Кулатуу эр таймаш (WEF) федерациясы Валентина Шевченконун күйөрмандары менен жолугушуу учурунда ага кийгизилген калпак менен чепкен

WEF: күйөрман чепкен менен калпакты Шевченкого эмес, Федотовго кийгизем деп чыккан

1140
(жаңыланган 12:46 09.04.2019)
Бишкектеги күйөрмандар менен жолугушуу учурунда Шевченкого калпак кийгизип, үстүнө чепкен жабылганы кызуу талкуу жаратууда.

БИШКЕК, 9-апр. — Sputnik. Кулатуу эр таймаш (WEF) федерациясы Валентина Шевченконун күйөрмандары менен жолугушуу учурунда ага кийгизилген калпак менен чепкен тууралуу түшүндүрмө берди.

Эске сала кетсек, кыргызстандык UFC мушкери Валентина Шевченко Бишкекке 7-апрелде келген. Кечээ соода борборлордун биринде күйөрмандары менен жолугушуу өткөрүп, анда мушкердин башына ак калпак кийгизип, үстүнө чепкен жабылган. Мындан улам айрым интернет колдонуучулар арасында кызуу талкуу жаралууда.

Мушкердин сапарын уюштурган WEF федерациясынын вице-президенти Эмил Токтогонов кийимди катардагы күйөрман кийгизгенин айтып берди.

"Шевченкого калпак менен чепкенди биз кийгизген жокпуз. Сахнада уюштуруу комитети турганда күйөрмандардын бири мушкердин машыктыруучусу Павел Федотовго калпак менен чапкан кийгизе турганын айтты. Биз ишенип чыгарганбыз. Анан чыгып эле Валентинага кийгизип салды. Биз түшүнбөй эле туруп калдык. Эмнеге күйөрман мындай кадамга барганын билбейм. Толкунданып, сүйүнүп, сүрдөп кеттиби же атайын жасадыбы, айтор, белгисиз. Ал жигит ким экендиги бизге да кызык. Таап калсак, жакшылап сүйлөшөт элек", — деди Токтогонов.

Валентина Шевченконун борбордогу күйөрмандары менен жолугушуусун толугу менен Sputnik даярдаган видеодон көрүңүздөр.

Мушкер эртең менен Ош шаарына барган.

Валентина Шевченко акыркы ирет Кыргызстанда 2011-жылы болгон. UFC жылдызы муай-тай боюнча дүйнөнүн 17 жолку чемпиону. Былтыр 8-декабрда UFC 231 турниринин алкагында польшалык Жоанна Енжейчикти утуп, эң жеңил салмактагы чемпион болгон.

1140
Белгилер:
талкуу, ак калпак, күйөрман, жолугушуу, Павел Федотов, Валентина Шевченко, UFC, Бишкек
Тема боюнча
Валентина Шевченкону Ош шаарында кантип тосуп алышты. Видео
Сегиз жылдан кийин мекенине келген Шевченконун сапары кандай өтүүдө. Сүрөттөр
Жээнбеков Валентина Шевченкону "Даңк" ордени менен сыйлады
Шевченко: жакшы көргөн "Ош" базарымды кыдырам
Ирландиянын Дандолк футбол клубу матч учурунда

"Дандолк" Европа лигасында бир да жолу эреже бузбай ойногон команда болду

45
Ашып өтүүгө мүмкүн эмес, бирок кайталоого боло турган бул жетишкендик аталган мелдештин тарыхында биринчи жолу болуп жатат.

БИШКЕК, 31-окт. — Sputnik. Ирландиянын "Дандолк" футбол клубу УЕФАнын Европа лигасы мелдешиндеги беттеште бир да жолу эреже бузбай ойноду. Бул тууралуу Р-Спорт жазды.

Ашып өтүү мүмкүн эмес, бирок кайталоого боло турган бул жетишкендик Европа лигасы мелдеши уюшулгандан (2009/10-жылдар) бери биринчи жолу болуп жатат.

54 жаштагы япон футболчусу жаштар менен жарыша ойноп, рекорд койду. Сүрөт

"Дандолк" бейшемби күнү аталган мелдештин тайпалык этабынын экинчи турунда лондондук “Арсенал” клубуна конокко барып, 0:3 эсебинде утулган. УЕФАнын маалыматына ылайык, ирландиялык команда 90 мүнөттүк беттеште бир да жолу оюн эрежесин бузган эмес. Ал арада талаа ээлери 20 ирет айыпка жыгылган.

Европа лигасынын “B” тайпасында ойноп жаткан "Дандолк" азырынча эки оюндан упай ала элек. "Арсенал" алты упай менен бул квартетте көч башында келе жатат.

45
Белгилер:
бузуу, эреже, үлгү, Европа лигасы, футбол
Тема боюнча
Кыргызстандык футзалчы Ильяс Чотбаев Тажикстанда чемпион болду
Голун өзгөчө майрамдаган ирандык оюнчу 6 айга футболдон четтетилди. Видео

Көчөдө тамашалашкан Мухаммед Али менен Орзубек Назаров. Таберик сүрөт

152
Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, тарыхын баяндайт.
Солдон оңду карай турган бокс боюнча дүйнөнүн тогуз жолку чемпиону Юрий Арбачаков, ортодо дүйнөнүн абсолюттук чемпиону Мухаммед Али жана дүйнөнүн жети жолку чемпиону Орзубек Назаров
© Фото / из личного архива Орзубека Назарова

Солдон оңду карай турган бокс боюнча дүйнөнүн тогуз жолку чемпиону, россиялык мушкер Юрий Арбачаков, ортодо дүйнөнүн абсолюттук чемпиону, олимпиада оюндарынын жеңүүсү Мухаммед Али жана дүйнөнүн жети жолку чемпиону, СССРдин эмгек сиңирген спорт чебери, кыргызстандык спортчу Орзубек Назаровдун сүрөтү 1996-жылы Токио шаарында тартылган.

Ошол учурду Японияда өзүнүн спорттук ишмердүүлүгүн жүргүзгөн Орзубек Назаров мындайча эскерет:

"Бул сүрөт көчөдө тартылган, анда мушташып жаткандай ирмем калтырууну Мухаммед Али өзү демилгелеген. Ал жылдары россиялык кесиптешим Юрий экөөбүз дүйнө чемпиону болуп таанылып калганбыз. Японияда өз карьерабызды ийгиликтүү жүргүзүп, мурдагы советтик республикалардан экөөбүз эле болчубуз. Биз машыккан спорттук уюм бүткүл дүйнөгө белгилүү, легендарлуу Мухаммед Алини чакырган экен. Ал биз менен жолугуп баарлашып, дүйнөнү дүңгүрөткөн инсандын кеп-кеңешин алганбыз. Ошондо мен бир нерсеге өтө таң калдым, жолугушууда америкалык спортчу биздин ар бир беттеш, жетишкендиктерибизге көз салып жүргөндөй мамиле кылган. Мухаммед Али өтө жөнөкөй, тамашалап сүйлөгөн адам болчу. Мушкер менен жай баракат сүйлөшүп отуруу мүмкүнчүлүгү бардыгына эле буюрбаса керек. Ошондуктан өзүмдү бактылуу адаммын деп эсептейм", — деди Назаров.

Мухаммед Алиге жолугуп кеңешин уккан. Орзубек Назаров жөнүндө 9 факты

Учурда Орзубек Назаров жеке ишкерлик менен алектенип, өзү ачкан спорттук залда жаштарга кеп-кеңеш берсе, россиялык мушкер Юрий Арбачаков Санкт-Петербург шаарында машыктыруучу болуп иштеп келет. Ал эми Мухаммед Али Паркинсон оорусу менен жабыркап жүрүп 2016-жылы 74 жашында каза болгон.

152
Белгилер:
таберик сүрөт, Орзубек Назаров, мушкер, Кыргызстан
Тема:
"Таберик сүрөт" — сейрек кездешкен ирмемдер
Тема боюнча
Имараты жок көчөдө калган дымагы күч артисттер. "Туңгучтун" таберик сүрөтү
Арсен Өмүралиевди атасындай көргөн шакирттер. Таберик сүрөт
Москва сахнасында кыргызды даңазалаган залкарлар. Таберик сүрөт
Парктын көлмөсүндө өрдөк

Жекшембиге карата аба ырайы

0
Жекшембиге караган түнү өлкө аймагында жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 31-окт. — Sputnik. 1-ноябрь, жекшембиде, республика боюнча күн ачык болот. Бул тууралуу Кыргызгидромет билдирди. 

Абанын температурасы Чүй, Талас өрөөндөрүндө +13...+18, Ош, Жалал-Абад жана Баткен облустарында +16...+21, Ысык-Көл жана Нарын жергесинде +9...+14 градус болот.  

Күндүн табы борборубуз Бишкекте +16...+18  жана Ош шаарында +19...+21 градуска көтөрүлөт.

0
Белгилер:
Кыргызстан, аба ырайы
Тема боюнча
Адаттагыдан суук болот. Ноябрга карата аба ырайы