Шевченко күйөрмандары менен Бишкекте да, Ошто да жолугат

© Фото / Анастасия Марченко Тайбоксер из Кыргызстана Валентина Шевченко
 Тайбоксер из Кыргызстана Валентина Шевченко - Sputnik Кыргызстан
Жазылуу
Валентина Шевченко 7-апрель, жекшемби күнү, Кыргызстанга келет.

БИШКЕК, 4-апр. — Sputnik. Кыргызстандык UFC мушкери Валентина Шевченко күйөрмандары менен Бишкекте гана жолукпастан, Ош шаарына да учуп барат. Бул туурасында спортчунун сапарын уюштуруп жаткан Кулатуу эр таймаш (WEF) федерациясынан кабарлашты.

Эске сала кетсек, 7-апрелде Шевченко Кыргызстанга келе турганын айткан.

Боец UFC Валентина Шевченко - Sputnik Кыргызстан
Шевченко Макгрегор жана Нурмагомедов менен катарлашып, 15 мыктынын бири болду
Билдирмеге ылайык, спортчу жекшемби күнү саат 18:30да "Манас 2" аэропортуна конот, эртеси Бишкектеги соода борборлордун биринде саат 16.00дө күйөрмандары менен жолугат. Ал эми 9-апрелде Ош шаарына барып, саат 18.00дө борбордук аянтта жолугушуу өткөрөт.

Уюштуруучулар спортчунун сапары боюнча программа толугу менен кийинчерээк жарыялана турганын кошумчалады.

Эске сала кетсек, былтыр 8-декабрда Валентина Шевченко польшалык Жоанна Енджейчикти UFC 231 турниринин алкагында утуп, эң жеңил салмактагы чемпион болгон.

Анын UFC уюмундагы кийинки беттеши июнь айына коюлган. Каршылашы америкалык Жессика Ай болмокчу.

Жаңылыктар түрмөгү
0