Кыргызстандын футбол курама командасынын оюнчусу. Архив

Муну жөн койбойбуз! Хоккей чыры боюнча федерация башчысы үн катты

1495
(жаңыланган 12:21 08.04.2019)
Кыргызстандын курама командасы биринчи жолу дүйнө чемпионатына катышмак. Бирок анын тайпадагы жеңиштери жокко чыгарылды.

БИШКЕК, 7-апр. — Sputnik. Хоккей боюнча Кыргызстандын федерациясы Дүйнө чемпионатынын тандоо турунун алкагындагы мелдештердин жыйынтыктарынын жокко чыгарылышы боюнча чечим менен макул эмес. Бул тууралуу федерациянын башчысы Анвар Оморканов социалдык тармактагы баракчасына жазды.

6-апрелде Кыргызстандын курамасы өз тайпасындагы акыркы атаандашы Бириккен Араб Эмираттарынын оюнчуларын жеңип, лидер болгон болчу. Мындай жеңиш өз кезегинде кыргызстандык оюнчуларды хоккей боюнча чемпионаттын үчүнчү дивизионуна чыгууга мүмкүнчүлүк бермек. Бирок хоккей боюнча Эл аралык федерация улуттук команданын курамында Россияда ойногон Александр Титов да болгон деген негиз менен буга чейинки төрт жеңишти жокко чыгарган.

"Бириккен Араб Эмирлиги футбол боюнча Азия чемпионатындагыдай эле күрөшпөй туруп жеңишке жетүү боюнча өз чеберчилигин көрсөттү. Биз курамында белорустар ойногон арабдар менен финалга чейин жеткенде Бириккен Араб Эмирлиги биздин оюнчуга даттанып, Эл аралык федерацияга ката кетип калганын кыйытып, буга чейинки беттештердин жыйынтыктарын жокко чыгарууну сунушташты. Буга, албетте, башка командалар макул болду. "Биздин футболчуларга жасаган кылыгы үчүн өч алдыңар" деген күйөрмандарга жана биздин оюнчуларга ыраазычылык билдирем", — деди Оморканов.

Федерациянын башчысы финалдык оюн абдан кызыктуу болгонун жана биздин оюнчулар жеңишти жулуп алганын белгиледи.

"Биз муну жөн койбойбуз. Бул чечимди жокко чыгарганга аракет кылабыз. Эң башкысы, биздин оюнчулар муз талаасында ким күчтүү экенин көрсөтүштү", — деди ал.

Федерациянын вице-президенти Мурат Жакыпов Sputnik Кыргызстан агенттигинин кабарчысы хоккей боюнча Эл аралык федерацияга чечимди жокко чыгаруу боюнча петиция жөнөтө турганын билдирди.

Алар май айында боло турчу конгрессте өздөрүнүн жүйөлөрүн келтирет. Жакыпов кандай гана болбосун кыргызстандык оюнчулар жеңүүчү болгонун жана ага бүт дүйнө күбө экенин кошумчалады.

1495
Белгилер:
петиция, федерация, хоккей
Тема боюнча
Кыргызстандын хоккейчилери БАЭни утту. Бирок чемпионат буйрубай калды
Хоккей: 5 жолку жеңишке карабай КРдин чемпионатка катышпай калышынын себеби айтылды
Джастин Гэтжи менен Хабиб Нурмагомедов беттешүү учурунда

Хабиб мыкты беттеш тартуулаганы үчүн кошумча 50 миң доллар алат

359
(жаңыланган 18:24 25.10.2020)
Бишкек убактысы менен 25-октябрга караган түнү Нурмагомедов каршылашын экинчи раундда муунтуу ыкмасы менен утуп, чемпиондук наамын сактап калды.

БИШКЕК, 25-окт. — Sputnik. Абсолюттук мушкерлер уюму (UFC) россиялык чемпион Хабиб Нурмагомедовго мыкты беттеш тартуулаганы үчүн гонорарынан сырткары бонус берет. Бул тууралуу Дана Уайт маалымат жыйынында айтканын "Известия" жазды. 

Нурмагомедов беттешкени үчүн канча сый акы алары белгисиз. Ал эми бонустун суммасы 50 миң долларды түзөт.

Хабибден тышкары ушунча акчаны молдовалык Ион Куцелабаны нокаутка кетирген россиялык Магомед Анкалаев дагы алмакчы.

Макгрегор эзелки атаандашы Нурмагомедовдун Гэтжи менен беттеши боюнча үн катты

Бүгүн түнү Нурмагомедов каршылашын экинчи раундда муунтуу ыкмасы менен утуп, чемпиондук наамын сактап калды. Хабиб бул анын акыркы кармашы болгонун жар салды. Мындай убадасын апасына атасы Абдулманап Нурмагомедов каза болгондон кийин бергенин айтты.

359
Белгилер:
сый акы, бонус, беттешүү, Хабиб Нурмагомедов, UFC
Тема боюнча
Хабиб менен Гэтжи беттешкен UFC 254 турниринин эң кызуу ирмемдери. Видео
Ирландиялык мушкер Конор Макгрегор. Архив

Макгрегор эзелки атаандашы Нурмагомедовдун Гэтжи менен беттеши боюнча үн катты

668
(жаңыланган 13:34 25.10.2020)
Эки жыл мурда ирландиялык мушкер россиялык Нурмагомедовго утулуп калган. Макгрегор ага көп ирет сын айтып жүрүп, кийинчерээк сый мамилеге өткөн.

БИШКЕК, 25-окт. — Sputnik. Ирландиялык мушкер Конор Макгрегор UFC 254 турниринин алкагындагы Хабиб Нурмагомедов менен Жастин Гэтжинин кармашын мыкты деп атады.

Бүгүн түнү Нурмагомедов каршылашын экинчи раундда муунтуу ыкмасы менен утуп, чемпиондук наамын сактап калды.

​"Мыкты кармаш. Мен сенин ишиңди улантам. Дагы бир ирет атаңа сый-урматымды билдирип, жакындарыңа жана сага көңүл айтам", — деп жазган Макгрегор Twitter баракчасына.

Нурмагомедов октагонго чыгарына үч жума калганда бутун сындырып алган

Эске салсак, 2018-жылы ирландиялык мушкер Нурмагомедовго утулуп калган. Анда дагы россиялык спортчу муунтуу ыкмасын колдонуп жеңип алган. Ошондон бери Макгрегор ага социалдык тармактан көп ирет сын айтып жүрүп, кийинчерээк сый мамилеге өткөн.

Хабиб бел курун сактап калгандан кийин бул анын акыркы кармашы болгонун жар салды. Бул убаданы апасына атасы Абдулманап Нурмагомедов каза болгондон кийин бергенин айтты.

668
Белгилер:
беттешүү, Конор Макгрегор, Жастин Гэтжи, Хабиб Нурмагомедов, UFC
Тема боюнча
Карьерасын жыйынтыктаган Нурмагомедов алдыдагы пландарын айтты
Айыл чарба министри Тилек Токтогазиев. Архив

Тилек Токтогазиев Айыл чарба министрлигиндеги көйгөйлөрдү ачыктады

187
(жаңыланган 00:23 26.10.2020)
Министрдин айтымында, ведомство Советтер Союзунан бери өзгөрбөгөндөй сезим калтырган. Анда керек болсо жылуулук жок экенин белгилеген.

БИШКЕК, 26-окт. – Sputnik. Айыл чарба министрлигинде жаңыланууну талап кылган нерселер көп экен. Бул тууралуу министр Тилек Токтогазиев өзүнүн Facebook баракчасы аркылуу түз эфирге чыгып билдирди. 

Ал кыска мөөнөттүн ичинде өзгөртүүлөрдү жасап, анда иштеп жаткан адистерге жакшыраак шарт түзүп берүүгө аракет жасай турганын белгиледи.

35 жашка чыкпай жогорку кызматты ээлеген аткаминерлер. Тизме

“Башка министрликтерге салыштырмалуу бул жактын айлыгы аз экен. Жакшы адистерге жакшы маяна төлөп бергидей кылышыбыз керек. Иштөө шарттары дагы начарыраак экен, мисалы жылуулук жок, суук. Ушунун баарын акырындык менен ордуна алып келебиз. Документтердин бардыгы кагаз түрүндө экен. Аны электрондук форматка өткөрүү зарыл”, - деди министр.

Токтогазиев кагаздар электрондук форматка өтсө ички процесстер, дыйкандарга кызмат көрсөтүүлөр батыраак жүрөрүн кошумчалады. Ал ошондой эле министрликте 888 киши иштей турганын, жалпы ведомство текшерилсин деген буйрук чыгарганын белгиледи.

“Азыр биз аудит баштадык. Жалпы министрлик текшерилсин деп Эсептөө палатасына кат менен кайрылдык. Бүт агенттиктер менен департаменттер текшерилет. Функционалдык анализ жүргүзүлүп, кайсы позициялар керек, кайсылары кереги жок экени аныкталат. Себеби бири-бирин кайталап калган штаттар болушу мүмкүн. Аларды кыскартууга туура келет”, - деди Токтогазиев.

Эң жаш министр алдыда чоң реформаларды жасоо ниети бар экенин кошумчалады.

187
Белгилер:
реформа, көйгөй, Тилек Токтогазиев, Айыл чарба жана мелиорация министрлиги
Тема боюнча
Тилек Токтогазиев жыйын өткөрүп, министрликтеги ишин эмнеден баштаарын айтты