Футболчу. Архив

Бүгүн Бириккен Араб Эмирлигинде футбол боюнча Азия кубогу башталат

104
(жаңыланган 21:35 05.01.2019)
Кыргызстандын курама командасы аталган чемпионатка биринчи жолу катышып жатат.

БИШКЕК, 5-янв. — Sputnik. Бүгүн Бириккен Араб Эмирлигинде футбол боюнча Азия кубогу старт алат.

Ачылыш аземи Бишкек убактысы боюнча 20:30да, ал эми беттеш 22:00дө башталмакчы. Оюнду толугу менен КТРК Спорт каналы түз алып көрсөтөт.

Эске салсак, Кыргызстандын курама командасы аталган чемпионатка биринчи жолу катышып жатат. Улуттук команда С тобуна кирип, Кытай (7-январь), Түштүк Корея (11-январь) жана Филиппин (16-январь) менен ойнойт.

Команда башкы машыктыруучу Александр Крестининдин жетектөөсү менен өткөн жылдын декабрь айынан бери Дохада (Катар) даярдык көрүп келишкен.

Команданын медиаофицери Павел Синегубов билдиргендей, алгачкы эки беттеш Аль-Айн шаарында, үчүнчүсү Дубайда өтөт.

Беттеш аталган өлкөнүн төрт шаарында: Дубай, Абу-Даби, Аль-Айн жана Шарджда өтөт. Биринчилерден болуп талаага Бириккен Араб Эмирлиги менен Бахрейн командалары чыкмакчы.

104
Белгилер:
оюн, Футбол, Бириккен Араб Эмирлиги
Тема:
Кыргызстандын Азия кубогуна катышуусу (44)
Тема боюнча
Кыргызстандын футбол командасы Азия кубогуна катышуу үчүн БАЭге учат
Пикирлер