Балбандар күрөшүү учурунда. Архив

Кытайдагы Азия биринчилигине катыша турган балбандардын тизмеси

187
(жаңыланган 09:59 23.04.2019)
Эл аралык спорттук иш-чарага өлкө атынан 20дан ашык балбан барат.

БИШКЕК, 21-апр. — Sputnik. Кыргызстандык балбандар Азия чемпионатына катышуу үчүн Кытайга жөнөшүүдө. Бул тууралуу Күрөш федерациясынан билдиришти.

Маалыматка ылайык, аталган мелдеш 21-28-апрель күндөрү өтөт. Эл аралык спорттук иш-чарага эркин күрөш боюнча катыша тургандар 20-апрель күнү учуп кетишти. Ал эми кыз-келиндер 22-апрелде, грек-рим күрөшү боюнча спортчулар 25-апрелде жолго чыгышат.

Анда өлкө атынан 20дан ашык балбан ат салышат.

Грек-рим күрөшү боюнча:

  • Асан Сулайманов, 55 кг;
  • Рустам Тейишов, 60 кг;
  • Урматбек Аматов, 63 кг;
  • Нургазы Асангулов, 67 кг;
  • Руслан Царев, 72 кг;
  • Кайратбек Түгөлбаев, 77 кг;
  • Бурго Бейшалиев, 82 кг;
  • Атабек Азисбеков, 87 кг;
  • Үзүр Жусупбеков, 97 кг;
  • Мурат Рамонов, 130 кг.

Эркин күрөш боюнча:

  • Мырзаназар уулу Бекболот, 57 кг;
  • Улугбек Жолдошбеков, 61 кг;
  • Эрназар Акматалиев, 65 кг;
  • Сыргак уулу Мансур, 70 кг;
  • Ильгиз Жакыпбеков, 74 кг;
  • Ойбек Насыров, 79 кг;
  • Алигаджи Гамидгаджиев, 86 кг;
  • Чыңгыз Керимкулов, 92 кг;
  • Магомед Мусаев, 97 кг;
  • Музафар Жаппуев, 125 кг.

Кыз-келиндер арасындагы күрөш боюнча:

  • Мадина Надирова, 53 кг;
  • Айсулуу Тыныбекова, 62 кг;
  • Мээрим Жуманазарова, 68 кг;
  • Медет кызы Айпери 76 кг.

Спортчуларды беш машыктыруучу, бир дарыгер жана калыс коштоп барат.

187
Белгилер:
Кытай, Азия чемпионаты, күрөш, Кыргызстан
Тема боюнча
Атасын жыккан кишини уруп, тиштеп, чыйпылыктаган бала. Элжиреткен видео
Акжол Махмудов Германиядагы операциядан кийин кайтчу күнүн айтты
Баяман Эркинбаевдин жаркын элесине арналып алыш боюнча эл аралык мелдеш өтөт
Англия улуттук курама командасынын машыгуусу. Архив

Атаандашка жөтөлсөң, оюндан чыгасың. Англиядагы футбол эрежеси

43
(жаңыланган 18:56 03.08.2020)
Англиянын футбол жетекчилиги атаандашка карап атайын жөтөлгөн жорукту муштум менен сокку урган оройлук менен бирдей орунга койду.

БИШКЕК, 3-авг. — Sputnik. Англиянын футболдук чемпионатынын калыстары атаандаш тарапка же беттештин өкүлдөрүнө карап атайын жөтөлгөн футболчуларды жазалайт. Бул тууралуу The Times маалымат булагы жазды.

Басылма маалымдагандай, Англиянын Футбол ассоциациясы жаңы нускамаларды иштеп чыкты, анда коронавирустук пандемия шартында беттештерди тейлеген калыстар үчүн көрсөтмө камтылган.

FIFA Кыргызстандын футболун колдоого 1,5 миллион доллар бөлөт

Андагы бир пунктуга ылайык, атаандашка же беттештин расмий өкүлүнө карап атайын жөтөлгөн футболчу беттештен четтетүү каралган. Мындай учурда калыстарга оюнчуга сары же кызыл айып кагазын көрсөтүү тапшырылган.

Муну менен Англиянын футбол жетекчилиги атаандашка карап атайын жөтөлгөн жорукту муштум менен сокку урган оройлук менен бирдей орунга койгону айтылат.

Футбол: кыргыз премьер-лигасында 8 команда калды

Жаңы эреже бардык расмий мелдештерге, атап айтканда, Премьер-лига, Championship, Англия кубогу жана Лига кубогунда колдонулат.

Англиядагы футбол боюнча жаңы сезон 12-сентябрда башталат.

43
Белгилер:
пандемия, эреже, Англия, футбол
Тема:
Дүйнөгө жайылган коронавирус
Тема боюнча
КРдин курама командасынын лидер футболчусу Бернхарт "Дордойго" кошулду
Италиянын Лацио футболдук клубунун чабуулчусу Чиро Иммобиле. Архив

"Лацио" клубунун футболчусу Чиро Иммобиле "Алтын бутса" сыйлыгын утту

99
Римдик команданын чабуулчусу кечээ Италиянын  А сериясынын чемпионатынын акыркы айлампасында 36-голун киргизди.

БИШКЕК, 2-август. — Sputnik. Италиянын "Лацио" футболдук клубунун чабуулчусу Чиро Иммобиле Европада Топ-5 лиганын бомбардири болуп, "Алтын бутса" сыйлыгын утту. Бул тууралуу РИА Новости жазды.

Римдик команда кечээ өлкө чемпионатынын акыркы турунда "Наполи" менен кездешип, 3:1 эсебинде жеңилген. Беттештин биринчи бөлүгүндө Иммобиле гол киргизип, быйылкы сезондо жараткан голдорунун санын 36га жеткирди. Муну менен Чиро Иммобиле мыкты бомбардир болуп, "Алтын бутсага" татыды.

Германиялык "Бавария" клубунун чабуулчусу Роберт Левандовски 34 топ менен экинчиге жетсе, Италия чемпиону, "Ювентус" командасынын футболчусу Криштиану Роналду 31 гол менен үчүнчүдө калды.

Өткөн жылы испаниялык "Барселона" клубунун капитаны Лионель Месси 36 топ киргизип, бул сыйлыкты уткан.

"Алтын бутса" сыйлыгын 2014-жылдан бери Испаниянын Ла Лигасындагы командаларынын футболчулары алып келишкен.

КРдин курама командасынын лидер футболчусу Бернхарт "Дордойго" кошулду

Жеке футболдук белек катары эсептелген "Алтын бутса" сыйлыгы 1968-жылдан бери Европа чемпионаттарында эң көп топ киргизген футболчуларга берилип келет. Аны France Football журналы менен спорттук кийимдерди чыгаруучу Adidas компаниясы биргеликте уюштурган.

"Алтын бутса" сыйлыгын эң көп, алты жолу испаниялык "Барселона" клубунун капитаны Лионель Месси алган.

99
Белгилер:
Италия, сыйлык, футбол
Тема боюнча
France Football: быйыл "Алтын топ" сыйлыгы берилбейт
Кытайдын Ухань шаарындагы медицина кызматкери. Архив

ДССУ Кытай менен коронавирустун келип чыгышын иликтөөнү макулдашты

0
(жаңыланган 08:32 04.08.2020)
Эпидемиологиялык изилдөө Ухань шаарында жүргүзүлөт. Былтыр дал ушул жерде вирус чыгып, сегиз айда дүйнөнүн булуң-бурчун каптады.

БИШКЕК, 4-авг. — Sputnik. Дүйнөлүк саламаттык сактоо уюму (ДССУ) кытай тарап менен коронавирустун пайда болушуна байланышкан эл аралык иликтөөнүн шарттарын макулдашты. Бул тууралуу РИА Новости жазып чыкты.

Маалыматка ылайык, Кытайга барган ДССУнун алдыңкы командасы вирустун келип чыгышын аныктоо боюнча биргелешкен аракеттерди баштады.

"Эл аралык уюм менен Кытай эксперттери изилдөө жүргүзүү шарттарын аныктаган документтердин долбоорун иштеп чыгышты. Бул ишти жетектөөнүн башында ДССУ турат", — деп айтылат билдирүүдө.

Эпидемиологиялык изилдөө оору биринчи жолу чыккан Ухань шаарында жүргүзүлөт.

ДССУ кайталап киргизилген карантиндик чектөөлөрдү сынга алды

Уюмдун эксперттери кытай кесиптештеринен COVID-19дун пайда болушуна байланышкан алдын ала тергөө иштеринин маалыматтарын колго алышты. Бул туурасында ДССУнун Саламаттык сактоо боюнча өзгөчө кырдаалдар программасынын директору Майкл Райан кабарлады.

Кытай бийлиги былтыр 31-декабрда ДССУга өлкөнүн борбордук бөлүгүндөгү Ухань шаарында (Хубэй провинциясы) белгисиз пневмониянын келип чыгышы жөнүндө маалымдашкан. Адистер ооруну жаңы коронавирус козгогонун аныкташып, кийинчерээк инфекция расмий түрдө COVID-19 деп аталган. 11-мартта коронавирус пандемиясы жарыялаган.

Учурда коронавирус жуктургандардын саны 18 миллиондон ашты. Каза болгондордун саны 680 миңден көбүрөөк. Сап башында АКШ, Бразилия жана Индия мамлекеттери турат.

0
Белгилер:
иликтөө, коронавирус, Кытай, Дүйнөлүк саламаттыкты сактоо уюму
Тема:
Дүйнөгө жайылган коронавирус
Тема боюнча
Окумуштуулар: коронавирустун иммундук реакциясы организмди алсыратат