Россиялык мушкер Хабиб Нурмагомедов. Архив

Хабиб Нурмагомедовдун спорттон качан кетерин атасы айтып берди

370
(жаңыланган 14:38 25.01.2019)
Абдулманап Нурмагомедов үч спортчу менен беттешүү Хабиб үчүн жетиштүү деп эсептейт.

БИШКЕК, 24-янв. — Sputnik. Россиялык мушкер Хабиб Нурмагомедов канадалык Жорж Сен-Пьер, америкалыктар Тони Фергюсон жана Флойд Мейвезер менен беттешкенден кийин карьерасын жыйынтыктай берсе болот. Бул тууралуу спортчунун атасы Абдулманап Нармагомедов Instagram баракчасына жазган.

Билдирүүсүн окурмандарга арнап, алардын пикирин сураган.

"Кандай дейсиздер, урматтуу күйөрмандар? Менимче жетет го", — деген Абдулманап Нурмагомедов.

Хабиб учурда 30 жашта. 27 ирет беттешип, анын 11и UFC алкагында өткөн.

Акыркы ирет 6-октябрда Лас-Вегаста ирландиялык Конор Макгрегор менен кездешип, аны муунтуу ыкмасы менен утуп алган.

370
Белгилер:
мушташ, UFC, Абдулманап Нармагомедов, Хабиб Нурмагомедов
Тема боюнча
UFC башчысы Конор менен Хабибдин реваншы качан боло турганын айтты
Хабибдин атасы уулу канча акчага Макгрегор менен кайра беттешерин айтты
Дзюдочулар беттеш учурунда. Архив

Кыргызстандык дзюдочулар Азия чемпионатына Ысык-Көлдө даярданышат

27
Иш-чара Спорттун олимпиадалык түрлөрү боюнча дирекциясынын 2021-жылга карата түзүлгөн календардык планына ылайык уюштурулууда.

БИШКЕК, 28-янв. — Sputnik. Эртеңден тарта Кыргызстандын дзюдо чеберлери Ысык-Көлдүн Чолпон-Ата шаарында окуу-машыгуу өткөрүшөт. Бул тууралуу Жаштар иши, дене тарбия жана спорт боюнча мамлекеттик агенттик билдирди.

Иш-чара Спорттун олимпиадалык түрлөрү боюнча дирекциясынын 2021-жылга карата түзүлгөн календардык планына ылайык, ошондой эле Азия чемпионатына даярдануу максатында уюштурулууда.

"Окуу-машыгуу 2021-жылдын 29-январында старт алып, 16-февралга чейин уланат. Ага улуттук курама команданын мүчөлөрү Кубанычбек Айбек уулу, Юрий Краковецкий баштаган 21 балбан катышат. Дзюдочуларды машыктыруучулар Абдужалил Юнусов, Сергей Кладнов жана Сергей Мистрюков даярдайт. Спортчулардын ден соолугуна дарыгер Иса Бичанов көзөмөл кылат", — деп айтылат маалыматта.

Мамлекеттик агенттик улуттук курама команданын машыгуу жыйыны Спорттун олимпиадалык түрлөрү боюнча дирекциясы тарабынан каржыланарын билдирди.

27
Белгилер:
Чолпон-Ата, курама команда, дзюдо, спорт
Тема боюнча
Кыргызстандын балбан кыздары кезектеги окуу-машыгууга киришти
Токио Олимпиадасынын медалдары. Архив

Мамагенттик: Токио Олимпиадасынан үч медаль утабыз деген максат бар

79
(жаңыланган 19:04 27.01.2021)
Мамагенттик ата мекендик спортчулар эл аралык ири мелдештерге мыкты даярдык көрүүсү үчүн бардык зарыл шарттар түзүлүп жатканы айтылууда.

БИШКЕК, 27-янв. — Sputnik. Кыргызстан Токио Олимпиадасынан үч медаль утууну пландап жатат. Бул тууралуу Жаштар иши, дене тарбия жана спорт боюнча мамлекеттик агенттигинин башчысы Канат Шабданбаев айтканын агенттиктин маалымат кызматы билдирди.

Бүгүн, 27-январда, мекеменин коллегиясы өтүп, ага вице-премьер Эльвира Сурабалдиева жетекчилик кылган.

"Азыркы тапта олимпиадалык оюндарга чейин биздин спортчулардын лицензиялык мелдештерге катышуусу турат. Жалпысынан спорттун 13 түрү боюнча 21 лицензия алууга жетишүүнү максат кылганбыз. Олимпиада оюндарында үч медаль алуу ниетибиз бар. Паралимпиадалык спорттун түрлөрү боюнча 3 лицензиядан кем эмес жана Паралимпиада оюндарында бир байгелүү орунга жетебиз деп пландаштырып жатабыз", — деген ал.

Мамагенттиктин жетекчиси спортчулар эл аралык ири мелдештерге мыкты даярдык көрүү үчүн бардык зарыл шарттарды түзүү аракеттери жүрүп жатканын кошумчалады.

Кыргызстанда учурда Олимпиада оюндарына жалпысынан алты лицензия бар. Грек-рим күрөшүнүн балбаны Атабек Азисбеков, кыздар күрөшүнүн дүйнө чемпиону Айсулуу Тыныбекова, жөө күлүк спортчулар Дарья Маслова, Юлия Андреева жана Мария Коробицкая, ошондой эле суучул Денис Петрашов лицензия утуп алышкан.

79
Белгилер:
лицензия, олимпиада, спорт
Тема:
2020-жылы Токиодо өтө турган Олимпиада оюндары
Тема боюнча
Токио Олимпиадасынын бюджети 16 миллиард долларга чукулдады
Япониянын быйыл Олимпиада оюндарын өткөрүүдөн баш тартары айтылууда
Telegram мессенджери. Архив

WhatsApp аркылуу жазышкандарды эми Telegram мессенджерине көчүрүүгө болот

6
(жаңыланган 13:16 28.01.2021)
Учурда жаңы опция iOS колдонуучулары үчүн жеткиликтүү. Жакында Android платформасында да пайда болмокчу.

БИШКЕК, 28-янв. — Sputnik. Telegram башка мессенджердеги, анын ичинде WhatsApp тиркемесиндеги жазышууларды өзүнө көчүрүүгө уруксат берди.

Hindustan Times басылмасынын жазышынча, мындай мүмкүнчүлүктү колдонуучулар iOS платформасында 7.4 жаңыланышынын аркасы менен ээ боло алды.

"Эми жазылган каттарды WhatsApp, Line же KakaoTalk тиркемелеринен Telegram мессенджерине көчүрүүгө болот", — деп жазылган макалада.

Учурда жаңы опция iOS колдонуучулары үчүн жеткиликтүү. Жакында Android платформасында да пайда болмокчу.

6
Белгилер:
көчүрүү, жазышуу, мессенджер, WhatsApp, Telegram
Тема боюнча
Чала тааныш адамдын мээсин чакпа! Мессенджер колдонуу этикети