Хоккей федерациясынын вице-президенти Мурат Жакыпов

Арабдарга шылтоо керек болду. Хоккей командасынын оюндан чыгып калуу себеби аталды

652
Маалымат жыйындын катышуучулары бир да команда легионерсиз жашай албай турганын айтышты.

БИШКЕК, 8-апр. — Sputnik. Кыргызстандын хоккей боюнча курама командасы алдына коюлган милдетти так аткарды, ал эми Араб Эмирлиги каалаганын жасап койду. Бул тууралуу Sputnik Кыргызстан мультимедиалык борборунда өткөн маалымат жыйында Хоккей федерациясынын вице-президенти Мурат Жакыпов билдирди.

Эскерте кетсек, 2020-жылы Швейцарияда өтө турган Дүйнө чемпионатына тандоо турунун алкагында Кыргызстандын командасы төрт атаандаш команданы утуп, дүйнө биринчилигине жолдомо алмак. Бирок кыргызстандык команданын курамында чет жактан легионер бар деген кине менен улуттук хоккейчилердин төрт оюну жокко чыгарылган.

"Спортто легионерсиз болбойт. Александр Титов болбосо дагы бирөө болмок, Титов жөн гана шылтоо болду. Биздин команда алдына коюлган милдетти так аткарды, ал эми арабдар каалаганын жасап койду. Жөн гана команданы оюндан четтетүү аракети болду", — деди Жакыпов.

Маалымат жыйындын катышуучуларынын айтымында, команда тандоо туруна мыкты даярданган, легионерлерди издөө дагы дыкат жүргөн. Оюнчулардын ата-энеси качандыр бир кезде Кыргызстандын жарандары болчу.

Белгилей кетчү жагдай, Александр Титов 19 жашта, эки жыл мурун Кыргызстандын жарандыгын кабыл алган. "Дордой" командасына мүчө. Тандоо туру башталгыча атайын кат жөнөтүлүп, Титовдун ойноосуна уруксат алынган.

652
Белгилер:
хоккей, легионер, команда, тандоо
Тема боюнча
Муну жөн койбойбуз! Хоккей чыры боюнча федерация башчысы үн катты
Хоккей: 5 жолку жеңишке карабай КРдин чемпионатка катышпай калышынын себеби айтылды
Мүмкүнчүлүгү чектелген жарандар катышкан марафондо. Архивдик сүрөт

Бишкекте мүмкүнчүлүгү чектелген жарандар катышкан жарым марафон аяктады. Сүрөт

42
(жаңыланган 14:43 19.09.2021)
Иш-чараны "Марафондор дирекциясы" коомдук фонду бир нече министрликтер, Бишкек мэриясы жана демөөрчүлөрдүн көмөгү менен өткөргөн.

БИШКЕК, 19-сен. — Sputnik. Борбор калаада ден соолугу жактан мүмкүнчүлүгү чектелген жарандар катышкан жарым марафон болуп өттү. Бул тууралуу уюштуруучулар кабарлады.

Иш-чараны "Марафондор дирекциясы" бир нече министрликтер, Бишкек мэриясы жана демөөрчүлөрдүн көмөгү менен өткөргөн.

Посмотреть эту публикацию в Instagram

Публикация от МЗиСР КР (@mzsr.kg)

Жарым марафонго ден соолугунан мүмкүнчүлүгү чектелген аялдар, эркектер болуп өзүнчө, атайын коляскада отуруп, коштоочулардын жардамы менен жүргөндөр жана чуркоону каалагандар өзүнчө категория менен катышкан.

Анын жыйынтыгында жеңүүчүлөр аныкталып, аларга сыйлыктар тапшырылган.

Жарым марафонго саламаттыкты сактоо жана социалдык өнүктүрүү министри Алымкадыр Бейшеналиев, Бишкек шаарынын мэри Айбек Жунушалиев, ЕККУнун Бишкектеги программалык кеңсесинин өкүлү катышкан.

Спорттун олимпиадалык эмес түрлөрү дирекциясынын усулчусу Адилет Камчыбеков мурдараак бул иш-чарага ден соолугунан мүмкүнчүлүгү чектелип, коляскада отурган 100 адамдын катышарын айткан.

42
Белгилер:
Кыргызстан, Бишкек, марафон, ден соолугу боюнча мүмкүнчүлүгү чектелген адамдар, адам
Тема боюнча
Абакирова: "Ак илбирсти сактайбыз" жарышынан түшкөн акчага эки "Нива" алынат

Лас-Вегаста өткөн UFC турниринин урунттуу учурлары. Видео

70
Өткөн түнү АКШда дүйнөлүк промоутерлик компаниянын UFC Vegas 37 турнири болуп өттү. Уюм мелдештин эң кызыктуу учурларын бир видеого топтоду.

Кеченин башкы беттешинде америкалык Энтони Смит менен Райан Спэнн кармашты. Беттештин биринчи раундунун төртүнчү мүнөтүндө Смит муунтуу ыкмасы менен жеңишти камсыздаган.

Негизги карддын алкагында дагы беш кармаш өтүп, видео топтомго киргизилген.

70
Белгилер:
UFC, турнир, видео
Тема боюнча
Валентина Шевченконун таймаштарындагы унутулгус ирмемдер. Видео
Мотоциклчен киши. Архивдик сүрөт

Мотоциклчен киши аэропортко кеткен трассадан жөө адамды коюп, жол жабылды

0
(жаңыланган 23:34 19.09.2021)
Жолго 50дөй киши топтолуп ызы-чууга түштү. Кырсыктын кесепетинен болжол менен 50 жаш курагындагы киши каза болду.

БИШКЕК, 19-сен. — Sputnik. "Манас" аэропортуна кеткен жолдо мотоциклчен киши жөө адамды коюп кетти. Бул тууралуу Чүй облустук милиция билдирди.

Окуя бүгүн саат 20:00дө болгон. Маалыматка караганда, кырсыктын кесепетинен жөө киши набыт болгон. Болжол менен ал 50 жашта. Активист Болот Ибрагимов авариядан кийин тартылган видеону соцтармакка жарыялады.

Посмотреть эту публикацию в Instagram

Публикация от Болот Ибрагимов SFR (@bolotibragimov)

Кадрдан жол убактылуу жабылып калганын көрүүгө болот. Топтолгон 50дөй киши ызы-чууга түшкөн. Милициянын божомолу боюнча, алар жергиликтүү тургундар менен мотоциклчен кишинин достору болушу мүмкүн.

Чүй ОИИББдин маалымат кызматы саат 21:00дөр чамасында Манас айылынын жашоочулары Бишкек — аэропорт жолун тосуп, жол кырсыктарына нааразычылыктарын билдиришкенин кабарлады.

"Учурда милиционерлер жергиликтүү тургундарга түшүндүрүү иштерин жүргүзүп жатат", — деди ОИИББден.

Түнкү саат 11лер чамасында эл тарай элек болчу.

0
Белгилер:
Бишкек, милиция, жол кырсык, мотоцикл
Тема:
2021-жылдын башынан бери Кыргызстанда болгон жол кырсыктар
Тема боюнча
Бишкекте жүк ташыган поездге урунуп 21 жаштагы жигит каза тапты