кыргызстандан башка Казакстан, Өзбекстан, Тажикстан, Россия, Монголия Түркмөнстан, Белоруссия жана Ирандын балбандары катышмакчы.

БИШКЕК, 1-дек. — Sputnik. Борбор калаадагы Кожомкул атындагы спорт сарайда алыш күрөшү боюнча эл аралык турнир өтө турганын Жаштар иши, дене тарбия жана спорт боюнча мамлекеттик агенттиктен кабарлашты.

Таймаш 19-декабрга белгиленген. Кыргыз Эл баатыры, коомдук жана саясий ишмер Апсамат Масалиевдин элесине арналган турнирге Кыргызстандан башка Казакстан, Өзбекстан, Тажикстан, Россия, Монголия Түркмөнстан, Белоруссия жана Ирандын балбандары катышмакчы.

Эл аралык мелдешке 18 жаштагы жана андан улуу курактагы спортчулар катышып, классикалык стилде эркектер 70, 80 жана +80 килограммда күрөшөт. Ал эми кыз-келиндер 55, 65 жана +65 килограмм салмакта күч сынашат.

Иш-чараны Спорттун улуттук түрлөрү боюнча дирекция, Алыш федерациясы жана Апсамат Масалиев атындагы коомдук фонду уюштурууда.

44
Белгилер:
алыш, балбан, турнир
Тема боюнча
Жумгалда эркин күрөш боюнча өспүрүмдөр арасында мелдеш өтөт
Мелис Турганбаев күрөш боюнча дүйнө чемпионатына үчүнчү ирет катышмай болду
Жоламан Шаршенбеков күрөш боюнча Азия чемпионатында күмүш медалга татыды
Пикирлер