Машыгып жаткан футболчулар. Архив

Аялдар топ тебет. Депутат, министрдин орун басары өспүрүмдөр менен ойнойт

(жаңыланган 10:48 05.03.2019)
Азырынча он оюнчу анык болду, бирок тизме жабыла элек.

БИШКЕК, 5-мар. — Sputnik. Аялдардын футбол боюнча Бишкек шаарында өтө турган фестивалынын жаңы катышуучуларынын аты белгилүү болду. Бул туурасында Кыргызстандын Футбол боюнча федерациясынан кабарлашты.

Аялдардын эл аралык майрамын утурлай Кыргызстандын Футбол федерациясы менен БУУнун балдар фондусу (ЮНИСЕФ) "Мени менен ойно. Футболдо баары бирдей" аттуу фестиваль уюштурууда.

Бишкектеги жаңы конуштардагы өспүрүм кыздар өлкөдөгү белгилүү айымдар менен (саясат, бизнес, журналистика ж.б. тармактагы) футбол ойнойт.

Алардын арасында саясатчылар, бизнестеги аялдар, пиар кызматы менен жалпыга маалымдоо каражаттарынын өкүлдөрү бар. Буга чейин беш кыз-келин катыша тургандыгын билдирген.

Эми өлкөгө белгилүү болгон дагы беш аял өспүрүм кыздар менен ойноого макулдугун берди.

Алардын арасында эмгек жана социалдык жактан өнүктүрүү министринин орун басары, Жогорку Кеңештин депутаты, ишкерлер бар.

Тизме:

  • Ализа Солтонбекова — эмгек жана социалдык жактан өнүктүрүү боюнча министрдин орун басары;
  • Эльвира Сурабалдиева —Жогорку Кеңештин депутаты;
  • Бермет Төлөгөнова — КРдин аялдар футболу боюнча Ассоциациясынын президенти;
  • Айжан Чыныбаева — ишкер;
  • Мээрим Таабалдиева — ишкер.

Федерациядан бул тизме дагы уланаарын айтышты.

Белгилер:
футбол, аялдар, Эльвира Сурабалдиева, Кыргызстан
Тема боюнча
Бишкекте саясатчы жана ишкер айымдар футбол ойнойт
Бишкекте Кыргызстандын белгилүү айымдары футбол ойнойт. Тизме

UFC Шевченко менен Андраденин беттешине карата проморолик жарыялады

Абсолюттук мушкерлер чемпионаты (UFC) Валентина Шевченко менен бразилиялык Жессика Андраденин беттешинин промо видеосун чыгарды.

Кыргызстандык чемпион кыздын беттешин утурлаган ролик UFC уюмунун расмий YouTube-каналына жарыяланды.

Видео UFC уюмунун комментаторлору бир учурда эки дивизиондун чемпиондугун ээлеген Аманда Нуньеске тең келе турган мушкер айым ким болорун талкуулап жаткан жерден башталат. Алардын пикиринде, Нуньеске Шевченко гана чакырык таштай ала турган жалгыз талапкер.

"Ким чакырык таштай алат деп ойлойсуң! Сен анын ким экенин билесиң! Валентина Шевченко", — деген алып баруучулардын бири.

Видеодо ошондой эле алдыдагы мелдештин башкы беттештерине чыгуучу мушкерлердин даярдыктары, алардын мурдагы таймаштарындагы мыкты нокауттары, жыга чапкан соккулары көрсөтүлөт.

"Жеңил салмактын ханышасы эң жеңил салмак категориясынын мурдагы чемпиону Жессика Андраде менен кез келет", — деп айтылат видеодо.

Роликте байкалгандай, Шевченконун машыгуусу Невада штатында Боулдер Сити шаарында өткөн. Бул болжол менен Лас-Вегастын түштүк-чыгыш тарабынан 40 чакырым аралыкта жайгашкан.

Кыргызстандык мушкер кыз менен бразилиялык спортчу 24-апрелде (Бишкек убактысы боюнча 25-апрелде) АКШнын Флорида штатындагы Жексонвилле шаарында өтүүчү UFC 261 турниринде беттешет.

Кеченин башкы беттешинде жарым орто салмактын чемпиону Камару Усмана менен Хорхе Масвидаль кармашат. Мелдештеги дагы бир кызыктуу таймаш эң жеңил салмактын мурдагы чемпиону Роуз Намаюнас менен кытайлык Вэйли Чжандын ортосунда өтөт.

Мушкерлер кечесине COVID-19 пандемиясы башталгандан бери алгачкы ирет көрүүчүлөр киргизилет. Алардын саны чектелбейт. Март айынын соңунда UFC башчысы 15 миң көрүүчү катышчу спорттук иш-чаранын билеттери бир нече мүнөттөрдө эле сатылып кеткенин айткан.

Белгилер:
видео, Жессика Андраде, беттешүү, Валентина Шевченко, UFC
Тема боюнча
Шевченко бразилиялык Андрадени ута алабы? Букмекерлердин пикири
UFC Валентина Шевченко катыша турган мелдештин трейлерин жарыялады. Видео
Дүйнөлүк футбол уюму (ФИФА) логотиби. Архив

Европада уюшулган футболдук Суперлига. FIFA демилгеге караманча каршы

(жаңыланган 12:08 19.04.2021)
Дүйнөлүк футбол уюму мындай чечимди эл аралык футболдун чектен чыккандыгы катары кабылдап, аны "сепаратисттик лига" деп атаган.

БИШКЕК, 19-апр.— Sputnik. Дүйнөлүк футбол уюму (ФИФА) Европада футболдук Суперлига уюштуруу боюнча демилгени четке кагат. Бул тууралуу уюмдун билдирүүсү тууралуу Р-Спорт жазды.

Европадагы 12 алдыңкы футболдук клуб: "Манчестер Юнайтед", "Арсенал", "Челси", "Тоттенхэм", "Манчестер Сити", "Ливерпуль" (баары – Англия); "Реал Мадрид", "Барселона", "Атлетико" (баары – Испания); "Интер", "Милан" жана "Ювентус" (баары – Италия) континентте клубдар арасындагы жаңы Суперлига мелдеши уюшулганын жар салышты. Турнирди өткөрүүнүн форматы жарыяланып, 20 команданы катыштыруу пландалганы айтылат.

Мелдеш Европа футбол ассоциацияларынын союзу (UEFA) алкагында өтүүчү еврокубокторго альтернатива катары каралууда.

Клубдардын билдирүүсүнө ылайык, уюштуруучу клубдар Европанын учурдагы мелдештеринин сапатын жана интенсивдүүлүгүн жогорулатууну көздөйт.

Дүйнөлүк футбол уюму мындай чечимди эл аралык футболдун чегинен чыккандык деп эсептей турганын айтып, билдирүү таратты.

"FIFA мындай эл аралык футболдук түзүмдөрдөн сырткары уюшулган "европалык сепаратисттик лига" түзүү чечимине каршы", — деп айтылат дүйнөлүк уюмдун маалыматында.

Уюмдун мындай кадамын Франция жана Германиянын футболдук клубдары колдоого алышкан.

Белгилер:
Суперлига, сын, демилге, Европа, УЕФА, ФИФА, футбол
Тема боюнча
Кыргызстандык жаш футболчулар Гиннесс рекордун жаратууга аракет кылып жатат
КР футболчулары кыз-келиндердин зомбулукка кабылышына каршы акция уюштурду
Россиянын 11 аскер адамы Кыргызстандын президенти Садыр Жапаровдун энчилүү кол сааты менен сыйланды

Россиянын 11 аскер адамы КР президентинин энчилүү кол сааты менен сыйланды

(жаңыланган 23:29 19.04.2021)
Россия Федерациясынын Коргоо министрлигинин № 20022 аскер бөлүмүнүн кызматкерлери "Коопсуздук — 2021" аскердик машыгууларына катышкан.

БИШКЕК, 19-апр.— Sputnik. Россиянын 11 аскер адамы Кыргызстандын президенти Садыр Жапаровдун энчилүү кол сааты менен сыйланды. Бул тууралуу өлкө башчынын маалымат кызматы кабарлады.

Церемония вручения именных часов президента Кыргызстана Садыра Жапарова 11 российским военнослужащим на авиабазе Кант
© Пресс-служба президента КР
Россиянын 11 аскер адамы Кыргызстандын президенти Садыр Жапаровдун энчилүү кол сааты менен сыйланды

Россия Федерациясынын Коргоо министрлигинин № 20022 аскер бөлүмүнүн кызматкерлери "Коопсуздук — 2021" аскердик машыгууларына катышкан.

Саат тапшыруу аземи "Кант" авиабазасында болуп, анда Кыргызстандын Коргоо министрлигинин жетекчилиги жана Коопсуздук кеңешинин катчылыгынын кызматкерлери болгон.

Машыгууга эки миңге жакын адам катышып, 100гө жакын автомобиль, сооттолгон жана атайын техника, 20га чейинки артиллериялык система, ошондой эле 10дой авиациялык техника тартылган. 

Белгилер:
сыйлык, Садыр Жапаров, президент, Аскер, саат, Россия, Кыргызстан
Тема боюнча
Элди эвакуациялап, Төрткүлдү кайтарышат. Кыргызстандагы машыгуунун видеосу