Кыргызстандык UFC мушкери Валентина Шевченко. Архив

Шевченко каршылашын баш көтөртпөй жеңе алабы? Спортчулар беттеш тууралуу

444
(жаңыланган 18:19 09.02.2019)
Жекшемби күнү кыргызстандык мушкер Валентина Шевченко польшалык Жоанна Енджейчик менен UFC уюмунун эң жеңил салмактагы (57 кг) чемпиондук кур үчүн кармашат. Беттеш Торонтодо (Канада) өтмөкчү.

Шевченко ММА боюнча 15 мелдештин жеңүүчүсү. Эки ирет бразилиялык Аманда Нуниске, бир жолу америкалык Лис Кармаучка (2010) утулган. Ал эми каршылашы Енджейчик дагы 15 беттешти утуп, эки ирет америкалык Роуз Намаюнаска жеңилип, 52 килограмм салмактагы чемпиондук наамынан ажыраган.

Белгилей кетсек, мурдагы совет өлкөлөрүнүн ичинен кыз-келиндер арасында аталган UFC уюмунун чемпиондук наамына ээ болгондор азырынча жок. Эркектер арасында россиялык Олег Тактаров менен Хабиб Нурмагомедов чемпион болгон.

Шевченко менен Енджейчиктин беттешин спорт сүйүүчүлөрү чыдамсыздык менен күтүп, өз ара ой толгоп, жыйынтыгын божомолдоп жатат, а түгүл буга дүйнөлүк букмекердик конторалар да назар салууда.

Sputnik агенттиги кыргызстандык спорт көзүрлөрүнүн пикирин топтоду.

Айбек Мусаев, JFC лигасынын президенти

Тренер бойцовского клуба Жаш Куч Айбек Мусаев в мультимедийном пресс-центре Sputnik Кыргызстан на пресс-конференции Кыргызстан vs Чечня — турнир ММА JFC Fight Night 2017
© Sputnik / Табылды Кадырбеков
JFC лигасынын президенти, "Жаш күч" клубунун машыктыруучусу Айбек Мусаев

— Шевченко менен Енджейчик мурда муай-тай боюнча үч ирет мелдешип, баарында тең мекендешибиз уткан. Бул жолу да жеңишин майрамдайт. Валентина туруп беттешкенде дагы, партерде дагы жакшы. Атаандашына салыштырмалуу күчтүүрөөк. Менимче, беттеш мөөнөтүнөн мурда аяктайт.

Бусурманкул Абдубаит уулу, M-1 уюмунун мушкери

Боец смешанных единоборств Бусурманкул Абдубаитов во время интервью Sputnik Кыргызстан
© Sputnik / Табылды Кадырбеков
M-1 уюмунун мушкери Бусурманкул Абдубаит уулу

— Эки мушкер кыз тең тажрыйбалуу болгондуктан беш раунд толугу менен кармашат деп ойлойм. Шевченко бардык раундда үстөмдүк кылат. Мелдештин калыстары адилеттүү чечим чыгарса экен деп ниеттенем.

Марат Бекмуратов, ММА менеджери

Руководитель промоутерской компании Mara Team Management Марат Бекмуратов
© Sputnik / Азамат Тотубаев
Спорттук менеджер Марат Бекмуратов

— Шевченко атаандашынан бир канча себеп менен айырмаланат. Биринчиден, табиятынан денеси чоң, колдору узун, экинчиден, Енджейчикти мурда уткан, үчүнчүдөн прессинг (атаандашты кууп иштөө) жана контрчабуул ыкмаларын жакшы өздөштүргөн. Негизи Енджейчик беттеш учурундагы планы ишке ашпай баратса, артка кетенчиктеген адаты бар. Мен муну анын акыркы жолу Роуз Намаюнас менен кармашып, чемпиондук наамын алдырып койгондо анализдегем.

Руслан Ниязакунов, Nomad ММА федерациясынын президенти

— Албетте, мекендешибиз, сыймыгыбыз Валентина Шевченкого жан тартабыз. Биз Кыргызстанда жүргөндө чогуу машыкчу элек. Ал турнирде таза жеңишке жетерине ишенем. Бирок атаандашы да бийик даражадагы мушкер, андан баарын күтсө болот.

Нурсултан Турусбеков, спорттук баяндамачы

Комментатор КТРК Нурсултан Турусбеков во время интервью на радио Sputnik Кыргызстан
© Sputnik / Табылды Кадырбеков
Спорттук баяндамачы, журналист Нурсултан Турусбеков

— Эки мушкер туруп беттешкенге аракет жасашат. Шевченко мурда атаандашын тай бокс эрежеси боюнча утуп жүргөн. Беттешти мөөнөтүнөн мурда жыйынтыктарына ишенем. Анткени ал 61 килограмм салмакта күч сынашып жүргөндө Аманда Нунис, Холли Холм сыяктуу күчтүү мушкерлерге каршы турган. Ал эми Енджейчик андай деңгээли бийик мушкерлерге туш боло элек.

Рафаэль Физиев, ММА мушкери

Кыргызстанский боец ММА и кикбоксер Рафаэль Физиев во время открытой тренировки в Бишкеке
© Sputnik / Гульдана Талантбекова
Аралаш мушташ, тай боксу боюнча спорт чебери Рафаэль Физиев

— Беттешти алдын ала божомолдоп, жыйынтык чыгарганды көп жактыра бербейм. Кандай гана учур болбосун Валяга жан тартам.

Жолдошбек Мамашарипов, "Ак барс" клубунун машыктыруучусу

Основатель и главный тренер спортивного клуба Ак барс Жолдубай Мамашарипов
© Фото / предоставлено Жолдубаем Мамашариповымм
"Ак барс" клубунун машыктыруучусу, негиздөөчүсү Жолдошбек Мамашарипов

— Валентина Шевченко үчүнчү раунддун аягында Жоанна Енджейчикти техникалык нокаут менен жеңип, чемпиондук курду тагынат.

Жыргалбек Чомонов, "Эмир" клубунун машыктыруучусу

— Эки кыз тең сокку узатып беттешкенди жакшы өздөштүргөн. Бирок биздин Валентина Жоаннага караганда ар тараптуу мушкер. Кааласа күрөшөт, кааласа муштумдап беттешет. Менимче, ал атаандашынын алсыз жагына карап күрөшкө ыктайт. Валентина колу узун болгондуктан дистанция кармап беттешет. Беш раундда 5:0 эсеби менен утат. Анткен менен Жоанна илгери Шевченко уткан деңгээлде эмес. Андан бери бир топ өстү, жадакалса чемпиондук курду да тагынып көргөн.

444
Белгилер:
кур, беттешүү, пикир, UFC, Жоанна Енжейчик, Валентина Шевченко
Тема боюнча
Дүйнөнү дүңгүрөткөн Валентина Шевченко тууралуу 10 факты
Валентина Шевченко: турмушка чыгуу эч качан кеч эмес, бирок карьера күтпөйт
Шевченко: өз акымдан сырткары корей кыздын акчасынан да алмай болдум
Бир беттешиме 6 миң доллар төлөп беришти. Кыргыз мушкерлеринин ММАдеги жолу
Дордой футбол клубунун оюнчулары

"Дордой" футбол клубу мөөнөтүнөн мурда өлкө чемпиону болду

27
(жаңыланган 13:42 01.10.2020)
"Дордойчулар" чемпионаттын бүтөрүнө дагы бир тур калганда алты упай алдыга озуп, чемпиондукту камсыздады.

БИШКЕК, 1-окт. — Sputnik. Бишкектин "Дордой" клубу футбол боюнча Кыргызстандын Шоро премьер-лигасынын 2020-жылдагы чемпиону болду. Бул тууралуу Кыргызстандын футболдук союзу билдирди.

"Дордойчулар" чемпионаттын бүтөрүнө дагы бир тур калганда алты упай алдыга озуп, чемпиондукту камсыздады.

Башкы машыктыруучу Александр Крестининдин шакирттери бүгүн, 1-октябрда, мелдештик жарышта экинчи сапта келе жаткан Бишкектин "Алга" клубун утуп алды.

Бишкекте тынчтыкты даңазалаган футбол майрамы өттү. Сүрөттөр

Беттеш Кант шаарындагы "Центральный" стадионунда өтүп, талаа ээси катары ойногон "Алганы" "Дордой" 1:5 эсебинде утту.

Муну менен "Дордой" үчүнчү ирет удаасы менен, ал эми тарыхында 12-ирет чемпион болду.

Кыргызстандын чемпиону быйыл коронавирус пандемиясына байланыштуу борборлоштурулган форматта Кант шаарында күйөрмансыз өттү.

27
Белгилер:
"Дордой" ФК, футбол
Тема боюнча
Гүлжигит Алыкулов "Кайраттын" УЕФА мелдешиндеги голуна жардам берди. Видео
Азербайджан аскери. Архивдик сүрөт

Карабах чыры. Азербайжандык MMA мушкери армияга чакырылды

321
(жаңыланган 17:33 30.09.2020)
Спортчу аскердик кызмат өтөөгө кечээ жиберилген. Азербайжан бийлиги буга чейин Армения менен Тоолуу Карабахта болгон аткылашуунун тушунда мобилизациялоо жарыялаган.

БИШКЕК, 30-сен. — Sputnik. Азербайжандык эрежесиз эр уруш (ММА) мушкери Тофик Мусаев өз ыктыяры менен өлкөнүн армиясынын куралдуу күчтөрүнүн катарына чакырылды. Бул тууралуу Azerisport.com маалымат булагына таянып РИА Новости жазды.

Маалыматка ылайык, спортчу аскердик кызмат өтөөгө кечээ жиберилген. Азербайжан бийлиги буга чейин Армения менен Тоолуу Карабахта болгон аткылашуунун тушунда мобилизациялоо жарыялаган.

Ингушетиядагы операцияда КРде легионер-спортчу болгон Евлоев жок кылынды

Мусаев ММА спортундагы карьерасында 21 беттештин 18ин жеңип, үч ирет утулган. 30 жаштагы мушкер учурда Rizin мушкерлер уюмунун жеңил салмактагы чемпиондук курунун ээси болуп саналат.

Посмотреть эту публикацию в Instagram

Публикация от Aslan Ismayılov 🇦🇿 (@aslan.ismayilov)

27-сентябрга караган түнү Армения менен Азербайжан чектешкен аймактагы өзүн-өзү эркин деп жарыялаган Тоолуу Карабах Республикасында аскердик кагылышуулар башталган. Мунун келип чыгышына тараптар бири-бирин күнөөлөп жатат. 28-сентябрь күнү эртең менен эки тараптан тең жүздөгөн аскерлер жарадар жана каза болгону айтылды. Армения өз аймагында аскердик абал жарыялагандан соң, Азербайжан да өз өлкөсүнө аскердик абал киргизген.

321
Белгилер:
Тоолуу Карабах, армия, мушкер, ММА
Тема:
Тоолуу Карабахтагы жаңжал
Тема боюнча
Тоолуу Карабах: дүйнө бул чатакка кандай карап, ким отко май чачып жатат. Видео
Карабахтагы абалдын курчушу Кавказдагы чырга Россияны аралаштыруу аракетиндей...
БУУнун Коопсуздук кеңеши Карабахтагы эрегиш боюнча билдирүү жасады

Москва сахнасында кыргызды даңазалаган залкарлар. Таберик сүрөт

0
(жаңыланган 13:59 01.10.2020)
Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, анын тарыхын баяндоону улантат.
Дирижер Чанай Жумаканов, белгилүү комузчу Ыбырай Туманов, ырчы Мыскал Өмүрканова, композитор Карамолдо Орозов, актриса Алиман Жангорозова жана улуу манасчы Саякбай Каралаев (солдон оңду карай). 1958-жыл, Москва шаары
© Фото / из семейного архива Орозовых

Солдон оңду карай бала көтөрүп турган хор дирижеру Чанай Жумаканов, белгилүү комузчу Ыбырай Туманов, ырчы Мыскал Өмүрканова, композитор Карамолдо Орозов, актриса Алиман Жангорозова жана улуу манасчы Саякбай Каралаевдин сүрөтү 1958-жылы Москва шаарында тартылган.

Ал жылы Москвада Кыргыз искусствосунун жана адабиятынын экинчи декадасы өтүп, ага кыргыз элинин акын-жазуучу, ырчы, аткаруучу, чыгармачыл инсандары катышкан.

Имараты жок көчөдө калган дымагы күч артисттер. "Туңгучтун" таберик сүрөтү

Ошол учурду КРдин эл артисти, белгилүү төкмө акын Замирбек Үсөнбаев мындайча эскерет:

"Мен сүрөттөгү инсандарды бала кезимде көрүп калдым. Алардын ортодогу жаштарында айырма бар, бирок замандаштар. Ыбырай аксакал Ысык-Көлдө жашап, ошол жакта турчу. Ал эми Карамолдо Орозов, Осмонкул Бөлөбалаев, Саякбай Каралаев, Молдобасан Мусулманкулов жана менин атам Алымкул Үсөнбаев Фрунзе шаарында жашачу. Алардын бардыгы чогулуп алып шерине жеп, комуз чертип ырдап, бири-бири менен жакшы катышта эле. Алардын төкмөлүгүнө, манас айтканына, комуз черткенине күбө болуп калдым. Булардын ар бири жөнүндө бир айлап айтсак дагы сөз бүтпөйт. Убакыттын өтүшү менен эскерилбей, унутуп бара жатабыз. Мисалы, Карамолдо Орозов менен Ыбырай Тумановду комуздун генийи деп айта алам. Экөө тең үч кыл комузга симфонияны батырган инсандар. Аларды белгилүү бир даталарда эстебей, жаштарга байма-бай айтып турушубуз керек", — деди Үсөнбаев.

Арсен Өмүралиевди атасындай көргөн шакирттер. Таберик сүрөт

Эске сала кетсек, 1958-жылы Москвадагы Кыргыз искусствосунун экинчи декадасынын өтөрүнө үч жума калганда Күлүйпа Кондучалова министр болуп дайындалып, ага 1100дөй кыргызстандык катышып, иш-чара жогорку деңгээлде өткөн.

0
Белгилер:
таберик сүрөт, чыгармачылык, Москва, Кыргызстан
Тема:
"Таберик сүрөт" — сейрек кездешкен ирмемдер
Тема боюнча
Кара жумушта жүрүп киного аралашкан Үсөн Кудайбергенов. Таберик сүрөт
"Мугалимим, биринчи сүйүүм, балдарымдын атасы". "Ак кемедеги" таберик сүрөт
"Жылаңач" эпизодго Москвадан кыз алдырып... Асел Эшимбекованын таберик сүрөтү