Нурмагомедов беттештен кийин Макгрегордун командасына атырылган себебин айтты

© AP Photo / John LocherТурнир UFC 229 в Лас-Вегасе. Хабиб Нурмагомедов — Конор Макгрегор
Турнир UFC 229 в Лас-Вегасе. Хабиб Нурмагомедов — Конор Макгрегор - Sputnik Кыргызстан
Жазылуу
Россиялык мушкердин айтымында, Макгрегордун командасындагы Диллон Дэнисон гана мушташууга ылайыктуу болгон.

БИШКЕК, 25-янв. — Sputnik. Россиялык мушкер Хабиб Нурмагомедов атаандашы Конор Макгрегордун командасынын мүчөсү 25 жаштагы Диллон Дэнисонго эмне үчүн атырылганын айтып берди. Бул тууралуу РИА Новости агенттиги MMA Junkie уюмуна таянуу менен билдирди.

"Дэнис беттеш учурунда эмне деп айтканын укканым жок. Башка бурчта турган Конордун командасынын мүчөлөрү менен машыктыруучулары картайып калгандыктан ага атырылдым. Ал мени менен эле тең, андыктан мен ага секирдим", — деген пикирин Нурмагомедов айткан.

Россиялык мушкер 2018-жылы 6-октябрда АКШда өткөн UFC 229 турниринин алкагында Конор Макгрегорду жеңип, чемпиондук титулун коргоп калган

Россиялык мушкер Хабиб Нурмагомедов. Архив - Sputnik Кыргызстан
Хабиб Нурмагомедовдун спорттон качан кетерин атасы айтып берди
Беттештен кийин Нурмагомедов ачуусу менен буга чейин эле намысына тийип жүргөн Макгрегордун спарринг-өнөктөшүн тордон секирип өтүп ур-соккуга алып, жаңжал чыгарган. Мунун кесепетинен эки мушкердин командасы, ошондой эле көрүүчүлөр да мушташып кеткен. Натыйжада Невада штатынын Атлетикалык комиссиясы аралыктан иликтөө ишин жүргүзгөн. Нурмагомедовду беттештен четтетүү коркунучу бар экендиги айтылып келет.

Нурмагомедов ММАде 27 беттештин жеңүүчүсү, ал эми Макгрегор 21 мелдешти утуп, төрт жолу жеңилген.

Жаңылыктар түрмөгү
0