Кыргызстандын ММА мушкери Бусурманкул Абдубаит уулу (оңдо). Архив

ТОП-5. UFC уюмуна бара алчу КР мушкерлеринин болжолдуу тизмеси

3989
(жаңыланган 18:50 10.06.2019)
ММА же сегиз бурчтукта бардык ыкмаларды колдонууга уруксат берилген аралаш мушташ спорттун популярдуу түрүнө айланды. Кыргызстанда дагы эр уруштун сүйүүчүлөрү күн санап өсүүдө. Балбандар Олимпиададан байге алууну эңсесе, мушкерлер UFC уюмуна барууну самайт. Эмнеге?

UFC — аралаш мушташ (ММА) боюнча турнирлерди өткөргөн атактуу уюм. Ал дүйнөдө биринчи орунда турат. Башкы кеңсеси Лас-Вегас шаарында жайгашып, аны америкалык Дана Уайт жетектейт.

UFCде азырынча Кыргызстандан үч мушкер гана келишим түзө алды. Алар — эже-сиңди Антонина жана Валентина Шевченколор менен Рафаэль Физиев. Эми кезек кимде деген суроо көпчүлүктүн бүйүрүн кызытып келет.

Мындан улам Sputnik Кыргызстан маалымат агенттиги спорттук компаниялардын жана мушкерлердин рейтингин аныктаган сайттарга таянуу менен UFC уюмунда күч сынашууга мүмкүнчүлүгү жогору жана үмүт арттырган кыргыз спортчуларын тизмектеди.

Бусурманкул Абдубаит уулу

Кыргызстанкий боец ММА Бусурманкул Абдубаит уулу на награждении лучших спортсменов Sports and Youth Awards 2017 в Бишкеке
© Sputnik / Табылды Кадырбеков
Бусурманкул Абдубаит уулу Россиядагы белгилүү спорттук уюм M-1 Global менен келишим түзгөн алгачкы кыргызстандык

Бул мушкерди сап башына алып чыкканыбыз дагы жөн жерден эмес. Бусурманкул Россиядагы белгилүү спорттук уюм M-1 Global менен келишим түзгөн алгачкы кыргызстандык.

M-1 Global дүйнөдөгү промоутерлик компаниялардын ичинен алтынчы орунда турат. Бул туурасында жүздөгөн лигалардын рейтингин аныктаган MMA-ORACLE.COM сайтында айтылат.

M-1 уюмунда 20 жыл аралыгында Федор Емельяненко, Жефф Монсон, Хабиб Нурмагомедов, Кенни Гарнер, Александр Волков жана Александр Шлеменко өңдүү мушкерлер ат салышкан. Бул лиганын турнирине катышып жүрүп UFC уюмуна барган мушкерлер арбын.

26 жаштагы мушкер М-1 Global уюмунда 2017-жылдан бери күч сынашып келет. Алгачкы ирет бразилиялык Диего Давелло менен беттешип тең чыкса, кийинки реванш-кармашта Давеллону утуп алган. Ошондон кийин уюм спортчу менен эки жылга келишим түзүүгө кол сунган.

Соңку беттешинде М-1 уюмунун мурдагы чемпиону Максим Дивнич жана Залимбек Омаров аттуу мушкерлерди жеңген.

M-1 жыл башында кыргызстандык мушкер быйыл чемпиондук наам үчүн беттешүүгө толук мүмкүнчүлүгү бар экендигин билдирген.

Кямран Аббасов

Посмотреть эту публикацию в Instagram

Публикация от B.R.A.Z.E.N (@kiamran_abbasov)

Бул мушкерди Кыргызстандагы спорт сүйүүчүлөр "жинди кыргыз" деп аташат. Түрк жигит октагондо өтө кызуу беттештерди тартуулап, журналисттерге кыргызча жооп бергени менен элдин сүймөнчүлүгүнө айланган.

Былтыртан бери Аббасовдун Азиядагы эң эле беделдүү ONE FC уюмунда жылдызы жанып турган чагы. Ал MMA-ORACLE.COM сайтынын рейтинги боюнча дүйнөдө төртүнчү орунда турат.

Аббасов жакында эле аталган уюмдун алкагында мурдагы UFC мушкери Юшин Окамини нокаутка кетирген. Андан мурдагы турнирде малайзиялык Агилан Танини муунтуу ыкмасы менен утуп алган.

Спортчу ММА боюнча 21 беттеш өткөрүп, 4 ирет жеңилген. Карьерасында 25 беттеш өткөрүшү эле рекорддук көрсөткүч. Себеби кыргыз мушкерлеринин беттештеринин саны учурда орто эсеп менен 10-15ти түзөт.

Эгер бул мушкер ONE FC уюмунда дагы бир нече беттеш өткөрсө UFCге жол ачык деп айтууга болот. Бирок, албетте, бул спортчунун каалоосунан жана менеждеринин аракетинен көз каранды. Кямран учурда Новосибирскиде үй-бүлөсү менен жашап, машыгып келет.

Кубаныч Абдисалам уулу

Бул мушкердин өзгөчөлүгү быйыл дүйнөдө экинчи орунда турган ACA (Absolute Championship Akhmat) уюмунун Young Eagles кичи лигасынын 70 килограмм салмак категориясында чемпион болду. Демек, ACA менен келишим түзүүгө мүмкүнчүлүк жаралды.

MMA-ORACLE.COM сайтынын маалыматы боюнча, ACA промоутерлик компаниялардын ичинен экинчи катарда турат. Белгилей кетсек, мурдагы "Ахмат" лигасы менен Absolute Championship Berkut (ACB) лигасы биригип, ACA деген ат менен чыгууда.

Абдисалам уулу жалпысынан ММА боюнча 14 беттешти утуп, 4 ирет жеңилген. Мушкер аралаш мушташка аралашкандан бери чет өлкөлүк уюмдарда көбүрөөк күч сынашып келет. Спортто "Омок" каймана аты бар. Жашы 25те.

Тилек Жээнбеков

Судья объявил о чистой победе Жээнбекова над спортсменом из Украины
© Sputnik / Табылды Кадырбеков
Тилек Жээнбеков оор салмактагы белгилүү мушкерлердин бири

Тилек Жээнбеков Орто Азиядагы бирден бир күчтүү мушкер. Буга кыргызстандык Мыктыбек Мамасалиев ("Ак аюу") менен өзбекстандык Мурод Хантураев жеңе албаган украиналык Юрий Проценкону утканы далил. Проценкону былтыр 6-мартта WEF Global турниринин алкагында техникалык нокаутка учураткан. Ошол эле жылы 14-майда швециялык Малик Тамбени жеңген жана Кореядагы Angels Fighting спорттук лигасынын алтын курун тагынган.

Жээнбеков дүйнөлүк уюмдарда күч сынашууга каалоосу күч экендигин билдирип келет. Былтыр октябрдын башында карьерасына карап үй-бүлөсү менен Америкага кетип, UFC жылдызы Стип Миочич машыккан залга барган.

Посмотреть эту публикацию в Instagram

Публикация от Tilek Zheenbekov (@tilek_zheenbekov_mma)

Бирок көп өтпөй машыгуу учурунда тизесин кокустатып алганына байланыштуу Кыргызстанга дарылануу үчүн кайтып келген. Америкага визасы дагы деле жарактуу экендигин белгилеген. Ага чейин Швециянын залдарында машыгып келген.

Мушкер ММА боюнча беш беттешти утуп, эки ирет жеңилген. Ошондой эле панкратион боюнча Евразия чемпиону, универсалдуу кармаш боюнча дүйнө чемпионатынын күмүш медаль ээси. Каймана аты — "Азия арстаны".

Канат Келдибеков

Он не оставил шансов сопернику из Таджикистана...
© Sputnik / Табылды Кадырбеков
"Тайсон" каймана аты менен таанымал мушкер өлкөдөгү 66 килограмм салмактагы мушкерлердин сап башында

"Тайсон" кыргыз элинин сүймөнчүлүгүнө айланган мушкер. Анын беттештеги өжөрлүгүн, тайманбас мүнөзүн эч бир спортчу менен салыштырууга мүмкүн эмес десек туура болчудай. Айрым учурда спортчулардын жеңиши ушул сапаттардан да көз каранды эмеспи.

"Тайсон" каймана аты менен таанымал мушкер өлкөдөгү 66 килограмм салмактагы мушкерлердин сап башында. Муну ал WEF Grand Prix турниринде далилдеген. Анда уюштуруучулар бир турнирде 66 килограмм категориядагы алдыңкы спортчуларды топтоп, 8/1 финалдан тарта күч сынаштырган. Натыйжада Тайсон төрт мушкерди утуп, чемпион болгон.

Ал эми былтыр беделдүү делген россиялык "Ахмат" лигасынын алкагында чеченстандык ММА жылдызы Агшин Бабаевди муунтуу ыкмасы менен утуп, зоболосу бийиктеген. Ошондой кийин "Ахмат" лигасы менен келишим түзгөн. Мушкер Орто Азиядагы жана россиялык бир топ уюмдарда күч сынашып келет. ММА боюнча 12 беттешти утуп, 4 ирет жеңилген.

Үмүт жандыргандар

UFC уюму октагондо өзүн көрсөтө алган мушкерлерди дайым баалайт. Атаандаштарын сулата чаап, нокаутка кетирген спортчулар да жерде калбайт. Мындай мушкерлердин катарына "Ак аюу" каймана аты менен таанымал Мыктыбек Мамасалиев кирет. Бирок бул мушкер азырынча Орто Азия ичиндеги турнирлер менен гана чектелүүдө.

Кыргызстанский боец MMA Мыктыбек Мамасалиев, известный как Ак аюу во время боя
© Sputnik / Табылды Кадырбеков
"Ак аюу" каймана аты менен таанымал мушкер Мыктыбек Мамасалиев

"Баха" каймана аты менен таанылган Бахтияр Тойчубаев дагы келечеги кең спортчулардын бири. Карьерасындагы чоң жетишкендиги — япониялык Road Fighting Championship уюмунда күч сынашып жатканы. Мушкер ММА боюнча 11 беттешти утуп, төрт ирет жеңилген.

Член клуба смешанных единоборств Жаш Куч Бахтияр Тойчубаев во время взвешивания
© Sputnik / Табылды Кадырбеков
"Баха" каймана аты менен таанылган Бахтияр Тойчубаев дагы келечеги кең спортчулардын бири

Нокауттары менен эл оозуна алынып келе жаткан Алимардан Абдыкааров WEF Grand Prix турниринде келечеги кең экендигин көрсөттү. Аталган турнирдин финалында Канат Келдибековду (Тайсон) жыга чаап, элдин оозун ачырган. Бирок Тайсондун муунтуу ыкмасына туруштук бере албай, утулууга аргасыз болгон.

Посмотреть эту публикацию в Instagram

Публикация от ЛУЧШИЙ СПОРТИВНЫЙ ПАБЛИК 🇰🇬 (@prosports_kyrgyzstan)

Ушул беттештен кийин 24 жаштагы жигит коомчулукка тааныла баштады. Маектерде UFC уюмуна баруу аруу кыялы экенин белгилеген.

Посмотреть эту публикацию в Instagram

Публикация от Abdykaarov Alimardan (@abdykaarov__alimardan)

Шевченколор менен Физиевге UFC кучагын кантип жайды?

Валентина Шевченко празднует победу над Джессикой Ай во время поединка за титул в полусреднем весе среди женщин в UFC 238. Чикаго 8 июня 2019 года
© AP Photo / Kamil Krzaczynski
UFC уюмунун 57 килограмм салмактагы чемпиону, кыргызстандык мушкер Валентина Шевченко

Эже-сиңдилер Антонина менен Валентина Шевченколор эс тарткандан бери карьерасына карап чет өлкөгө кетишкендиги маалым. Башында Россияда жашап, кийинчерээк Азия жана Европа мамлекеттерин кыдырышкан. Алар тайбокс, кикбокс, ММА боюнча беттештерге катышып, дүйнө чемпиону болууга жетишкен. 2015-жылдан тарта өлкөдөн алгачкылардан болуп Валентина Шевченко UFC уюмунда ат салыша баштады. Ал жактан жалпысынан 8 беттеш өткөрүп, кечээ жакында 57 килограмм салмактагы чемпиондук наамын коргоду.

Именитая уроженка Кыргызстана, многократная чемпионка мира среди любителей и профессионалов Антонина Шевченко
© Фото / Jeff Sainlar
Эжеси Антонина UFC уюмунда былтыртан баштап күч сынашып келет

Ал эми эжеси Антонина UFC уюмунда былтыртан баштап күч сынашып келет. Акыркы беттешинде жеңилип калган.

Тайбоксер  из Кыргызстана Рафаэль Физиев после боя с Нандин Ерденом на турнире Road FC в Сеуле
© Фото / Facebook / ROAD FC
Кыргызстандан эркектер арасында UFC уюму менен келишим түзгөн Рафаэль Физиев

Кыргызстандан эркектер арасында UFC уюму менен келишим түзгөн Рафаэль Физиев дагы 3-4 жылдан бери Таиландда машыгып келет. Тайбоксчу мелдештердин биринде атаандашынын тепкенинен "Матрица" тасмасынын башкы каарманы Нео сымал буйтап кеткенден кийин көбүрөөк таанылган. Физиев быйыл UFC уюмунун турнирине алгачкы ирет катышып, утулуп калган эле.

3989
Белгилер:
келишим, беттешүү, уюм, мушкер, UFC, Кыргызстан
Тема боюнча
Айласыздан залдагы байкени "доктур" кылып алган. Өлкөдөгү спорт медицинасынын кейпи
Тыныбекова алган Toyota, Жээнбеков минген Lexus. Спортчулар эмне сый көргөн
"Ак аюу" Мамасалиев 30 жашта! Бүк түшүргөн нокауттар, жолтоо болгон жаракат. Видео
Шевченко мындай болорун күтпөптүр. Сапардын уюштуруучусу Кыдырмышев менен маек
Мадриддик Реал клубунун капитаны Серхио Рамос. Архив

Футболчу Серхио Рамос мушкер Конор Макгрегорго чакырык таштады. Видео

92
(жаңыланган 10:01 03.12.2020)
34 жаштагы Рамос машыгуу залында Макгрегордун басканын туураган видеосун жарыялап, алдына билдирүү жазган.

БИШКЕК, 3-дек. — Sputnik. Мадриддик "Реал" клубунун капитаны Серхио Рамос ирландиялык мушкер Конор Макгрегорго чакырык таштады. Футболчу мушкерге өзүнүн Instagram баракчасы аркылуу кайрылган. 

Посмотреть эту публикацию в Instagram

Публикация от Sergio Ramos (@sergioramos)

34 жаштагы Рамос машыгуу залында Макгрегордун басканын туураган видеосун жарыялап, астына билдирүү калтырган.

"Конор, качан даяр болосуң?" — деген футболчу.

Өз кезегинде мушкер бул чакырыкка кечиктирбей жооп кайтарган.

"Даяр бол, менин досум! Алдыда чоң беттеш турат", — деп футболчунун постунун астына билдирүү калтырган Конор.

Эки салмактын экс-чемпиону Конор Макгрегор 23-январда UFC 257 мелдешинде кезектеги беттешке чыгат. 32 жаштагы ирландиялык мушкерге америкалык Дастин Порье атаандаш болот.

Рамос буга чейин машыгууда гол киргизип, Макгрегордун басканын туурап майрамдап, мушкерге кайрылган.

Өз кезегинде мушкер достору менен футбол ойноп жатып алыстан киргизген голун жарыялап, футболчуга жооп кылган. Рамос Макгрегорду "Реал" клубунун машыгуусуна чакырган болчу.

92
Белгилер:
чакырык, Конор Макгрегор, UFC, футбол
Тема боюнча
UFC мушкери Конор Макгрегор "Реалдын" машыгуусуна катышмай болду
Бокс боюнча оор салмактагы жана биринчи оор салмактагы мурунку чемпион 58 жаштагы Эвандер Холифилд. Архив

Чык рингге! Кулагын тиштеткен Холифилд атаандашы Тайсонго чакырык таштады

105
Майк Тайсон менен Эвандер Холифилд бокстагы эзелки атаандаштардан. Алардын 1997-жылдагы кармашы дүйнө элинин спортту сүйгөн катмарынын эсинде калган.

БИШКЕК, 3-дек. — Sputnik. Бокс боюнча оор салмактагы жана биринчи оор салмактагы мурунку чемпион 58 жаштагы Эвандер Холифилд элдин көзүнчө абалкы атаандашы, оор салмактагы абсолюттук чемпион Майк Тайсонго беттешүү чакырыгын таштады. Бул тууралуу РИА Новости жазды.

Ал беттешти уландысы менен өткөрүүнү белгилеп кеткен.

Лос-Анжелесте 54 жаштагы Тайсон башка мушкер, 51 жаштагы ардагер спортчу Рой Жонс менен беттешип, тең чыккан.

Тайсон маектеринин биринде Холифилд менен бир кармашсам деген ниетин айткан эле.

"Мен тарап беттеш өткөрүүгө аракеттенип, бирок ар кыл шылтоодон бөлөк эч нерсе ала алган эмес. Мени менен бокска чыгуудан мурда эмне үчүн беттешке аттангандыгын эми түшүнүп турам. Майк үчүн Рой Жонс жакшы атаандаш болду. Ал эми мени менен кармаш чоң окуя болот. Кимдир бирөөлөр көргүсү келген бирден-бир кармаш — экөөбүздүн ортобуздагы беттешүү. Экөөбүз бокска чыкпай койгонго эч кандай себеп жок. Эми актанбашыбыз керек. Тайсон, ишемби күнү кечинде мени менен кармашканга даяр экениңди айттың, анда келишимге кол кой да рингге чык. Дүйнө күтүп жатат, эми баары сага гана байланыштуу. Мен даярмын", — деген Холифилд.

Спортчунун бул айткандарын mmafighting.com жазды.

Тайсон менен Холифилд рингде эки ирет кездешкен. Ал эми 1997-жылдагы беттеште Холифилддин кулагын тиштеп алганы үчүн Тайсон кармаштан четтетилген болчу.

105
Белгилер:
чакырык, ринг, бокс, кармаш, Рой Жонс, Майк Тайсон
Тема боюнча
Тайсон акулалар менен кармашканда. Шоунун видеосу

Финпол 250 миң сом пара берген адамды кармады. Кабинеттен тартылган видео

0
(жаңыланган 13:04 03.12.2020)
Экономикалык кылмыштарга каршы күрөшүү кызматы Ысык-Көл облусунда кызмат адамына 250 миң сом өлчөмүндө пара берип жаткан адамды кармады.

Финполдун маалымат кызматынын билдиришинче, 1-декабрда Т.А. аттуу жаран кылмыш иши боюнча маселени өзүнүн пайдасына чечүүгө аракет кылып, кызмат адамына ири өлчөмдөгү пара берип жаткан жеринен колго түшүрүлгөн.

Ошол эле учурда кайсы кызматкерге бергени айтылган эмес.

Сотко чейинки өндүрүштүн материалдары Жазык кодексинин 328-беренеси ("Пара берүү") менен Кылмыш жана жоруктардын бирдиктүү реестрине катталган.

Ал эми кармалган адам Каракол шаардык ички иштер бөлүмүнүн убактылуу кармоочу жайына киргизилип, тергөө жүрүп жатат.

0
Белгилер:
тергөө, кармоо, пара берүү, финансы полициясы
Тема боюнча
"Кадастрдын" директору Абдумуктар Маматов коррупцияга шектелип кармалды. Сүрөт
Бука сатып берем деген. Ошто элди 1,5 млн. сомго алдап кеткен адам кармалды