Таластын көкбөрүчүлөрү. Архивдик сүрөт

"Ынтымак" мелдешинде баш байгеге Талас районунун көк бөрүчүлөрү ээ болду

286
(жаңыланган 12:58 03.12.2018)
Таластын Манас районун жеңип алган Чүйдүн Жайыл району үчүнчү орунду ээледи.

БИШКЕК, 2-дек. — Sputnik. "Ак-Кула" ат майданында өтүп жаткан "Чүй — Талас ынтымагы" көк бөрү турниринде Талас районунун улакчылары баш байгени багындырды.

Финалдык беттеште Талас облусунун Кара-Буура райондору кез келген. Айыгышкан беттеш 6:3 эсеби менен жыйынтыкталды. Ал эми Таластын Манас районун жеңип алган Чүйдүн Жайыл району үчүнчү орунду ээледи.

"Ынтымак" мелдешинде эки облустун төрт районунан сегиз команда чыгып күч сынашты. Таластан Манас, Кара-Буура, Талас, Бакай-Ата райондору жана Чүйдөн Жайыл, Аламүдүн, Токмок, Сокулук райондору команда курап келген. Буга чейин ушундай эле турнир Таласта өтүп баш байгени Сокулук командасы уткан.

Байгелер төмөндөгүдөй бөлүштүрүлдү:

  • Биринчи орун — 200 миң сом;
  • Экинчи орун — 150 миң сом;
  • Үчүнчү орун — 100 миң сом;
  • Төртүнчү орун — 80 миң сом. 

Ушул эле турнирдин алкагында өткөн ардагерлердин кармашында дагы Талас облусунун командасы жеңүүчү болду. 

286
Белгилер:
район, Көк бөрү, мелдеш, Чүй облусу, Талас
Тема боюнча
Аттан кулап ылайга булганган улакчылар. Көк бөрү чемпионатынан укмуш сүрөттөр
Чүйдүн улакчылары Кыргызстандын чемпиону болду. Сүрөт
Пикирлер