Көк бөрү оюнчулары. Архивдик сүрөт

Ташкентте көк бөрүнүн эрежеси бекитилип, тай казанды алуу маселеси көтөрүлдү

3049
(жаңыланган 12:23 10.01.2019)
Жыйында Казакстандан барган өкүлдөр тай казанды алып салуу маселесин көтөргөн.

БИШКЕК, 9-янв. — Sputnik. Өзбекстандын борбору Ташкентте Эл аралык көк бөрү федерациясынын конгресси өтүп, оюндун эл аралык эрежелери талкууланды. Бул туурасында Кыргызстандын Көк бөрү федерациясынын президенти Жыргалбек Саматов билдирди.

Анын айтымында, конгресске Кыргызстан, Казакстан, Тажикстан, Өзбекстан, Россиянын субъектилери, Монголия, Афганистан, АКШ жана Түркия мамлекеттеринен өкүлдөр катышкан.

"Бүгүнкү жыйындын алкагында АКШ менен Россиянын субъектилери Эл аралык көк бөрү федерациясына мүчө болуп кирди. Ошондой эле оюндун жол-жобосу талкууланып, быйыл Көчмөндөр оюндарындагы эреже эл аралык катары таанылды. Башында Казакстандан барган өкүлдөр тай казанды алып салуу маселесин көтөрдү. Бирок ал сунуш күн тартибине киргизилген жок", — деди Саматов.

Мындан сырткары, ушул жылдын күз айларында Өзбекстанда Көк бөрү боюнча дүйнө чемпионатын өткөрүү демилгеси жактырылган. Азырынча мелдештин так датасы жана кайсы шаарында боло турганы белгисиз.

Ага чейин эл аралык федерацияга мүчө болуп кирген өлкөлөрдөн бирден жана Өзбекстандан үч калыс Кыргызстандан окуп, даярдала турганы айталат.

Белгилей кетсек, өткөн жылдын декабрь айында Бишкекте да ушундай конгресс өтүп, Жыргалбек Саматов Эл аралык көк бөрү федерациясынын башкы катчысы болуп дайындалган.

Көк бөрүнү ойноо тартиби жана кызыктуу фактылар менен Sputnik Кыргызстан агенттигинин инфографикасынан таанышыңыздар.

3049
Белгилер:
тай казан, эреже, федерация, Көк бөрү, Жыргалбек Саматов, Ташкент
Тема боюнча
Аттан кулап ылайга булганган улакчылар. Көк бөрү чемпионатынан укмуш сүрөттөр
Кылымдын кыйырынан келген көк бөрү
Оштун Алай футболдук клубу 2020-жылдагы Кыргызстандын чемпиону болду

Футбол: "Алай" Кыргызстандын кубогу мелдешин утту

52
(жаңыланган 17:12 22.10.2020)
Алайлыктардын чабуулчусу Соломон Инкумдун башы менен киргизген жалгыз голу финалдык беттештин тагдырын чечти.

БИШКЕК, 22-окт. — Sputnik. Оштун "Алай" футболдук клубу 2020-жылдагы Кыргызстандын кубогу мелдешин утту. Финалдык беттеште алар Кант шаарынын "Абдыш-Ата" командасын 1:0 эсебинде жеңип алышты. Оюндун жүрүшүн Kyrgyz Sport TV youtube каналы түз алып көрсөттү.

  • Футбольный матч между клубами Абдыш-Ата и Алай за кубок чемпиона Кыргызстана 2020. 22 октября 2020 года
    Оштун "Алай" футболдук клубу 2020-жылдагы Кыргызстандын кубогу мелдешин утту
    © Фото / пресс-служба Кыргызского футбольного союза
  • Футбольный матч между клубами Абдыш-Ата и Алай за кубок чемпиона Кыргызстана 2020. 22 октября 2020 года
    Финалдык беттеште алар Кант шаарынын "Абдыш-Ата" командасын 1:0 эсебинде жеңип алышты
    © Фото / пресс-служба Кыргызского футбольного союза
1 / 2
© Фото / пресс-служба Кыргызского футбольного союза
Оштун "Алай" футболдук клубу 2020-жылдагы Кыргызстандын кубогу мелдешин утту

Биринчи бөлүктүн 36-мүнөтүндө алайлыктардын 28-катар санындагы чабуулчусу Соломон Инкум стандарттык абалдан чыгарылып берилген топту башы менен киргизип, финалдык беттештин тагдырын чечти.

Муну менен "Алай" клубу Кыргызстандын кубогун акыркы 10 жылдын ичинде экинчи ирет утуп, Азия футбол конфедерациясы кубогунун квалификациялык стадиясына жолдомо алды.

"Дордой" футбол клубу мөөнөтүнөн мурда өлкө чемпиону болду

Футбол боюнча өлкө кубогу борборлоштурулган форматта Кант шаарында өттү. Ага чемпионатта экинчиден сегизге чейинки орунду ээлеген командалар катышкан.

"Алай" финалга чейинки жолдо "Каганат", "Нефтчи" командаларын уткан.

Акыркы 10 жылда бул мелдешти Бишкектин "Дордой" клубу алты, канттык "Абдыш-Ата" эки жолу утса, өткөн жылы Кочкор-Атанын "Нефтчи" клубу жеңген.

52
Белгилер:
ФК "Абдыш-Ата", ФК Алай, кубок, футбол
Тема боюнча
Эшенов: футболду өнүктүрүүдө көйгөйлөр көп

Бишкектик жигит бир жылда 60 килограммга арыктады! Шыктандырган видео

327
(жаңыланган 18:21 22.10.2020)
Бишкектин тургуну Орозбек Мейманбек уулунун салмагы 18 жашында эле 134 килограммга жетип калган. Бул көрүнүш өзүн гана санаага батырып, ден соолугуна кедергисин тийгизбестен, жакындарынын дагы тынчын ала баштаганын айтат.

Бирок жаш жигит өзүн колго алып, кесипкөй машыктыруучунун жардамы менен бир жылда 60 килограмм салмактан арыла алды. Учурда салмагы 74 килограмм. Мындан дагы бир аз ылдый түшсөм деген ою бар. Анткен менен жакында аскердеги күндөрү башталат.

Ал машыктыруучусу менен биргеликте Sputnik Кыргызстан агенттигине толук кезиндеги жана андан кийинки жашоосу тууралуу айтып, башкаларга дагы кеңеш берди.

Карантин бизге кеп бекен! Үйүн залга айландырып машыккан КР спортчулары. Видео

  • 18-летний бишкекчанин Орозбек Мейманбек уулу во время тренировок в тренажерном зале, который за год сбросил 60 килограмм веса.
    Бишкекчанин Орозбек Мейманбек уулу
    © Sputnik / Табылды Кадырбеков
  • 18-летний бишкекчанин Орозбек Мейманбек уулу во время тренировок в тренажерном зале, который за год сбросил 60 килограмм веса.
    Бишкекчанин Орозбек Мейманбек уулу
    © Sputnik / Табылды Кадырбеков
  • 18-летний бишкекчанин Орозбек Мейманбек уулу во время тренировок в тренажерном зале, который за год сбросил 60 килограмм веса.
    Бишкекчанин Орозбек Мейманбек уулу
    © Sputnik / Табылды Кадырбеков
  • 18-летний бишкекчанин Орозбек Мейманбек уулу во время тренировок в тренажерном зале, который за год сбросил 60 килограмм веса.
    Бишкекчанин Орозбек Мейманбек уулу
    © Sputnik / Табылды Кадырбеков
1 / 4
© Sputnik / Табылды Кадырбеков
Бишкекчанин Орозбек Мейманбек уулу

Орозбек Мейманбек уулунун айтымында, бала кезинде арык эле болчу. Бирок 5-класстан тарта салмак кошулуп отуруп 16 жашында 93 килограммга, ал эми 18 жашында 134 килограммга чейин толуп кеткен. Былтыр жайында жашоосун өзгөртүүнү чечип, фитнес-залга баш баккан.

"Туура эмес тамактангам деп ойлойм. Сендвич, шаурма сыяктуу бат даярдала турчу тамактарды жечүмүн. Өтө толуп кеткенде басып-турганда, жатканда кыйналып, күйүгүп, алым кетип, бат чарчап калдым. Машыгуулар деле оңойго турган жок. Башында сөөктөрүм ооруп жүрдү, анан витаминдерди ичтим. Жөн гана машыгып койбостон, туура тамактанууга өттүм. Алгачкы бир айда эле 13 килограмм таштап, өзүмдү жеңил сезе баштадым, ишеним дагы пайда болду", — деди Мейманбек уулу.

Ал спорт жашоосун өзгөртүп, жакшы чөйрөгө туш кылганын айтып, башкаларды дагы ден соолугуна көңүл бурууга чакырды.

18-летний бишкекчанин Орозбек Мейманбек уулу во время тренировок в тренажерном зале, который за год сбросил 60 килограмм веса.
© Sputnik / Табылды Кадырбеков
Бишкекчанин Орозбек Мейманбек уулу

"Арыктаганда биринчи кезекте апам сүйүндү. Туугандар, достор таң калышууда. Интернеттен кеңеш сурагандар көп. Азыркы жаштардын убактысы телефон, компьютер тиктөө менен өтүп жатат. Машыгууга жок дегенде күнүнө бир саат убакыт бөлсөңүздөр, ден соолукка эле пайда. Ондогон килограммды кетирүү зыян эмеспи деп сурагандар болушу ыктымал. Жакында эле армияга баруу үчүн медициналык кароодон өттүм. Кудайга шүгүр, дени-кардым соо экен", — деди жаш жигит.

Орозбек Мейманбек уулун пауэрлифтинг боюнча КРдин абсолюттук чемпиону, бодибилдинг, таяк тартыш боюнча Азиянын жана дүйнөнүн чемпиону Келдибек Атайбек уулу арыктаткан.

Атабек Азисбеков: Токио Олимпиадасында мен үчүн ыңгайсыз атаандаш болбойт

Машыктыруучу окуучусу менен "мырзаларча" сүйлөшүп алып, ойлогон максатка жетишкенин айтып берди.

Абсолютный чемпион КР по бодибилдингу Келдибек Атайбек уулу в тренажерном зале
© Sputnik / Табылды Кадырбеков
Абсолютный чемпион КР по бодибилдингу Келдибек Атайбек уулу
"Ороздун абалы тууралуу эжеси Instagram аркылуу жазган эле. Жумушка келсем Ороз ары карап отурган экен. Артынан карасаң чоң киши, астынан карасаң жаш бала... Бир четинен ушунчалык толуп кеткенге чейин ичип-жедиби деп ичимен ачуулансам, экинчиден, боорум ооруду. Дароо эркектик маселени койдук. Орозду эки нерсени танда: дагы деле ушунтип кыйналып жүрө бер же менин айткандарымды аткарасың дегем. Талыкпаган эмгектин, кыйынчылык, ишенимдин артынан бир жылда 60 килограмм салмак таштай алдык", — деди машыктыруучу.

Ал окуучуларынын ичинен арыктагандар боюнча Орозбек рекорд койгонун жана андан мотивация алган көптөгөн киши залга келип жатканын кошумчалады. 

Булар менен дүйнө сыймыктанчу! Олимпиаданы багынткан 8 кыргыз спортчусу

Машыктыруучу менен Орозбектин дагы бир нече килограмм таштайлы деген планы бар. Бирок 19 жаштагы жигитти жакында армияга алып кетишет. Ал милдетин аткаргандан кийин ИИМ академиясына тапшырып, милиционер болууну кыялданып жатат.

327
Белгилер:
ООрозбек Мейманбек уулу, Келдибек Атайбек уулу, видео, машыктыруучу, салмак, арыктоо, Кыргызстан
Тема боюнча
Netflix көк бөрү жөнүндө фильм тартты. Трейлери
Тышкы иштер министри Руслан Казакбаев. Архив

Руслан Казакбаев Москвада ЖККУнун башкы катчысы менен жолукту

12
(жаңыланган 20:42 22.10.2020)
Руслан Казакбаев бүгүн эки күндүк иш сапары менен Россия Федерациясына кеткен. Анын жүрүшүндө министр россиялык кесиптеши Сергей Лавров жана башка мамлекеттик органдардын жетекчилери менен жолугушуусу күтүлүүдө.

БИШКЕК, 22-окт. — Sputnik. Бүгүн Москва шаарында Кыргызстандын тышкы иштер министри Руслан Казакбаев Жамааттык коопсуздук жана кызматташуу уюмунун (ЖККУ) башкы катчысы Станислав Зась менен жолугушту. Бул тууралуу өлкөнүн РФтеги элчилигинен билдиришти.

Алар регионго, ошондой эле дүйнөгө терс таасир этип жаткан маселелер боюнча пикир алышып, ЖККУнун алкагындагы кызматташтыктын артыкчылыктуу багыттарын талкуулашты.

Казакбаев Кыргызстандагы ички саясий абалдын турукташканы тууралуу кыскача маалымат берип, учурдагы бардык саясий процесстер мыйзам талаасында болуп жатканын айтты.

Ошондой эле тараптар ЖККУнун Жамааттык коопсуздук кеңешинин келерки сессиясына даярдык тууралуу кеп кылышты.

Эске салсак, тышкы иштер министри Руслан Казакбаев бүгүн эки күндүк иш сапары менен Россия Федерациясына кеткен. Анын жүрүшүндө министр россиялык кесиптеши Сергей Лавров жана башка мамлекеттик органдардын жетекчилери менен жолугушуусу күтүлүүдө.

12
Белгилер:
Станислав Зась, жолугушуу, ТИМ, Руслан Казакбаев, Россия, Кыргызстан
Тема боюнча
Өзбекстандын премьер-министри телефон чалып, Садыр Жапаровду куттуктады