Рефери Фу Минг

Пенальтинин кереги жок эле, калыс баарын бузду. Рефери Кочкаров Фу Минг жөнүндө

(жаңыланган 10:39 23.01.2019)
Кыргызстандык белгилүү калыс Кочкаров кытайлык судья Фу Мингдин ал ишине калыстар комитети өзүнүн баасын берсе керек деген пикирде.

БИШКЕК, 22-янв. — Sputnik. Рефери Фу Минг футбол боюнча Азия кубогунун 1/8 финалына болгон Кыргызстан жана Бириккен Араб Эмирлигинин курама командаларынын оюнунда туура эмес калыстык кылды. Мындай пикирин Sputnik Кыргызстан агенттигине Кыргызстандан чыккан белгилүү калыс Бахадыр Кочкаров билдирди.

Футбол боюнча дүйнө чемпионатында Кочкаров рефери ассистенттери арасында матчты тейлөө саны боюнча рекорд койгон. Ал мундиалда тогуз оюнга калыстык кылган.

Кечээ Азия кубогунун 1/8 финалына Кыргызстан жана Бириккен Араб Эмирлигинин курама командаларынын беттешүүсү өтүп, анда биздин футболчулар талаа ээлерине 2:3 эсебинде орун бошоткон.

Анткен менен кыргызстандык оюнчулар өздөрүнүн чыныгы чеберчилигин, тактикасынын өзгөчөлүгүн көрсөтүп, көптөрдүн урматтоосуна арзыды. Бирок араб оюнчулары талаш болгон пенальтиде гол киргизип кеткен.

"Бардык кыргызстандыктарды куттуктайм! Футбол — күйөрмандардын оюну. Азия кубогунда мындай оюнду көптөн бери көрө элек болчумун. Балдар сонун ойноду, аларды да куттуктайм", — деп айтып берген Кочкаров.

Ал кыргызстандыктар эле эмес, дүйнөдөгү күйөрмандардын талкуусуна калган рефери Фу Мингдин беттеште кылган калыстыгы боюнча пикирин билдирди.

"Калыстар калыстыктан тайды. Сонун оюнду бузуп салышты. Судья Фу Мингдин ал ишине калыстар департаменти өзүнүн баасын берсе керек. Аны да күтөбүз. Биринчи голду офсайд менен киргизишти. Пенальти деген такыр берилбеши керек эле. Судья мындай спектаклге тоскоолдук кылышы зарыл", — деген кыргызстандык рефери.

Кочкаров комментарий берип жатып, эреже жөнүндө эле эмес, оюндун духу боюнча да айтып өттү.

"Тилекке каршы, мындай судья оюндун духун, демин түшүнбөйт. Ага дипломатия менен мээ керек, ал эми бул нерсе анда жок тура", — деп белгиледи ал.

Кочкаров улуттук курама команданын оюга катышуусу бардык кыргызстандыктардын жеңиши экендигин, тилекке каршы командага ийгилшик жылмайбай койгондугун кошумчалады.

Белгилер:
беттешүү, футбол, Азия кубогу, Фу Минг, Бахадыр Кочкаров, Бириккен Араб Эмирлиги, Кыргызстан
Тема:
Кыргызстандын Азия кубогуна катышуусу (80)
Тема боюнча
Абылгазиев баштаган аткаминерлер күйөрмандык кылганда. Сүрөт
Кыргызстан — БАЭ беттеши. Голдордун видеотоптому

UFC Валентина Шевченконун мыкты ирмемдерин жарыялады. Видео

(жаңыланган 19:18 14.04.2021)
UFC Russia уюмунун YouTube-каналында дивизиондун эң жеңил салмактагы чемпиону Валентина Шевченконун видеосу жарыяланды.

Ага мушкер кыздын акыркы беттештери, шумдуктуудай нокауттары, жеңишин майрамдаганы жана октагондон тыш жашоосунун ирмемдери камтылган.

Ролик Шевченконун Жессика Андраде менен кездеше турчу UFC 261 турниринин алдында тартууланды. Спорттук иш-чара 24-апрель күнү Жексонвилл шаарында өтөт (АКШ, Флорида штаты).

Кыргызстандык мушкердин беттеши турнирдин башкы кармашы болмокчу.

Белгилер:
беттешүү, кармаш, нокаут, мушкер, Валентина Шевченко
Тема боюнча
Шевченко бразилиялык Андрадени ута алабы? Букмекерлердин пикири
UFC Валентина Шевченко катыша турган мелдештин трейлерин жарыялады. Видео
Ай чырайлуу мушкер дебюттук кармашында атаандашын оор нокаутка кетирди. Видео
Бишкекте жиу-житсу боюнча Кыргызстандын чемпионаты жыйынтыкталып, жеңүүчүлөр аныкталды

Жакалап, колун кайрып... Өлкөнүн мыкты жиу-житсучулары аныкталды. Сүрөттөр

(жаңыланган 19:08 14.04.2021)
Жеңүүчүлөр жана байге ээлери медаль жана дипломдор менен сыйланды. Турнирдин жыйынтыгы менен эл аралык мелдештерге бара турчу командалар куралат.

БИШКЕК, 14-апр. — Sputnik. Бишкекте жиу-житсу боюнча Кыргызстандын чемпионаты жыйынтыкталып, жеңүүчүлөр аныкталды. Бул тууралуу аталган федерациянын президенти Абдурахманхаджи Муртазалиев билдирди.

  • Спортсмены во время схватки во дворце спорта имени Кожомкула на чемпионате Кыргызстана по джиу-джитсу
    Бишкекте жиу-житсу боюнча Кыргызстандын чемпионаты жыйынтыкталып, жеңүүчүлөр аныкталды
    © Фото / Тилек Токтоналиев
  • Спортсмены во время схватки во дворце спорта имени Кожомкула на чемпионате Кыргызстана по джиу-джитсу
    Мелдеш Бишкектеги Кожомкул атындагы спорт сарайында өтүп, ага аймактардан жана шаардан келген 300дөн ашык жиу-житсучу катышты
    © Фото / Тилек Токтоналиев
  • Спортсмены во время схватки во дворце спорта имени Кожомкула на чемпионате Кыргызстана по джиу-джитсу
    Өлкө чемпионаты чоңдор, жаштар, өспүрүмдөр арасында өткөрүлүп, кыздар жана балдар күч сынашты
    © Фото / Тилек Токтоналиев
  • Спортсмены во время схватки во дворце спорта имени Кожомкула на чемпионате Кыргызстана по джиу-джитсу
    Ар биринде бир нече салмак категориясы каралган
    © Фото / Тилек Токтоналиев
  • Спортсмены во время схватки на чемпионате Кыргызстана по джиу-джитсу во дворце спорта имени Кожомкула в Бишкеке
    Жеңүүчүлөр жана байге ээлери медаль жана дипломдор менен сыйланды.
    © Фото / Тилек Токтоналиев
  • Спортсмены во время схватки на чемпионате Кыргызстана по джиу-джитсу во дворце спорта имени Кожомкула в Бишкеке
    Федерация президенти белгилегендей, турнирдин жыйынтыгы менен эл аралык мелдештерге бара турчу командалар куралат.
    © Фото / Тилек Токтоналиев
  • Спортсмены во время схватки на чемпионате Кыргызстана по джиу-джитсу во дворце спорта имени Кожомкула в Бишкеке
    Бишкекте жиу-житсу боюнча Кыргызстандын чемпионаты жыйынтыкталды
    © Фото / Тилек Токтоналиев
  • Спортсмены во время схватки во дворце спорта имени Кожомкула на чемпионате Кыргызстана по джиу-джитсу
    Жеңүүчүлөр жана байге ээлери медаль жана дипломдор менен сыйланды
    © Фото / Тилек Токтоналиев
  • Спортсмены во время схватки во дворце спорта имени Кожомкула на чемпионате Кыргызстана по джиу-джитсу
    Федерация президенти белгилегендей, турнирдин жыйынтыгы менен эл аралык мелдештерге бара турчу командалар куралат.
    © Фото / Тилек Токтоналиев
1 / 9
© Фото / Тилек Токтоналиев
Бишкекте жиу-житсу боюнча Кыргызстандын чемпионаты жыйынтыкталып, жеңүүчүлөр аныкталды

Мелдеш Бишкектеги Кожомкул атындагы спорт сарайында өтүп, ага аймактардан жана шаарлардан келген 300дөн ашык жиу-житсучу катышты.

Өлкө чемпионаты чоңдор, жаштар, өспүрүмдөр арасында өткөрүлүп, кыздар жана балдар күч сынашты. Ар биринде бир нече салмак категориясы каралган.

Жеңүүчүлөр жана байге ээлери медаль жана дипломдор менен сыйланды. Федерация президенти белгилегендей, турнирдин жыйынтыгы менен эл аралык мелдештерге бара турчу командалар куралат.

Белгилер:
жеңүүчү, чемпионат, джиу-джитсу, спорт, Кыргызстан
Тема боюнча
Кикбоксчулар Түркияда өткөн эл аралык мелдеште үч алтын, бир коло алды. Сүрөт
Археологиялык казуулар. Архив

Бишкектен анча алыс эмес жерде балбал таш табылды. Сүрөт

(жаңыланган 22:05 14.04.2021)
Маданият министрлиги балбал таш тууралуу маалыматты тастыктап, аны Тарых музейинин алдына орнотушканын кошумчалады.

БИШКЕК, 14-апр. — Sputnik. Бишкектен анча алыс эмес жерде Интернациональный айылынан экскаватор айдоочусу Павел Камаев балбал таш таап алган. Бул тууралуу Sputnik Кыргызстан агенттигине өзү билдирди.

Обнаруженный в грунте балбал в селе Интернациональном недалеко от Бишкека
© Фото / предоставлено Павлом Камаевым
Бишкектен анча алыс эмес жерде Интернациональный айылынан экскаватор айдоочусу Павел Камаев балбал таш таап алган

Балбал — бул адамдын сөлөкөтү чегерилген таш эстелик. Камаев аны кантип таап калганын айтып берди.

"Ал күнү мен жумушта болчумун, жер казып атып бир маалда катуу бир нерсеге тийгендей болдум. Карап, көргөн көзүмө ишенген жокмун. Топурак алдында анча чоң эмес таш эстелиги жатыптыр. Бийиктиги болжол менен бир метрди түзөт. Анын бир колунда чөйчөк тартылган. Табылга жакшы жышаан экенин, мындай жерлерде белгилүү аскер адамы да көмүлгөнүн окугам", — деди ал.

Ал табылгасын адистерге берүү үчүн Маданият, маалымат жана спорт министрилигине барган.

"Балбал ташты өзүмө алып калайын деп эч ойлонгон жокмун. Министрликтегилер айтканымды угуп, анын мынча тереңдикте жатканына таң калышты. Себеби мен аны үч метр тереңдиктен таап чыккам да. Ал жакта бул таш кандайча жатып калганы табышмак", — деди Камаев.

Вид на Государственный исторический музей в центре Бишкека во время реконструкции
© Sputnik / Табылды Кадырбеков
Маданият министрлиги балбал таш тууралуу маалыматты тастыктап, аны Тарых музейинин алдына орнотушканын кошумчалады

Маданият министрлиги балбал таш тууралуу маалыматты тастыктап, аны Тарых музейинин алдына орнотушканын кошумчалады.

Белгилер:
табылга, эстелик, таш, балбал, Чүй облусу, Бишкек
Тема боюнча
Енисейди бойлой Барсбектин мүрзөсүн издегенде... Юлий Худяков менен маек