Алыш күрөшү. Архив

Белден кармап көтөрүп чап! Бишкекте алыш күрөшү боюнча эл аралык турнир өтөт

75
(жаңыланган 19:33 19.12.2018)
Мелдешке 300дөн ашык спортчунун келиши күтүлүүдө.

БИШКЕК, 19-дек. — Sputnik. Бишкекте алыш күрөшү боюнча эл аралык мелдеш өтө турганын Sputnik Кыргызстан маалымат агенттигине уюштуруучулар кабарлашты.

Турнир бүгүн, 19-декабрда, Кожомкул атындагы Спорт сарайында өтөт.

Иш-чара жыл сайын КРдин Эл баатыры Абсамат Масалиевдин жаркын элесине арналып өткөрүлүп келет.

"Спорттук мелдешке Орто Азия, Россия, Монголия, Түркмөнстан, Белоруссия, Иран жана башка өлкөлөрдөн 300дөн ашык балбандын келиши күтүлүүдө", — деп айтылат маалыматта.

Мелдешке жашы 18ден өйдө эркектер жана кыз-келиндер категориясы боюнча ар кандай салмакта күч сынаша алат.

Эркектер (классикалык стиль): 70 кг, 80 кг, +80 кг жана абсолюттук салмак;

Аялдар (эркин стиль): 55 кг, 65 кг, + 65 кг.

75
Белгилер:
салмак, балбан, мелдеш, спорт, алыш, Абсамат Масалиев
Тема боюнча
Алыш деген ушундай болот! Балбан Эрланбек Мырзабековдон мастер-класс
Тажикстандын футболчулары Япон футболчулары менен беттеш учурунда

Тажикстандын командасы Дүйнө чемпионатынын тандоо туруна өтпөй калды. Себеби

373
(жаңыланган 13:20 16.06.2021)
Эске салсак, Кыргызстан менен Тажикстандын командалары экинчи тандоо раундунда бир тайпада (F) болчу. Анда экинчи орунду Тажикстандын курама командасы алса, Кыргызстан үчүнчү орунга илинген.

БИШКЕК, 16-июн. — Sputnik. Тажикстандын футбол боюнча курама командасы 2022-жылы өтө турчу Дүйнө чемпионатынын үчүнчү тандоо раундуна өтпөй калды. Бул тууралуу Тажикстандын Футбол федерациясы кабарлады.

Эске салсак, Кыргызстан менен Тажикстандын командалары экинчи тандоо раундунда бир тайпада (F) болчу. Анда экинчи орунду Тажикстандын курама командасы алса, Кыргызстан үчүнчү орунга илинген. Үчүнчү раундга сегиз топтун жеңүүчүлөрү чыккан. Ошондой эле аталган раундда экинчи орунду алган мыкты беш команда да ойномок.

"Тажикстандын улуттук курама командасы 2022-жылы өтө турган Дүйнөлүк чемпионаттын тандоо турнирине катышпай калды. Дүйнөлүк чемпионаттын тандоо турунун үчүнчү раундуна чыгып, 2023-жылы өтө турчу Азия кубогуна жолдомо алуу үчүн курама команда үчүн төрт гол жетпей калды", — деп жазылат федерациянын маалыматында.

Кийинки этапка Сирия, Австралия, Иран, Сауд Аравиясы, Япония, БАЭ жана Түштүк Корея чыкты.

Экинчи орунду алган командалардын көрсөткүчтөрү:

  • Кытай — 13 упай;
  • Оман — 12;
  • Ирак — 11;
  • Вьетнам — 11;
  • Ливан — 10 (өз дарбазасына жана атаандашка кирген топтун айырмасы +3);
  • Тажикстан — 10 (өз дарбазасына жана атаандашка кирген топтун айырмасы — 1);
  • Өзбекстан — 9;
  • Кувейт — 8.
373
Белгилер:
тандоо, футбол, дүйнө чемпионаты, Тажикстан
Тема боюнча
КРдин футбол командасы өз тайпасынан экинчиге илинбей калды. Эми эмне болот?
Бишкектеги түнкү марафондун катышуучулары. Архив

Бишкекте өтө турган түнкү марафондун программасы жарыяланды

87
Быйыл Toyboss Night Run 2021 жарышы 19-июнь күнү болот. Бул жолу ага эки миңдей катышуучу келери күтүлүүдө. Жарыш Чокон Валиханов көчөсү менен Чүй проспектинин бир бөлүгүндө өтөт.

БИШКЕК, 16-июн. — Sputnik. Бишкекте 19-июнь күнү өтүүчү Toyboss Night Run 2021 түнкү марафону бардык санитардык эрежелерди сактоо менен өткөрүлөт. Бул тууралуу уюштуруу тобунан кабарлашты.

Карта ночного забега Toyboss Night Run 2021
© Фото / пресс-служба ОО "Nomad Sport"
Бишкекте 19-июнь күнү өтүүчү Toyboss Night Run 2021 түнкү марафону бардык санитардык эрежелерди сактоо менен өткөрүлөт

Маалыматка караганда, катышуучулардын ар бири бет кап тагынып, социалдык аралыкты сакташы керек.

"Ошондой эле катышуучулар старттан маал-маалы менен кетирилет. Кийин ар биринин жыйынтыгы My laps чип-системасы аркылуу индивидуалдуу түрдө эсептелет", — деп айтылат билдирүүдө.

Эске салсак, акыркы күндөрү өлкө аймагында коронавируска байланыштуу эпидемиологиялык абал курчуп турат. Күн сайын вирус жугузгандардын саны 500дүн тегерегинде болууда.

Мындан тышкары, уюштуруучулар марафондун программасын жарыялады:

  • 19:00 — катышуучулар чогула баштайт;
  • 20:00 — иш-чаранын ачылышы;
  • 20:25 — катышуучулар үчүн брифинг;
  • 20:45 — денени жибитүү;
  • 21:00 — старттын башталышы;
  • 22:30 — сыйлык тапшыруу аземинин башталышы;
  • 00:00 —иш-чаранын жабылышы.

Быйыл Toyboss Night Run 2021 жарышы 19-июнь күнү болот. Аны Nomad Sport коомдук бирикмеси уюштурууда. Баш калаада жарыш үчүнчү ирет өткөнү жатат. Бул жолу ага эки миңдей катышуучу келери күтүлүүдө. Жарыш Чокон Валиханов көчөсү менен Чүй проспектинин бир бөлүгүндө өтөт.

87
Белгилер:
программа, марафон, Бишкек
Тема боюнча
Бишкекте түнкү марафон өтүп, түшкөн каражаттын бир бөлүгү балдар үйүнө берилет
Жыйынтык кайра каралган. ИИМ генералы Киязов ШКУ марафонунан алтын алды. Сүрөт
АКШ президенти Жо Байден

Байдендин маалымат жыйынына россиялык журналисттерди киргизбей коюшту

0
Россия лидеринин жыйынтыктоочу маалымат жыйынына АКШлык журналисттер дагы катышып, суроолоруна жооп ала алышты.

БИШКЕК, 17-июн. — Sputnik. Россиялык журналисттерди АКШ президенти Жо Байдендин маалымат жыйынына киргизбей коюшканын Sputnik International кабарлады.

Маалыматка карганда, аларды аталган иш-чарага аккредитациядан өткөрбөй коюшкан.

Ак үйдүн маалымат кызматы чет элдик журналисттерди каттоого ала турган кызматкердин байланыш номерин берген. Бирок ал россиялык журналисттердин өтүнүчүн көңүл сыртында калтырып койгону айтылат.

Эске салсак, бүгүн Жо Байден менен Владимир Путин Женева саммитинен кийин Ла Гранж вилласынан көрүшүп, эки этап менен сүйлөшүүлөрдү жүргүздү. Россия лидеринин жыйынтыктоочу маалымат жыйынына АКШлык журналисттер дагы катышып, суроолоруна жооп ала алышты.

0
Белгилер:
журналист, Женева, Владимир Путин, Жо Байден
Тема боюнча
Өзөктүк согушта жеңүүчү болбойт! Путин менен Байдендин биргелешкен билдирүүсү
Путин Байден менен жолугушуусу кандай өткөнүн айтып берди
Путин: Байден “жан алгыч” деп эмнеге айтканын түшүндүргөн
Путин менен Байден RT жана Sputnik радиосунун ишин талкуулады