Дзюдочу Отар Бестаев. Архивдик сүрөт

Краковецкий, Бестаев баштаган дзюдочулар Германиядагы турнирге катышат

61
(жаңыланган 09:46 12.02.2019)
Өлкө намысын тогуз спортчу коргойт.

БИШКЕК, 12-фев. — Sputnik. Кыргызстандын дзюдо боюнча курама командасы Германиядагы Dusseldorf Grand Slam эл аралык мелдешине катыша турганын Жаштар иши, дене тарбия жана спорт боюнча мамлекеттик агенттиктин маалымат кызматынан кабарлашты.

Мелдеш 22-24-февраль күндөрү Германиянын Дюссельдорф шаарында өтөт.

Маалыматка ылайык, өлкө намысын тогуз спортчу коргойт.

Отар Бестаев — 60 килограммга чейин;

Артур Те, Алмаз Алтынбек уулу — 66 килограммга чейин;

Бексултан Султанов, Ишен Аманов — 73 килограммга чейин;

Владимир Золоев — 81 килограммга чейин;

Эрлан Шеров — 90 килограммга чейин;

Юрий Краковецкий, Болот Токтогонов — 100 килограммдан өйдө;

Спортчуларды машыктыруучу Сергей Мистрюков коштоп барат.

Курама команда спорттун Мамагенттик алдындагы Спорттун олимпиадалык түрлөрү боюнча дирекциясы тарабынан каржыланып, 778 миң сом бөлүнгөн.

61
Белгилер:
Спорт, Германия, Кыргызстан
Тема боюнча
Иззат Артыков баштаган оор атлетчилер Таиландда күчүн сынайт
Кыргызстандык эки балбан Ирандагы эл аралык мелдеште чемпион болду