Максат Чакиевдин архивдик сүрөтү

Көкпардын отурумуна тиешем жок! Максат Чакиев Астанага эмнеге барганын айтты

1390
(жаңыланган 16:30 04.03.2019)
14-февралда Астанада Дүйнөлүк көкпар ассоциациясынын жыйыны өтүп, көк бөрүнүн эл аралык эрежеси кабыл алынган. Ага Кыргызстандан расмий өкүл жиберилген эмес.

БИШКЕК, 17-фев. — Sputnik. Максат Чакиев Астанага кандай максатты көздөп барганы туурасында Faсebook баракчасына жазды.

Эскерте кетсек, 14-февралда Казакстандын борбор калаасында Дүйнөлүк көкпар ассоциациясынын жыйыны өткөн. Анда тай казансыз, муляж менен ойноого ыктаган көкпар оюнунун эл аралык эрежесин кабыл алынган. Ал отурумга Кыргызстандан расмий өкүл барган эмес. Бирок Туризм департаментинин мурдагы директору Максат Чакиевдин катышканы айтылып, анын кандай максатта барганы комчулукта талкуу жаратып жаткан.

Чакиевдин айтымында, 14-февралда түшкө чейин 2003-жылы түзүлгөн Дүйнөлүк Көк бөрү федерациясынын конгресси, түштөн кийин 2013-жылы негизделген Түрк тилдүү элдердин улуттук оюндарынын ассоциациясынын отуруму болгон.

Ал жаңыдан түзгөн "Аламан" федерациясын жогорудагы эки уюмга мүчөлүккө табыштама берүү үчүн барганын билдирди.

"Дүйнөлүк Көк бөрү федерациясынын конгрессине мен же башка кыргыз өкүлү катышкан да жок, кол койгон да жок. Ал отурумга эч кандай тиешебиз жоктугун белгилеп коёюн. Биз федерацияга мүчө болбогондуктан отурумга киргизишкен да жок. Эмне үчүн Кыргызстандан тийиштүү эч ким барган жок деген суроону тийиштүү структураларга узаткыла", — деп жазган Чакиев.

Ошондой эле ал көк бөрүнүн тегерегиндеги саясатка кийлигишпегенин жана андай ниети да жоктугун белгилеген.

"Бирок конгресстин катышуучулары түшкү танаписке чыкканда ар бир мүчөсү менен сүйлөшүп, тай казан маселесин кийинки отурумга калтырыңыздар деп суранып чыктым. Кыргыз делегациясы болбогондуктан тай казанды талкуулаганга укугу жоктугун айттым. Деген менен чечимди Эл аралык көк бөрү федерациясынын мүчөлөрү өздөрү кыргыздарсыз бир добуш менен кабыл алып коюшуптур", — деди Чакиев.

Мындан сырткары, ал эмки Бишкектеги конгрессте биздин Көк бөрү федерациясы тай казан маселесин кайрадан көтөрүп чыгышы керектигин, буга алардын добушу да, укугу да бар экенин кошумчалады. Соңунда Чакиев тай казандын келечеги бар экенине ишеним арктан.

Кечээ маалымат жыйында Жаштар иши, дене тарбия жана спорт агенттигинин директору Канат Аманкулов Кыргызстандан Астанага расмий өкүл катары эч ким жиберилбегенин, Максат Чакиев кандай кызыкчылыкты көздөп барганы белгисиз экенин айткан. Келгенде өзү менен сүйлөшүп тактап көрө турганын билдирген.

Бир ай мурда Ташкентте Эл аралык көк бөрү федерациясынын конгресси өтүп, Өзбекстанда өтө турган көк бөрү боюнча дүйнө чемпионатынын эл аралык эрежеси (тай казан менен ойноо) бекитилген.

1390
Белгилер:
Астана, эреже, Көк бөрү, Максат Чакиев
Тема боюнча
Америкалык журнал көкбөрү тууралуу кино тартты. Трейлер
Кылымдын кыйырынан келген көк бөрү
Аманкулов: Өзбекстандагы чемпионат көкпардын эрежеси менен өтсө Кыргызстан барбайт
Кыргызстандан чыккан UFC мушкери Валентина Шевченко. Архив

Шевченко Tapology версиясы боюнча эң мыкты 100 мушкердин катарына кирди

44
(жаңыланган 12:59 06.08.2020)
Жалпысынан рейтингге 224 спортчу киргизилген. Арасында карьерасын эбак жыйынтыктап, бирок эл оозунда айтылып келе жаткандар дагы бар.

БИШКЕК, 6-авг. — Sputnik. Кыргызстандан чыккан UFC мушкери Валентина Шевченко Tapology спорттук басылмасынын версиясы боюнча эң мыкты 100 мушкердин катарына кирди. Толук тизме порталдын сайтына жүктөлдү.

Жаңыртылган маалымат боюнча, Шевченко 58-орунду ээлеп турат. Жалпысынан рейтингге 224 спортчу киргизилген. Арасында карьерасын жыйынтыктаган атактуу спортчулар дагы бар. Аларга бааны ММА сүйүүчүлөрү берген.

Аралаш мушташ тарыхында эң мыкты мушкер деп канадалык Жорж Сен-Пьер табылган. Ал UFC уюмунда эки салмак категория боюнча чемпион болгон. Экинчи сапты учурда орточо оор (93 килограмм) салмакта бел курду тагынып турган америкалык Жон Жонс ээлеген. Үчүнчүгө мурдагы чемпион, бразилиялык белгилүү мушкер Андерсон Силва илинген.

Төртүнчү орунга UFC уюмундагы чемпиондук наамын бир нече жылдар бою коргоп келип, азыр башка компания менен иштешкен Деметриус Жонсон, ал эми бешинчиге россиялык Федор Емельяненко жайгашкан.

Валентина Шевченконун титулун кантип коргой турганы маалымдалды. Видео

UFC уюмунун учурдагы чемпиону Хабиб Нурмагомедов сегизинчи орунга, анын эзелки атаандашы, мурда эки салмак категориясында бел курду тагынып турган ирландиядык Конор Макгрегор 17-орунга татыган.

Кыз-келиндердин арасында бразилиялык Аманда Нуньес лидер болгон. Ал 20-сапка илинсе, UFC уюмунун аялдар арасындагы алгачкы чемпиону Ронда Роузи 44-орунга жайгашкан.

44
Белгилер:
мушкер, рейтинг, Валентина Шевченко, UFC
Тема боюнча
Шевченко: Нуньес мен көздөгөн акыркы атаандаш
Кыргызстандык мушкер Рафаэль Физиев. Архив

Кубанып турам! Кыргызстандык Физиев UFC уюму менен келишимин жаңыртты

124
(жаңыланган 20:11 05.08.2020)
Аралаш мушташ спортундагы эң беделдүү UFC уюмунда күчүн сынаган Физиев эми дагы төрт беттеш өткөрө алат. Андан кийинки турнирлерге катышуусу рейтингинен көз каранды деп эсептелинет.

БИШКЕК, 5-авг. — Sputnik. Кыргызстандык мушкер Рафаэль Физиев Абсолюттук мушкерлер уюму (UFC) менен келишимин узартты. Бул сүйүнүчтүү кабары менен спортчу Instagram баракчасы аркылуу бөлүштү.

Посмотреть эту публикацию в Instagram

Публикация от Rafael Fiziev (@rafael_ataman_fiziev)

Контракт боюнча Физиев уюмдун алкагында төрт беттеш өткөрөт.

"UFC уюму менен жаңы келишим түзгөнүмө кубанып турам. Жакшы бир шарттар менен төрт беттеш өткөрөм. Менин менеджерлик командама ыраазычылыгымды билдирем", — деген Физиев.

Рафаэль Физиевге UFC канча гонорар төлөп берери белгилүү болду

Белгилей кетсек, промоутерлик компания спортчу бир нече кармаш өткөргөн сайын анын келишимин узартууну же токтотууну карап чыгат. Бул мушкердин жеңиштерди камсыздап, өз рейтингине кам көргөнүнө жараша болот. 

Эске салсак, Физиевдин соңку кармашы 19-июлда Абу-Дабидеги "Мушкерлер аралында" өтүп, анда англиялык Марк Диакезини жеңип алган.

Рафаэль жалпысынан UFC уюмунда үч кармаш өткөргөн. Биринчисинде россиялык Магомед Мустафаевден жеңилип, кийин бразилиялык Алекс Уайтты утуп алган.

124
Белгилер:
турнир, мушкер, келишим, Рафаэль Физиев, UFC
Тема боюнча
Физиев жеңишинен кийин кыргызстандыктарга кайрылды. Видео
Төрага Жумабеков мушкер Физиевди UFC мелдешиндеги жеңиши менен куттуктады
Премьер-министр Кубатбек Боронов. Архив

Рентген аппараттарын алуу маселеси чечилген эмес. Боронов министрликти сындады

0
(жаңыланган 15:20 06.08.2020)
Республикалык ыкчам штабдын кезектеги жыйынында үймө-үй кыдыруу иш-чарасын күчөтүү тапшырмасы берилген.

БИШКЕК, 6-авг. — Sputnik. Премьер-министр Кубатбек Боронов рентген-аппараттарын сатып алуу маселеси жетиштүү деңгээлде иштелип чыкпаганы үчүн Саламаттык сактоо министрлигинин башында тургандардын ишин сынга алды. Бул туурасында өкмөттүн маалымат кызматынан кабарлашты.

Республикалык ыкчам штабдын кезектеги жыйынында Ысык-Көл, Нарын облустарындагы саламаттыкты сактоо мекемелериндеги медициналык жабдуулардын, дары-дармектердин, жеке коргонуучу каражаттардын жетиштүүлүгү боюнча мониторингдин жыйынтыгы талкууланган.

Коронавирус жуктургандар көбөйүүдө! Штаб себебин айтып, эскертүү берди

"Боронов рентген аппараттарын сатып алуу маселеси жетиштүү деңгээлде иштелип чыкпаганы үчүн Саламаттык сактоо министрлигинин жетекчилигинин ишин сынга алды. Өкмөт башчы жогоруда айтылган маселени ыкчам тартипте чечип, сатып алуу процессин тездетүүнү тапшырды", - деп айтылат маалыматта.

Тармактык мамлекеттик органдарга, жергиликтүү бийлик органдарына баштапкы медициналык-санитардык жардам чөйрөсүндө адистердин дараметин көтөрүү, үймө-үй кыдыруу иш-чарасын күчөтүү тапшырмалары берилгени айтылды.

0
Белгилер:
сын, маселе, аппарат, рентген, коронавирус, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Боронов эмдөө жана аймактарда ооруканаларды кеңейтүү боюнча тапшырма берди