UFC мушкери ВанЗант Пейдж. Архивдик сүрөт

Тийише көрбөңүз! UFC уюмунда мушташкан чырайлуу кыздардын сүрөттөрү

612
(жаңыланган 11:50 28.01.2019)
Эрежесиз эр урушка чыгып мушташып жаткандардын ичинен кээде чырайлуу кыздарды да кезиктирүүгө болот. Алар октагондо бири-бирин уруп-согуп, колу-бутун кайрып жаткан болот.

Sputnik Тажикистан агенттиги Мушкерлердин абсолюттук чемпионатына (UFC) чыккан чырайлуу 10 мушкер кыздын сүрөтүн чогулткан.

Полиана Виана

Бразилиялык мушкер Полиана Виананын карьерасы 2013-жылы башталган. Учурда 26 жашта.

Бүгүнкү күнгө чейин 12 ирет октагонго чыгып, 10 жолу жеңишке жеткен.

Пейдж Ванзант

Америкалык Пейдж Ванзант алгачкы жолу рингге 19 жашында чыккан. Ал биринчи беттешинен кийин UFC жылдызы аталган. Татынакай сымбаттуу келбети күйөрмандарды өзүнө тарткан.

Винзант жеңил салмак категориясы боюнча 12 кармаш өткөрүп, сегиз жолу жеңишти камсыздаган. Учурда ал 24 жашта, UFC менен келишим түзгөн, теленин да жылдызы болуп эфирлерге тынбай чыгып турат.

Валентина Шевченко

30 жаштагы кыргызстандык спортчу Валентина Шевченко 2018-жылдын 9-декабрында польшалык Жоанна Енджейчикти утуп, UFC уюмунун эң жеңил салмактагы чемпиону аталган.

Шевченконун октаганго чыгып мушташкандан башка өнөрүн көбү биле бербесе керек. Ал гитарада кол ойнотуп, сүрөттү мыкты тартат, тапанчаны таамай аткан талантка ээ. Ошондой эле дүйнө элдеринин бийин бийлейт.

Рэйчел Остович

27 жаштагы америкалык Рэйчел Остович UFC уюмундагы кыз-келиндердин эң эле сулуу жана сексуалдуу айымдарынын бири.

Анын ышкыбоздук ММА жаатындагы карьерасы 2010-жылы башталган. Үч жылдын ичинде Остович аралаш мушташ өнөрүндө чоң көрсөткүчтөргө жетип рекорд жасаган. Ал эми профессионалдык ММА беттешине биринчи ирет 2014-жылы Гавайиде чыккан.

Остович сегиз жолу октагондо мушташып, төрт ирет жеңишти камсыздаган.

Мишель Уотерсон

Мишель Уотерсон — тай тектүү америкалык спортчу, ММА мушкери. Жеке таймаштарга арналган бир нече шоуга катышып жүргөн. Мишель өзүн модель катары да сынап көргөн. Бирок ордун октагондогу мушташтан тапкан.

2013-2014-жылдары спортчу жеңил салмак категориясы боюнча дүйнөдөгү №1 балбан кыз аталган. 

Мишель 16 ирет беттеш өткөрсө, ону жеңиш менен аяктаган. Ал 10 жылдан бери спорт менен алектенет. Каратэ, ушу, муай тай, жиу-житсу менен да машыккан, фристайл боюнча кара курдун ээси.

Антонина Шевченко

Валентина Шевченконун сиңдиси Антонина жакында эле UFC уюмундагы мушкерлердин тизмесин толуктады. Ушуну менен ал дүйнөлүк деңгээлдеги беделдүү уюмга экинчи болуп кирди.

Алгачкы беттешинде түштүккореялык Жи Йон Ким менен күч сынашып жеңишти камсыздаган.

Антонино UFC уюмуна чыкканга чейин муай-тай боюнча дүйнөнүн эки жолку чемпиону, Россиянын спорт чебери, бокс боюнча КРдин эл аралык класстагы спорт чебери болгон.

Жоанна Енджейчик

Польшалык спортчу Жоанна Енджейчик 31 жашта. Ал тай бокс боюнча ышкыбоздор арасындагы дүйнөнүн беш жолку жана Европанын төрт жолку чемпиону болгон.

UFC уюмунда кыз-келиндер арасындагы жеңил салмак категориясы боюнча күчүн сынап жүрөт. Спортчу 2012-жылы аралаш мушташ менен алектене баштаган.

Енджейчик UFC уюмунун расмий рейтинги (салмак категориясына карабай) боюнча 7-сапта турат.

Каролина Ковалькевич

Польшалык спортчу Каролина Ковалькевич өз салмак категориясы боюнча төртүнчү орунда турат.

Спортчу 33 жашта, 15 беттеш өткөрүп, 12 каршылашын утуп алган.

Роуз Намаюнас

Роуз Намаюнас — аралаш мушташ өнөрү менен машыккан америкалык мушкер. UFC уюмунда жеңил салмак категориясы боюнча чыгат.

Спорттогу карьерасы беш жашында башталып, ата-энеси аны таэквондого берген. Намаюнас жаштар арасындагы кара курду тогуз жашында алган.

Ышкыбооздук ММА жаатына 2010-жылы аралашып, 2013-жылдан тарта профессионалдык беттештерге чыга баштаган. Учурда 26 жашта.

Жулианна Пенья

Жулианна Пенья — аралаш мушташ менен алектенген америкалык спортчу. The Ultimate Fighter деп аталган спорттук реалити-шоуда жеңүүчү аталган биринчи айым.

Пенья профессионалдык ММА рингине 2009-жылы чыккан. Ал катары менен төрт атаандашын жер каратып, биринчи жолу 2012-жылы жеңилүү ызасын тарткан. Жалпы 11 беттеш өткөрүп, төртөөнө утулуп калган. Учурда 29 жашта.

612
Белгилер:
сулуу, мушкер, UFC, Антонина Шевченко, Валентина Шевченко
Тема боюнча
Азия чемпиону Михринса: апамды сагынганда көйнөгүн кучактап жатчумун
Валентина Шевченконун сандыктагы сүрөттөрү! Бала кезинен тарта чемпиондукка чейин
Мушкер кызды тономок болгон ууру таяк жеди. Сүрөт