КР президентинин аппарат жетекчиси Досалы Эсеналиев Кыргызстанда сезон ортосунда эс алууда жүргөн белгилүү футболчу Илзат Ахметов менен жолугушту.

Бишкекке келген футболчу Илзат Ахметовду президенттик аппараттын башчысы кабыл алды

323
(жаңыланган 15:27 12.01.2019)
Ахметов былтыр июль айынан тартып москвалык ЦСКА командасы менен келишим түзүп, Россиянын футбол боюнча курамасына чакырылган.

БИШКЕК, 11-янв. — Sputnik. КР президентинин аппарат жетекчиси Досалы Эсеналиев Кыргызстанда сезон ортосунда эс алууда жүргөн белгилүү футболчу Илзат Ахметов менен жолугушту. Бул тууралуу өлкө башчынын маалымат кызматы билдирди. 

Руководитель аппарата президента КР Досалы Эсеналиев встретился с уроженцем Кыргызстана, полузащитником московского футбольного клуба ЦСКА Ильзатом Ахметовым
© Пресс-служба президента КР / Султан Досалиев
КР президентинин аппарат жетекчиси Досалы Эсеналиев Кыргызстанда сезон ортосунда эс алууда жүргөн белгилүү футболчу Илзат Ахметов менен жолугушту.

"Биз сиздин атактуу ЦСКА командасындагы ийгиликтүү дебютуңуз жана Россиянын курамасына чакырылышыңыз менен сыймыктанабыз. Ошондой эле биздин мекендешибиз мындан ары да спортто чоң жеңиштерге жетет деген үмүттөбүз, сизге ишенебиз. Ийгиликтерди каалайм!" — деди Эсеналиев.

Илзат Ахметов кайда болбосун ар дайым өз мекенин — Кыргызстанды сагынарын жана өз өлкөсү менен сыймыктанарын баса белгиледи. Жаңы жылдык эс алуу күндөрүн Бишкекте ата-энеси менен бирге өткөргөнүн кошумчалады.

Эске сала кетсек, Илзат Ахметов Кыргызстанда төрөлгөн. "Алга" командасынын тарбиялануучусу. Андан соң россиялык "Рубин" футбол командасында ойногон. 2018-жылдын июль айынан тартып москвалык ЦСКА командасы менен келишим түзүп, Россиянын футбол боюнча курамасына чакырылган.

Ошондой эле Илзат Ахметов Россиянын улуттук "Биринчи бештик" сыйлыгынын лауреаты жана УЕФАнын рейтинги боюнча келечеги кең 50 оюнчунун тобуна кирет.

323
Белгилер:
Футбол, Илзат Ахметов, Досалы Эсеналиев
Тема боюнча
"Алганын" тарбиялануучусу Илзат Ахметов Москванын ЦСКА клубуна өттү
Тер төгүп, бир ыйлап, бир күлүп... Быйыл кайсы спортчунун ити чөп жеди?