Спорт залындагы ЖК депутаты Исхак Пирматов. Архив

ТОП-14. Төрага, муфтий, депутаттар эмне менен машыгат? Залдагы тер төккөн сүрөттөр

6946
(жаңыланган 14:51 10.06.2019)
Спорт — ден соолуктун булагы. Мындай пикирди карманган кыргыз саясатчылары да арбын экендиги маалым болду. Айрымдары спорт менен ден соолукту чыңдоо үчүн машыкса, кээси мелдештерге катышып, жашында чемпион болуптур.

Sputnik Кыргызстан маалымат агенттиги спорт менен алектенген саясатчыларды жана коомдук ишмерлерди тизмектеди. Машыгуу учурундагы ирмемди көрүү үчүн сүрөттү басуу керек.

Жиу-житсучу спикер

Төрага Дастан Жумабеков эки жыл мурда NAGA-грэпплинг боюнча ардагерлер арасындагы дүйнө чемпионатында коло байге тагынган. Өзүнүн залында спорттун бокс, жиу-житсу, грэпплинг жана башка түрлөрү менен алектенет. Спикердин "өзгөчө" спарринг өнөктөшү тууралуу редакция даярдаган видеодон көрүңүз.

Жөө күлүк Алтынбек Сулайманов

Жогорку Кеңештин "Бир Бол" фракциясынын лидери Алтынбек Сулайманов бала чагынан тарта эркин күрөш, бокс менен машыкканына карабай мелдештерге катышкан эмес. Учурда фитнес жана чуркоо менен алектенип келет. Борбордо өзү ачкан залга каалаган убакта барып машыгып турат экен.

Балбан Мелис Турганбаев

Жаза аткаруу мамлекеттик кызматынын төрагасы, ИИМдин мурдагы башчысы Мелис Турганбаев эркин күрөш менен 5-классынан тарта машыгып келет. Республикалык олимпиадалык резервдик окуу жайдын бүтүрүүчүсү, күрөш боюнча спорт чебери. КРдин Күрөш федерациясынын вице-президенти. Ардагерлер арасындагы өткөн дүйнө чемпионатынын эки жолку коло медаль ээси.

Бильярдчы Турсунбай Бакир уулу

Саясатчы бильрядды мурда күндө ойносо, азыр азыраак убакыт бөлүп калганын айтат. 2013-2016-жылдары КРдин Бильярд федерациясынын президенти кызматын аркалаган. Ошондой эле жөө басууну жактырарын айтат.

Бакир уулу экс-акыйкатчы, Жогорку Кеңештин I, II жана V чакырылыштарынын депутаты, бир нече ирет президенттикке талапкер болгон.

Улакчы муфтий

Кыргызстан мусулмандар дин башкармалыгынын башчысы Максат Токмомушев Sputnik Кыргызстан маалымат агенттигинин кабарчысына берген маегинде ат тинип, улак тартарын, ден соолугуна карап спорт залга барарын айтып берген.

Дзюдочу Таалайбек Масабиров

"Кыргызстан" фракциясынын депутаты Таалайбек Масабиров дзюдо боюнча ардагерлер арасында дүйнө чемпиону. Бишкек шаарындагы Крупская атындагы республикалык жалпы орто билим берүүчү спорттук профилдеги мектеп-интернатынын дзюдо секциясында окуган. Эмгек жолун ИИМдин алдындагы "Динамо" спорттук коомуна караштуу спорттук комплексте милиция кызматкерлерин атайын даярдоо боюнча инструктор, самбо боюнча улук машыктыруучу болуп иштөөдөн баштаган. Масабиров бүгүнкү күнгө чейин дзюдону таштабай машыгып келет.

Көк бөрүчү Жыргалбек Саматов

Ал жаш кезинде көк бөрү боюнча Оштун командаларында ойногон. Эми жөн гана достору же тааныштары менен улак тартып турат. Жыргалбек Саматов учурда Эл аралык көк бөрү федерациясынын башкы катчысы. Буга чейин Кыргызстандын Көк бөрү федерациясын жетектеген.

Ал 2015-жылы "Республика — Ата-Журт" фракциясынан депутат болуп келип, бирок кийинчерээк кош жарандуулугу бар деп мандатынан ажыратылган.

Жиу-житчусу Данияр Тербишалиев

Жогорку Кеңештин V чакырылышынын депутаты Данияр Тербишалиев кичинесинен тарта бокс менен алектенип, кийинчерээк жиу-житсу, грэпплингге кызыга баштаган. Залда жөн гана машыкпастан мелдештерге дагы катышып келет. 2017-жылы Бириккен Араб Эмирлигинде өткөн жиу-житсу боюнча эл аралык турнирде биринчи орунду алган.

Денесин чымыр кармаган Жыргалбек Турускулов

"Республика — Ата-Журт" фракциясынын лидери Жыргалбек Турускулов 18 жылдан бери спорт менен алектенип келет. Мектепте окуп жүргөндө каратэ менен машыкса, Бишкекке келгенде бодибилдинг, бокс, футболго кызыгуусу артат. Бир кездери бодибилдингге катуу көңүлүн коюп буура сан, бука моюн болгонун айтып берди. Жатып түртүүдөгү көрсөткүчү 140 килограмм болгон. Кийинчерээк жаракат алгандан кийин спорт менен денени чымыр кармоо үчүн гана алектенип калганын белгиледи.

Кара курдун ээси Төрөбай Зулпукаров

КСДП депутаты кармашып урушуу боюнча (рукопашный бой) спорттун чебери, кара курдун ээси, II дан. Учурда спорттун ар кандай түрү менен ден соолукту чыңдоо үчүн гана машыгып келерин айтат.

Суучул Бактыбек Турусбеков 

Жогорку Кеңештин "Бир Бол" фракциясынын депутаты сууда көп сүзүп, мелдештерге да катышып келет. Маселен, былтыр Турусбеков Ысык-Көлдүн түндүк жээгинен түштүк жээгине чейинки аралыкты сүзүп өткөн. Турнир Issyk-Kul Swim Challenge деп аталып, саясатчы 14 чакырым аралыкты сүзүп, экинчи келген.

Кроссфит менен алектенген Исхак Пирматов

"Бир Бол" фракциясынан депутат Исхак Пирматов жети жашынан бери самбо жана дзюдо менен машыгып келген. Учурда жумасына 3-4 жолу ден соолугун чың кармоо үчүн гана кроссфит жана фитнеске барат.

Килемде күчүн сынаган Тазабек Икрамов

Саясатчы грек-рим күрөшү менен бала кезден алектенип келет. Жумасына беш жолу залга каттайт. "Өнүгүү — Прогрес" фракциясынын депутаты Тазабек Икрамов 1991-жылы Кыргыз мамлекеттик дене тарбия институтуна тапшырып, эмгек жолун ошол окуу жайдын Жалал-Абаддагы филиалында окутуучулуктан баштаган.

Универсалдуу спортчу Өмүрбек Бакиров

ЖКдагы КСДП фракциясынын депутаты Бакиров кикбокс, дзюдо менен профессионалдуу түрдө алектенген. Учурда кроссфитке басым жасап жатканын айтат.

6946
Белгилер:
спорт, Муфтий, төрага, депутат, саясат, Кыргызстан
Тема боюнча
Саясат көк бөрүгө да жетти. Федерация башчылыгын талашкандардын максаты эмне
Бойдок, чымыр денелүү, атактуу... Кыя өткөрбөгөн кыргыздын спортчу жигиттери
Айласыздан залдагы байкени "доктур" кылып алган. Өлкөдөгү спорт медицинасынын кейпи
Аттан кулаган, ылай болгон депутаттар. Аткаминерлер ойногон көк бөрүнүн видеосу
Кыргызстандык футболчу Гүлжигит Алыкулов. Архив

Кыргызстандык футболчу Гүлжигит Алыкулов УЕФАнын мелдешинде ойнойт

176
(жаңыланган 21:57 11.08.2020)
Гүлжигит Алыкулов өзүнүн "Кайрат" клубу менен Европа лигасы мелдешинин тандоо турунда армениялык "Ноа" командасына каршы беттешке чыгат.

БИШКЕК, 11-авг. — Sputnik. Кыргызстандын мыкты футболчусу Гүлжигит Алыкуловдун "Кайрат Алматы" (Казакстан) командасы УЕФАнын Европа лигасы мелдешинде Армениянын "Ноа" клубу менен ойнойт. Бул тууралуу казакстандык команданын расмий сайтында айтылат.

Командалар УЕФАнын Европа 2020-2021-жылдагы лигасы мелдешинин квалификациялык баскычынын алкагында кез келет. Беттеш көрүүчүлөрсүз өтөт.

УЕФА футболдук беттештери COVID-19 курмандыктарына аза күтүү менен башталат.

Оюн 27-августка белгиленип, өтүүчү орду азырынча аныктала элек.

Эскерте кетсек, Европа лигасы мелдешинин квалификациялык оюндары бир эле беттеш менен жыйынтыкталат.

"Дордой" клубунун тарбиялануучусу Гүлжигит Алыкулов ушул жылдын башында эки жылдык келишим менен Казакстандын "Кайрат" клубуна өткөн. Буга чейин Түркиянын "Анталья спор" командасында ойноп келген.

Ал өткөн жылы Кыргызстандын "Мыкты футболчусу" деп табылган.

176
Белгилер:
Европа лигасы, футбол
Тема боюнча
Түркияда ойногон кыргызстандык жаш футболчу эл аралык сыйлыкка татыды
Шоро премьер-лигасынын беттештеринде тең чыгышты. Күйөрмансыз оюндар
Кесипкөй бокстун мурдагы дүйнө чемпиондору Майк Тайсон. Архив

Майк Тайсон менен Рой Жонстун беттеши ноябрга жылды

85
(жаңыланган 12:42 10.08.2020)
Беттеш кирешени көбөйтүү максатында Тайсондун командасынын демилгеси менен жылдырылган. Жонс да буга макулдук берген.

БИШКЕК, 10-авг. — Sputnik. Кесипкөй бокстун мурдагы дүйнө чемпиондору Майк Тайсон менен Рой Жонстун беттеши 28-ноябрга жылдырылды. Бул маалыматты The Ring журналына таянып РИА Новости жазды.

8 раундга белгиленген беттеш буга чейин 12-сентябрда Калифорнияда болору айтылган.

Маалыматта беттеш трансляциядан түшүүчү кирешени көбөйтүү максатында Тайсондун командасынын демилгеси менен жылдырылганы айтылат. Ал арада Жонс да Тайсондун өкүлдөрү менен жолугушуудан соң макулдук берген.

Макгрегордун Пакьяого беттешке чыгуу ниетине UFC башчысы эмне деди? Видео

Апрель айынын соңунда Темир Майк кайрымдуулук үчүн рингге чыгууга даяр экенин жар салган болчу. Тайсон акыркы жолу 2005-жылдын июнь айында ирландиялык Кевин Макдрайт менен беттешке чыгып, жеңилүү ызасын тарткан.

54 жаштагы Майк Тайсон 58 жолу рингге чыккан. 50 атаандашын жеңген, анын 44үн нокаут менен уткан. Алты жолу утулган. Эки беттеш өтпөй калган. Ал кесипкөй бокстун Дүйнөлүк мушкерлер кеңеши, Дүйнөлүк бокс ассоциациясы жана Эл аралык бокс федерациясынын версиясы боюнча дүйнөнүн абсолюттук чемпиону болгон.

Атаандашы Россиянын жарандыгын алган америкалык мушкер, дүйнөнүн экс-чемпиону Рой Жонс 50 жашта. Ал 2018-жылы карьерасын жыйынтыктаган. Спорттук жолунда Жонс 66 беттешин уткан. Анын ичинде 47 атаандашын нокаут менен жеңген. Тогуз жолу утулган.

85
Белгилер:
беттешүү, бокс, Рой Жонс, Майк Тайсон
Тема боюнча
54 жаштагы Тайсон машыгууда укмуштуудай реакциясын көрсөттү. Видео
Атактуу Майк Тайсон менен Рой Жонс беттеш өткөрүүнү көздөп жатат
Сотрудники правоохранительных органов во время акции протеста в Минске

Минскиде милиция демонстранттарды борбордон сүрүп чыга баштады

0
(жаңыланган 01:25 12.08.2020)
Аскерлер желим октору бар куралдар жана тарсылдак гранаталар менен камсыздалган. Деген менен аларды колдоно элек.

БИШКЕК, 12-авг. — Sputnik. Беларустун ички аскерлери жүздөгөн митингчилерди "Пушкин" метросунан Минскинин түндүк-батыш тарабына сүрүп таштаганын РИА Новости жазды.

Оппозициячыл тарап 10-августта милиция менен элдин ортосунда кагылышуу болгон жерге шейшемби күнү кечинде дагы чогулган.

Милиция аларды шаар четине сүрүп чыгарып жатат. Каршылык көрсөткөндөр жана баш ийбегендер кармалууда.

Аскерлер желим окторду атуучу куралдар жана тарсылдак гранаталар менен камсыздалган. Деген менен ал куралдарды колдоно элек. Азырынча калканына дубинканы чапкылоо менен чектелүүдө.

Метро жана ага жакын жердеги дүкөндөр жабылган. Минск шаарынын борбордук бөлүгүнө атайын даярдыктагы аскерлер жайгаштырылып, абалга көзөмөл жүрүүдө.

Өлкөнүн Борбордук шайлоо комиссиясы (БШК) жекшембиде өткөн президенттик шайлоонун расмий жыйынтыгын жарыялады. Учурдагы мамлекет башчысы Александр Лукашенко 80,08 пайыз добуш менен жеңип чыкты. Анын атаандашы Светлана Тихановская 10,09 пайыз менен экинчи сапка чыккан.

Лукашенконун атаандашы Тихановскаяны коопсуз жайга алып чыгып кетишкен

Шайлоонун жыйынтыгына макул эмес тарап нааразычылык акциясын уюштуруп, эл менен милициянын ортосунда кагылышуу чыккан. Акция учурунда үч миңдей адам кармалып, уюштуруучуларга жана катышуучуларга кылмыш иштери козголгон.

0
Белгилер:
акция, шайлоо, Митинг, Беларусь
Тема боюнча
Минскидеги башаламандык таңга жуук токтоду
Лукашенконун атаандашы Тихановскаяны коопсуз жайга алып чыгып кетишкен