Футболисты во время товарищеского матча между сборными Кыргызстана и Палестины

Бишкекте Кыргызстан менен Палестина футболчулары беттешип, тең чыкты

313
(жаңыланган 22:14 11.06.2019)
Бул Кыргызстандын курама командасынын 2019-жылдан берки, тагыраагы, Азия кубогундагы 1/8 финалга чыккандан берки алгачкы оюну.

БИШКЕК, 11-июн. — Sputnik. Бишкекте болгон Кыргызстан менен Палестинанын футбол боюнча курама командалардын беттеши тең чыгуу менен аяктады.

Бул жолдоштук беттеш Дөлөн Өмүрзаков атындагы стадиондо өттү.

Оюндун жүрүшүндө биринчи голду кыргызстандык спортчулар киргизди. Эсепти биринчи таймдын 31-мүнөтүндө Рустамов ачты. Экинчи топтун ээси Бекжан Сагынбаев болду. Көп узабай эле палестиналыктар эсепти өзгөртүп, кыргызстандыктардын дарбазасына өздөрүнүн алгачкы тобун киргизди. Андан кийин пенальтиде дагы бир ирет жеңиш конок спортчулардын колуна тийип, эсепти 2:2 кылып теңдешти.

Бул Кыргызстандын курама командасынын 2019-жылдан берки, тагыраагы, Азия кубогундагы 1/8 финалга чыккандан берки алгачкы беттеши.

313
Белгилер:
курама команда, беттешүү, футбол, Палестина, Кыргызстан
Тема боюнча
Кыргызстандык ырчылар артисттердин дүйнөлүк футбол чемпионатына жөнөп кетти
Япониянын жогорку лигасындагы Иокогама футбол клубунун чабуулчусу Кадзуёси Миура. Архивдик сүрөт

54 жаштагы япон футболчусу жаштар менен жарыша ойноп, рекорд койду. Сүрөт

74
(жаңыланган 17:02 25.09.2020)
Рекордду ардагер-футболчу "Кавасаки Фронтэйл" клубу менен беттеште жасады. Чабуулчу негизги курамда оюнга чыгып, беттештин 56-мүнөтүндө алмаштырылган.

БИШКЕК, 25-сен. — Sputnik. Япониянын жогорку лигасындагы "Иокогама" футбол клубунун чабуулчусу Кадзуёси Миура 54 жашында расмий оюнга чыгып, лиганын тарыхында эң улуу футболчу болуп калды. Бул тууралуу РИА Новости аталган клубдун Instagram баракчасына таянып жазды.

Посмотреть эту публикацию в Instagram

Публикация от 横浜FC公式アカウント (@yokohamafc_official)

Мындай рекордду ардагер-футболчу "Кавасаки Фронтэйл" клубу менен конокто болгон беттеште жасады. Оюнда талаа ээлери 3:2 эсебинде уткан. 54 жаштагы чабуулчу негизги курамда оюнга чыгып, беттештин 56-мүнөтүндө алмаштырылган.

Буга чейинки жетишкендик дагы бир япондук спортчу Масаси Накаямага таандык болгон. Ал 2012-жылы 45 жаш, эки ай жана бир күн жаш курагында "Консадоле Саппоро" клубуна ойногон.

Кадзуёси Миура футболдук карьерасын 1986-жылы Бразилиянын "Сантос" клубунда баштаган. Кийин бразилиялык "Коритиба", "Палмейрас", италиялык "Женоа", загребдин "Динамо" жана башка бир канча командаларда ойногон. Азыркы "Иокогама" командасынын намысын спортчу 2005-жылдан бери коргоп келет. Январь айында ал клуб менен жыл аягына чейин жаңы келишим түзгөн. Бул ардагер-футболчу үчүн профессионалдык карьерасындагы 35-келишим болду.

Дагестан: пенсионер беш саатта 10 килограммга жакын салмак таштаган

Миура 2017-жылдын 6-мартында Япония чемпионатынын экинчи дивизионунда "В-Варен Нагасаки" клубу менен 50 жаш 7 күн курагында оюнга чыгып, легендарлуу англиялык футболчу Стэнли Мэтьюздун жетишкендигин жаңыртып, профессионалдык футболдо жашы эң улуу оюнчу болгон.

Андан алты күн өтпөй Кадзуёси Миура тарыхта профессионалдык деңгээлде гол киргизген эң улуу футболчу болууга жетишкен.

Белгилеп кетсек, азыркы тапта "Иокогаманын" курамында Япония курама командасынын легендарлуу футболчусу Шинсуке Накамура да ойнойт. Ал июнь айында 42ге чыккан.

74
Белгилер:
жаш курак, футбол
Тема боюнча
Роналду да, Месси да жок. УЕФАнын "мыкты футболчусуна" үч талапкер тандалды. Видео
Америка футболунун бет капсыз насаатчысы 100 миң доллар айыпка жыгылды
УЕФАнын суперкубогун жеңген Бавария футбол клубунун оюнчулары

УЕФАнын суперкубогун "Бавария" жеңди. Тагдыр чечкен кошумча гол

137
(жаңыланган 09:30 25.09.2020)
"Ференц Пушкаш" стадионунда болгон оюнга көрүүчүлөр мурдагыдай эле келген. Беттеш алдында 15,5 миң билет сатылганы жарыяланган.

БИШКЕК, 25-сен. — Sputnik. Германиянын "Бавария" клубу кошумча берилген убакытта киргизген голу менен испаниялык "Севилия" клубун утуп, УЕФАнын cуперкубогун жеңип алды. Бул тууралуу УЕФАнын расмий сайтында айтылат.

Будапешт шаарында өткөн беттеш 2:1 эсебинде Чемпиондор лигасынын жеңүүчүлөрүнүн пайдасына аяктаган. 13-мүнөттө испандыктардан Лукас Окампос 11 метрлик айып тобунан гол киргизип эсепти ачты. "Бавария" клубунан Леон Горецки (34-мүнөт) жана кошумча берилген бөлүктө (104-мүнөт) Хави Мартинес гол киргизген. Бул гол беттештин жана УЕФАнын cуперкубогун жеңүүчү гол болуп калды.

ПСЖдан келген футболчу франциялыктарга гол киргизип, "Баварияны" чемпион кылды. Видео

67 миң орунга ылайыкташкан "Ференц Пушкаш" стадионунда болгон беттеш көрүүчүлөр менен өткөн. УЕФА буга чейин 30 пайыз күйөрман кирүүгө уруксат берген. Беттеш алдында 15,5 миң билет сатылганы жарыяланган.

Бавариялыктардын жарым коргоочусу Томас Мюллер таймаштын мыкты футболчусу деп табылды.

"Бавария" муну менен өз тарыхында экинчи ирет УЕФАнын cуперкубок мелдешин жеңип алды. Буга чейин немецтик клуб бул олжону 2013-жылы алган.

137
Белгилер:
Будапешт, Бавария, футбол
Тема боюнча
Роналду да, Месси да жок. УЕФАнын "мыкты футболчусуна" үч талапкер тандалды. Видео
Украинада аскер учагы кулады

Украинада аскер учагы кулады. 23 адамдын өмүрүн алган кырсыктын видеосу

67
(жаңыланган 01:46 26.09.2020)
Бортто экипаж мүчөлөрүнөн сырткары аскер-аба күчтөрүнүн Харьков университетинде билим алган курсанттары бар болчу.

БИШКЕК, 26-сен. — Sputnik. Украинанын Харьков облусунда Ан-26 деп аталган аскер учагы кулады. Андан каза болгондор жана жабыркагандар бар. Бул тууралуу РИА Новости Украинанын аскер-аба күчтөрүнүн маалыматына таянып кабарлады.

Кырсыктын видеосу басылманын Telegram -каналына жарыяланган.

​"25-сентябрь күнү кечинде Харьков облусунда Украинанын аскер-аба күчтөрүнө тиешелүү болгон АН-26 учагы кырсыктады. Учак жерге коноюн деп жатканда кулаган. Бортто экипаж мүчөлөрүнөн сырткары аскер-аба күчтөрүнүн Харьков университетинде билим алган курсанттары бар болчу. Арасында каза болгондор, жабыркагандар бар. Маалымат такталып жатат", — деп айтылат билдирмеде.

Ички иштер министрлиги билдиргендей, учак кырсыгынан 23 адам каза болуп, эки адам оор абалда ооруканага жеткирилген. Акыркы маалыматтар боюнча жеринде куткаруучулар, өрт өчүрүүчүлөр иштөөдө.

Украинанын президенти Владимир Зеленский кырсык болгон жерге чыгып кеткени кабарланды.

67
Белгилер:
өрт, кырсык, учак, Харьков, Украина
Тема боюнча
Бразилияда учак автожолго кулап, талкаланып калды. Видео
14 киши көз жумду. Индияда учак экиге бөлүнүп кетип, кырсыктаган видео