Британиянын Суонси клубунун жарым коргоочусу Берсант Целина. Архивдик сүрөт

Британ футболчусу пенальтиде топту жаза тээп күлкүгө калды. Видео

1156
Футболчу топту дарбазанын түбүнө тебүүгө аракет кылып, бирок өзүнүн бутун тээп алган.

БИШКЕК, 16-мар. — Sputnik. Британиянын "Суонси" клубунун жарым коргоочусу Берсант Целина "Вест Бромвич" командасы менен ойноп жатып, пенальтиде топту жаза тээп алды.

Адаттан тыш пенальти тебүүнүн видеосун Sky Sports Football порталы Twitter баракчасына жарыялады.

​Биринчи таймда Целинага атаандашынын дарбазасына 11 метр аралыктан топ тээп, эсепти теңөө мүмкүнчүлүгү берилген, бирок ал аны колдон чыгарып жиберди. Чуркап келип топту тебем деп боюн токтото албай, өзүнүн сол бутун оң буту менен тээп алды.

Анын топ тепкенин социалдык тармактын колдонуучулары "тарыхтагы эң начар пенальти" деп жазып чыгышты.

1156
Белгилер:
топ, пенальти, футбол
Тема боюнча
Кыргызстандык футболчулар мартта жолдоштук беттеш өткөрбөйт. Себеби
Мыкты футболчулардын бири кыргызстандык клубга кайтып келди
Ош шаарынын мэри Таалайбек Сарыбашов футбол боюнча Кыргызстандын кубогун уткан Алай клубун куттуктап, 200 миң сом тапшырды.

Ош мэри КРдин кубогун уткан "Алай" клубуна акчалай сыйлык тапшырды. Сүрөттөр

29
(жаңыланган 19:04 24.10.2020)
Иш-чара шаардагы борбордук стадиондо өтүп, мэр клубду камкордукка алууну, каржылоону көбөйтүүнү убадалады.

БИШКЕК, 24-окт. — Sputnik. Ош шаарынын мэри Таалайбек Сарыбашов футбол боюнча Кыргызстандын кубогун уткан "Алай" клубун куттуктап, 200 миң сом тапшырды. Бул тууралуу мэриянын маалымат кызматы билдирди.

  • На центральном стадионе города Ош состоялась церемония награждения победителей Кубка Кыргызстана по  футболу – футбольного клуба Алай. 24 октября 2020 года
    Иш-чара шаардагы борбордук стадиондо өтүп, калаа башчысы футболчуларга ыраазычылык айтты.
    © Фото / пресс-служба мэрии города Ош
  • На центральном стадионе города Ош состоялась церемония награждения победителей Кубка Кыргызстана по  футболу – футбольного клуба Алай. 24 октября 2020 года
    "Алай" командасы өз тарыхында Кыргызстандын кубогун алгачкы жолу 2013-жылы утуп алган.
    © Фото / пресс-служба мэрии города Ош
  • На центральном стадионе города Ош состоялась церемония награждения победителей Кубка Кыргызстана по  футболу – футбольного клуба Алай. 24 октября 2020 года
    Мэр ошондой эле азыркы кезде шаар бийлиги клубду мүмкүн болушунча камкордукка алуунун, каржылоону көбөйтүүнүн аракетин көрүп келе жатканын кошумчалады.
    © Фото / пресс-служба мэрии города Ош
  • На центральном стадионе города Ош состоялась церемония награждения победителей Кубка Кыргызстана по  футболу – футбольного клуба Алай. 24 октября 2020 года
    "Алай" футболдук клубу төрт жолу өлкө чемпионатын, эки жолу Супер кубокту жана эки жолку Кыргызстандын кубогу мелдешин утту.
    © Фото / пресс-служба мэрии города Ош
  • На центральном стадионе города Ош состоялась церемония награждения победителей Кубка Кыргызстана по  футболу – футбольного клуба Алай. 24 октября 2020 года
    Алдыда АФК кубогу үчүн болгон мелдештер өтөт.
    © Фото / пресс-служба мэрии города Ош
  • На центральном стадионе города Ош состоялась церемония награждения победителей Кубка Кыргызстана по  футболу – футбольного клуба Алай. 24 октября 2020 года
    22-октябрда Оштун "Алай" футболдук клубу 2020-жылдагы Кыргызстандын кубогу мелдешин утту.
    © Фото / пресс-служба мэрии города Ош
1 / 6
© Фото / пресс-служба мэрии города Ош
Иш-чара шаардагы борбордук стадиондо өтүп, калаа башчысы футболчуларга ыраазычылык айтты.

Иш-чара шаардагы борбордук стадиондо өтүп, калаа башчысы футболчуларга ыраазычылык айтты.

"Дордой" футбол клубу мөөнөтүнөн мурда өлкө чемпиону болду

"Футбол күйөрмандары үчүн жакшы маанай тартууладыңыздар. "Алай" командасы өз тарыхында Кыргызстандын кубогун алгачкы жолу 2013-жылы утуп алган. Намыска жарап, ат салышкан бардык командаларды артка калтырып, быйыл тарыхта экинчи ирет кубокко ээ болуп отурасыздар. Бул спорттук жеңишиңиздер үчүн жалпы шаардыктардын атынан сиздерге чоң ыраазычылык билдирем", — деди мэр.

Мэр ошондой эле азыркы кезде шаар бийлиги клубду мүмкүн болушунча камкордукка алуунун, каржылоону көбөйтүүнүн аракетин көрүп келе жатканын кошумчалады.

"Келээрки жылы клубдун бюджети дагы көбөйтүлүп, шарт түзүлөт", — деп белгиледи Сарыбашов.

"Алай" футболдук клубу төрт жолу өлкө чемпионатын, эки жолу Супер кубокту жана эки жолку Кыргызстандын кубогу мелдешин утту. Алдыда АФК кубогу үчүн болгон мелдештер өтөт.

22-октябрда Оштун "Алай" футболдук клубу 2020-жылдагы Кыргызстандын кубогу мелдешин утту. Финалдык беттеште алар Кант шаарынын "Абдыш-Ата" командасын 1:0 эсебинде жеңип алышты. Оюндагы жалгыз жана жеңүүчү голду алайлыктардын чабуулчусу Соломон Инкум беттештин 36-мүнөтүндө киргизген.

29
Белгилер:
Ош мэриясы, сыйлоо, ФК Алай, футбол
Тема боюнча
Футбол: "Алай" Кыргызстандын кубогу мелдешин утту
Футболчу Гүлжигит Алыкулов жаракат алып калды. Видео
Көк-бөрү оюну. Архивдик сүрөт

Ноябрда Чолпон-Атада президенттин кубогу үчүн көк бөрү оюну өтөт. Программасы

95
(жаңыланган 17:23 23.10.2020)
Аталган мелдеш жыл сайын 31-августта, Кыргызстандын эгемендүүлүк күнүндө өтүп келген. Быйыл эпидемиологиялык абалга байланыштуу жылган болчу.

БИШКЕК, 23-окт. — Sputnik. Ушул жылдын 3-ноябрынан 8-ноябрына чейин Чолпон-Ата шаарынын ат майданында өлкөнүн Эгемендүүлүк күнүнө арналган көк бөрү боюнча КР президентинин кубогу өтөт. Бул тууралуу Жаштар иши, дене тарбия жана спорт агенттиги кабарлады.

Ага ылайык, сыйлыктар жогорку жана I лиганын командаларынын арасында ойнотулат.

Жылда өтүп жүргөн көк бөрү боюнча президенттин кубогунун алкагында ат чабыш, эр эңиш жана салбурун боюнча мелдештер пландалган.

Программасы:

  • 3-7-ноябрь — көк бөрү боюнча турнирдин алдын ала беттештери;
  • 7-ноябрь — көк бөрү боюнча 3-орун үчүн кармаштар жана эр эңиш, салбурун боюнча мелдештер;
  • 8-ноябрь — көк бөрү боюнча финалдык мелдештер, эр эңиш, салбурун, ат чабыш боюнча мелдештер.

Аталган мелдеш жыл сайын 31-августта, Кыргызстандын эгемендүүлүк күнүндө өтүп келген. Быйыл эпидемиологиялык абалга байланыштуу адегенде октябрь айына жылдыруу чечими кабыл алынган болчу.

"Келатыр, сай күлүк"! Жамбылда кыргыз күлүгү лимузин утту. Видео

Өткөн жылы Чолпон-Ата шаарындагы ат майдандагы мелдеште "Достук" (Ош) менен "Ынтымак" (Талас) командалары финалга чыгып, 3:2 эсебинде Оштун командасы жеңишти илип кеткен.

Үчүнчү байгелүү орунду Чүйдүн "Сары-Өзөнү" ээлеген.

95
Белгилер:
Көк бөрү, мелдеш, кубок, президент, Чолпон-Ата
Тема боюнча
Валентина Шевченко КМШдагы сулуу жана мыкты мушкер аял деп табылды. Сүрөт
Туризм ассоциациясынын төрагасы Эрмек Мырзабеков

Мырзабеков: кышкы туризм дагы кризиске кептелүү коркунучунда

0
Туризм ассоциациясынын төрагасы Эрмек Мырзабеков өлкөдө кышкы туризм да киреше алып келе албай тургандыгын айтып, бул тармактагы ишкерлерге тынчсызданды.
Мырзабеков: кышкы туризм дагы кризиске кептелүү коркунучунда

Коронавирустун таасиринен улам болгон туризм тармагындагы кризистин таасири алдыда билинет. Мындай пикирин Эрмек Мырзабеков Sputnik Кыргызстан радиосуна маек берип жатып билдирди.

Анын айтымында, коронавирус туризм бизнесин эки доорго бөлүп койду.

Кыргызстанда туризм тармагында канча адам ишсиз калды. Кейиштүү сандар

"2019-жылга салыштырмалуу туризм багытындагы өнүгүү тескери динамиканы көрсөтүп калды. Көпчүлүгү кризис деп жатат. А чынында каатчылык эми болот. Себеби туризм менен жан баккан аймактарыбыз бар. Алсак, Ысык-Көл облусунун тургундары, ишкерлери турсезондо каражат таап, аны менен бир жыл жашайт. Быйыл андай болгон жок. Демек, алар мурда топтолгон, катылган каражаттарын колдонушууда. Ал акчалар деле акыры түгөнөт. Мына ошондо биздин экономика, коом үчүн кыйын убак келет. Албетте, учурда кышкы туризмди тосуп алууга даярдыктар көрүлүп жатат. Бирок медиктер боолголоп жаткандай эпидемиологиялык абал кайрадан начарласа, кышкы туризм тармагында кызмат көрсөткөн ишкерлер дагы катаал күнгө туш болушу ыктымал. Негизи эле бул вирус дүйнө жүзүндөгү туризмди эки доорго бөлүп койду", — деди Мырзабеков.

Ошондой эле ал туризм тармагына өкмөт тарабынан бөлүнгөн каражат жеткиликтүү деңгээлде таканчык боло албастыгын кошумчалады.

0
Белгилер:
каатчылык, коронавирус, туризм
Тема боюнча
Карап эле турсаң!.. Бирде бар, бирде жок болгон Көл-Суунун укмуш сүрөттөрү