Жыл сайын өтүүчү Жаз Деми жарым марафону. Архивдик сүрөт

Бишкектин жака-белиндеги жарым марафонго 1500 адам катышууда

118
(жаңыланган 10:19 15.04.2019)
Жарыштын байге фондусу — 192 миң сом.

БИШКЕК, 14-апр. — Sputnik. Жыл сайын өтүүчү "Жаз Деми" жарым марафону башталганын уюштуруучулар билдирди.

Эскерте кетсек, чогулган каражаттын бир бөлүгү көзү азиз адамдарга таяк сатып алууга жумшалмакчы. Жарым марафон салтка айлангандай эле "Манас" аэропортуна бараткан трассада өтүүдө. Башталышы да, бүткөн жери да "Аска-Таш" мемориалдык комплекси болот. Марафондун байге фондусу 192 миң сом экени айтылды.

Уюштуруучулардын билдиргенине караганда, иш-чаранын максаты — спортту жайылтуу жана ар бир адамга жеткиликтүү экенин көрсөтүү.

"Жарышка 1500 адам катышууда. Булардын басымдуу бөлүгү профессионал эмес, жөн гана спортту сүйүүчүлөр. Былтыр 800 киши болчу. Жалпы жонунан 5, 10 жана 21 чакырымга чуркашат. Эртең менен 100гө чукул бала 100, 200 жана 500 метрге чуркап келишти", — дешти уюштуруучулар.

Иш-чара концерттик программа менен коштолот.

Sputnik Кыргызстан маалымат агенттиги жана радиосу — жарым марафондун медиа өнөктөшү.

118
Белгилер:
жарыш, байге, марафон
Тема боюнча
Кыргызстандын алдыңкы көк бөрүчүлөрү күйөрмандары менен жолугат
Дарья Маслова Ташкенттеги эл аралык жарым марафондо жеңүүчү аталды
UFC чемпиону Хабиб Нурмагомедовдун атасы жана машыктыруучу Абдулманап Нурмагомедов

Хабибдин атасы Абдулманап Нурмагомедов каза болду

3583
(жаңыланган 17:21 03.07.2020)
Мушкердин атасы эки тараптуу пневмония болуп майдын башында Москвадагы клиникалардын бирине жаткырылган.

БИШКЕК, 3-июл. — Sputnik. UFC чемпиону Хабиб Нурмагомедовдун атасы жана машыктыруучу Абдулманап Нурмагомедов каза болду. Бул туурасында Чечен республикасынын башчысы Рамзан Кадыровго таянуу менен РИА Новости билдирди.

Абдулманап Нурмагомедов Москвадагы клиникалардын бирине жаткырылган. Ага эки тараптуу пневмония деген диагноз коюлуп, андан кийин инсульт алган. Уулу жана окуучусу Хабиб анын абалы оор экенин айтып келген.

3583
Белгилер:
спорт, машыктыруучу, өлүм, оору, пневмония, Хабиб Нурмагомедов, Абдулманап Нурмагомедов
Тема:
Дүйнөгө жайылган коронавирус
Тема боюнча
Белгилүү адвокат Кайрат Загибаев каза болду

UFC: бирин-бири аябай... Жарым жеңил салмактагы дивизиончулар беттешкен видео

161
(жаңыланган 09:20 03.07.2020)
UFC YouTube каналына жарым жеңил салмактагы дивизиондогулардын беттешинин тарыхын, тагыраагы, бир нече турнирлерди чыгарды.

Жарым жеңил салмактагы категория 2010-жылдын аягында, UFC өзүнүн дивизионун кеңейтип, төмөнкү класстагыларды кошо баштаганда түзүлгөн.

Ал жылдары UFC World Extreme Cagefighting уюмунан бөлүнгөн. Жарым жеңил салмактагы WEC чемпиону Жозе Алду дароо аталган дивизиондун чемпиону деген титулду алган.

Бул наамды ал 2015-жылдын декабрына чейин алып жүрүп, UFC 194 турниринде ирландиялык Конор Макгрегорго алдырган.

Макгрегор бул титулдан 2016-жылдын 26-ноябрында ажыраган, себеби жеңил салмактагы чемпиондукка ээ болгон. Ал кезде титулду кармап келген бразилиялык Алдуга наамы кайтарылган.

Башка, бетке, чыкыйга тээп... UFC беттешиндеги эсте калчу учурлардын видеосу

2017-жылдын жай айында ал олжосун UFC 212 турниринде Макс Холловэйге алдырган. Ал эки жылдан кийин австралиялык Александр Волкановски менен беттешип, жеңилүү ызасын тарткан. Бул өткөн жылдын декабрында UFC 245 турниринде болгон.

 

161
Белгилер:
турнир, видео, беттешүү, UFC
Тема боюнча
Шевченко World MMA Awards премиясына эки категория боюнча көрсөтүлдү
Рафаэль Физиевдин UFC уюмундагы кийинки беттеши качан болору аныкталды
В Оше готовятся койки на 100 мест

Ош шаарында оорукана катары 500дөн ашуун орун даярдалып жатат. Сүрөт

0
(жаңыланган 17:09 05.07.2020)
Мэриянын айтымында, шаардагы окуу жайдын жатаканасы менен эки мейманканада бейтаптар үчүн убактылуу орундар болот. Бир спорт комплекси күндүзгү стационар катары даярдалып жатат.

БИШКЕК, 5-июл. — Sputnik. Ош шаарында пневмония менен коронавируска кабылгандарды дарылоо үчүн кошумча 500дөн ашуун орун даярдалып жатат. Бул тууралуу шаардык муниципалитеттин маалымат кызматы билдирди.

Ага ылайык, бүгүн, 5-июлда, калаа башчысы Таалайбек Сарыбашов тиешелүү кызматтар менен жыйын өткөргөн.

"Биз ар кандай абалга даяр болушубуз керек. Жабык имараттарда оор абалдагы бейтаптар үчүн орун даярдалсын. Жеңил жана орто абалдагыларга өзүнчө стационар борборлорун даярдагыла. Ал борбордон капельница сайдырып, дарыгерлерден жардам алышат", — деген шаар башчысы.

Мэриянын маалымат кызматы тактагандай, шаардагы окуу жайдын жатаканасы менен эки мейманканада бейтаптар үчүн убактылуу орундар болот. Бир спорт комплекси күндүзгү стационар катары даярдалып жатат.

Чүйдө беш жүздөн ашык киши жата турган дагы 21 стационар ачылды

Жыйында Ош шаардык клиникалык ооруканасынын жетекчиси Кыялбек Ташболотов менен санитардык-эпидемиологиялык станциянын башчысы Санталат Орозбаева шаарда абал оорлошуп жаткандыгын билдиришкен. Алар кычкылтек концентратору менен ИВЛ аппараттарын көбөйтүү боюнча аракеттер көрүлүп жатканына токтолушкан.

Мэр дарыгерлердин резервин түзүүгө жана жеке медициналык клиникаларды дагы СОVID-19 инфекциясы менен күрөшүүгө жардам берүүгө чакырган. Ошондой эле мобилдик бригадалар жана колл-борборлордун чыгымдарына көмөк көрсөтүү тапшырмасы берилген.

0
Белгилер:
орун, коронавирус, пневмония, стационар, мэрия, Ош шаары
Тема:
Коронавируска байланыштуу Кыргызстандагы кырдаал
Тема боюнча
Пневмония же грипптин жеңил түрүнө кабылгандар кайрылчу стационарлардын иш тартиби
Бишкекте күндүзгү стационарлар бейтаптарды кабыл алып баштады. Видео