Жеңилбес боксчу Акжол Сулайманбек уулу. Архивдик сүрөт

Жеңилбес боксчу Акжол Сулайманбек уулу чемпиондук наамын коргоп калды

(жаңыланган 13:42 10.12.2018)
Боксчу профессионалдар арасында 13-мелдешин камсыздады.

БИШКЕК, 10-дек. — Sputnik. Кыргызстандык боксчу Акжол Сулайманбек уулу бокс боюнча профессионалдар арасында мелдеште WBA Asia наамын сактап калды. Бул туурасында турнирди уюштурган RCC Boxing Promotions компаниясы "ВКонтакте" баракчасына жазды. 

Мелдеш узаган дем алышта Санкт-Петербург шаарында өткөн. Анда Сулайманбек уулу филиппиндик Джон Эстрадо менен беттешип, натыйжада калыстардын чечими менен жеңүүчү деп табылган. Ушуну менен ал экинчи ирет WBA Asia наамын коргоп жатат.

Кыргыз мушкери, бокс боюнча КРдин үч жолку чемпиону Акжол буга чейин профессионалдар арасында 13 ирет беттеш өткөрүп, бир да жолу утулган эмес. 2016-жылдан бери Екатеринбург шаарында спорттук карьерасын улантып келет.

Боксчунун спорттогу жолу жана үй-бүлөсү тууралуу маекти Sputnik Кыргызстан маалымат агенттиги даярдаган маектен окуй аласыздар.

Белгилер:
наам, жеңиш, мелдеш, бокс, спорт, Акжол Сулайманбек уулу
Тема боюнча
Эки жыл мурда баары бүттү дегем... WBA ASIA чемпиону Акжолдун рингдеги жолу
Россиялык Емельяненко менен иштеше баштадым. ММА менеджери менен маек
Сооронбай Жээнбеков телефондон Шевченкону куттуктады

Атаандашы 7-раунддан кийин чыкпай койду. Боксчу Акжолдун жеңиши видеодо

(жаңыланган 17:16 18.04.2021)
Эки спортчу тең мурда жеңилүү ызасын тарткандан кийин рингге чыгышкан. Кыргызстандык боксчуга жеңиш оңойчулук менен келген жок. Каршылашы менен жети раунд беттешип багындырды.

Кыргызстандык боксчу Акжол Сулайманбек уулу Екатеринбург шаарында өткөн RCC Boxing Promotions турниринде россиялык атаандашы Никита Кузнецовду утуп алды.

Аталган уюмдан Сулайманбек уулу дал ушул жеңиши үчүн бокска кайтканын белгилешти. Ал өткөн жылы март айында нокаут менен утулуп калган эле.

Кыргызстандык спортчу ар бир раунд сайын күч алып, таамай сокку уруп жатты. Жетинчи раунддан кийин Кузнецов беттешти улантуудан баш тартты.

Муну менен Сулайманбек уулунун куржунунда 16 жеңиш, бир жеңилүү бар. 2018-жылы ал Дүйнөлүк бокс ассоциациясынын версиясы боюнча Азия чемпиону болгон. Бул титулду төрт жыл катары менен сактап келет.

Белгилер:
жеңиш, беттешүү, бокс, Акжол Сулайманбек уулу
Тема боюнча
Эркин күрөштөн биринчи болуп Эрназар Акматалиев Олимпиадага лицензия утту. Видео
UFC Валентина Шевченко катыша турган мелдештин трейлерин жарыялады. Видео
Кыргызстандын футбол боюнча курама командасынын жарым коргоочусу Гүлжигит Алыкулов. Архивдик сүрөт

"Кыргызстандык Месси" алматылык клуб менен келишимин узартты

Гүлжигит Алыкулов "Кайрат" клубунда ойной баштаганына бир жылдан өттү. Буга чейин ал Беларустун "Неман" командасында болчу.

БИШКЕК, 18-апр. — Sputnik. Кыргызстандын футбол боюнча курама командасынын жарым коргоочусу Гүлжигит Алыкулов Алматынын "Кайрат" клубу менен келишимин узартты. Бул тууралуу клубдун маалымат кызматы кабарлады.

Жаңы келишимге ылайык, футболчу ал жакта 2023-жылдын аягына чейин ойноп, дагы бир жылга калып калууга мүмкүнчүлүгү бар.

"Кыргызстандык Месси" атыккан оюнчу "Кайратка" 2020-жылы беларустук "Неман" клубунан өткөн.

Эске салсак, Алыкулов быйыл Азия чөлкөмүндө "Аптанын оюнчусу" номинациясын эки ирет жеңип алды.

Белгилер:
келишим, ФК Кайрат, Алматы, Гүлжигит Алыкулов, футбол, Кыргызстан
Тема боюнча
Кыргызстандык Эрназар Алматыдагы мелдеште мыкты ыкма жасаган спортчу болду. Видео

Россия тик учактын ордун баса турчу чакан аэромобилдерди чыгарат. Видео

Россиянын Перспективдүү изилдөөлөр фонду "Циклон" долбоорунун алкагында "Циклокар" деп аталган инновациялык аэромобиль чыгаруу иштерин баштады.

Бул машина 600 килограммдык жүк көтөрүүгө ылайыкталып, ичине алты адам батат. Муну жүзөгө ашыруу иштерин Россия Илимдер академиясынын Сибирдеги бөлүмүнүн Теплофизиктер институту аткарары айтылды.

Биринчи этапта машинанын алдын ала долбоору даярдалган. Ошондой эле диаметри 1,5 метрлик циклдүү кыймылдаткычын жерден сынап көрүшкөн. "Циклокардын" жалпы көлөмү (узун-туурасы) 6,2 жана 6 метрди түзөт, саатына 250 чакырымга чейинки ылдамдыкта жүрөт. Ал эми тыным албай 500 чакырымга чейин жетсе болору белгиленген.

Аэромобиль тик учакка салыштырмалуу чакан эмес, ал имараттардын четине токтоп ичиндеги адамдарды түшүрүүгө да ылайыкташкан.

Белгилер:
кыймылдаткыч, Россия, унаа, чыгаруу, учуу
Тема боюнча
Гонконгдо пандемиядан улам робот-бармендер иштей баштады. Видео