Ысык-Көлдө өткөн Азия чемпионаты

Кыргызстан армрестлинг боюнча Азия чемпионатында экинчи орунду алды. Сүрөт

111
(жаңыланган 17:01 12.06.2019)
Командалык эсеп боюнча биринчи орунду Казакстан, ал эми үчүнчү орунду Өзбекстан алганы маалымдалды.

БИШКЕК, 12-июн. — Sputnik. Кыргызстандын армрестлинг (кол күрөш — ред.) боюнча курама командасы Ысык-Көлдө өткөн Азия чемпионатында экинчи орунду багындырды. Бул туурасында Жаштар иши, дене тарбия жана спорт агенттигинен кабарлашты.

Маалыматка ылайык, мелдеш 9-11-июнь күндөрү Ысык-Көлдүн Чолпон-Ата шаарында өткөн.

  •  Участники чемпионата Азии по армрестлингу в городе Чолпон-Ата Иссык-Кульской области. 11 июня 2019 года
    Кыргызстандын армрестлинг (кол күрөш — ред.) боюнча курама командасы Ысык-Көлдө өткөн Азия чемпионатында экинчи орунду багындырды
    © пресс-служба ГАМФКиС
  •  Участники чемпионата Азии по армрестлингу в городе Чолпон-Ата Иссык-Кульской области. 11 июня 2019 года
    мелдеш 9-11-июнь күндөрү Ысык-Көлдүн Чолпон-Ата шаарында өткөн.
    © пресс-служба ГАМФКиС
  •  Участники чемпионата Азии по армрестлингу в городе Чолпон-Ата Иссык-Кульской области. 11 июня 2019 года
    Медалдар эркектер, аялдар, жаштар, ардагерлер жана ден соолугунан мүмкүнчүлүгү чектелгендер арасында ойнотулуп, спортчулар 121 салмак түрү боюнча оң жана сол кол менен мелдешишкен.
    © пресс-служба ГАМФКиС
  •  Участники чемпионата Азии по армрестлингу в городе Чолпон-Ата Иссык-Кульской области. 11 июня 2019 года
    Турнирге Азиянын он өлкөсүнөн 517 спортчу катышкан.
    © пресс-служба ГАМФКиС
1 / 4
© пресс-служба ГАМФКиС
Кыргызстандын армрестлинг (кол күрөш — ред.) боюнча курама командасы Ысык-Көлдө өткөн Азия чемпионатында экинчи орунду багындырды

Медалдар эркектер, аялдар, жаштар, ардагерлер жана ден соолугунан мүмкүнчүлүгү чектелгендер арасында ойнотулуп, спортчулар 121 салмак түрү боюнча оң жана сол кол менен мелдешишкен. Турнирге Азиянын он өлкөсүнөн 517 спортчу катышкан.

Натыйжада кыргызстандыктар 156 медаль алган: 28 алтын, 49 күмүш жана 79 коло. Мындай жыйынтык менен курама команда экинчи орунду алган.

Командалык эсеп боюнча биринчи орунду 376 медаль менен Казакстан ээлеген. Медалдарды бөлүп айта турган болсок, 174 алтын, 142 күмүш жана 51 коло болгон.

Ал эми үчүнчү орунду 110 медалды алуу менен Өзбекстандын командасы алган: 26 алтын, 32 күмүш жана 52 коло.

111
Белгилер:
медаль, армрестлинг, спорт, Азия чемпионаты, Ысык-Көл, Кыргызстан
Тема боюнча
Бишкекте Кыргызстан менен Палестина футболчулары беттешип, тең чыкты
Ночной забег. Архивное фото

Түнкү марафондун жыйынтыгы чыгарылды. Тизме

73
(жаңыланган 18:05 20.06.2021)
Спорттук иш-чара кечээ, 19-июнда, Бишкектеги Чокон Валиханов көчөсү менен Чүй проспектисинин бир бөлүгүндө болуп, аны Nomad Sport коомдук бирикмеси уюштурган.

БИШКЕК, 20-июн. — Sputnik. Борбор калаада өткөн Toyboss Night Run 2021 түнкү марафондун жыйынтыгы чыгарылды.

Белгилей кетсек, спорттук иш-чара кечээ, 19-июнда, Бишкектеги Чокон Валиханов көчөсү менен Чүй проспектисинин бир бөлүгүндө өткөн. Мелдешти Nomad Sport коомдук бирикмеси уюштурган. Ордо калаада мындай жарыш үчүнчү ирет өтүүдө.

Башында 2000дей кишинин чуркай турганы күтүлсө, пандемияга байланыштуу 500дөй адамга кыскарган.

21 чакырымга чуркагандардын ичинен алдыңкы келген беш киши:

  • Евгения Прокофьева (1 саат 13 мүнөт 37 секунд);
  • Александр Салахидинов (1 саат 13 мүнөт 55 секунд);
  • Аман Момуналиев (1 саат 14 мүнөт 3 секунд);
  • Кайнар Камалов (1 саат 15 мүнөт 57 секунд);
  • Алик Бекбасар уулу (1 саат 16 мүнөт 48 секунд).

10 чакырымга чуркагандардын ичинен алдыңкы келген беш киши:

  • Марат Дастан уулу (37 мүнөт 50 секунд);
  • Дастан Ташыбеков (38 мүнөт 23 секунд);
  • Ырыскелди Акеров (38 мүнөт 40 секунд)
  • Бакыт Момуналиев (38 мүнөт 42 секунд);
  • Алымбек Керимбеков (38 мүнөт 59 секунд).

5 чакырымга чуркагандардын ичинен алдыңкы келген беш киши:

  • Антон Егоров (19 мүнөт 10 секунд);
  • Илияз Чокоев (19 мүнөт 14 секунд);
  • Тимур Кенжеков (19 мүнөт 18 секунд);
  • Бактияр Ганиев (20 мүнөт 12 секунд);
  • Кутман Мамбетов (20 мүнөт 37 секунд).

Мелдеш учурунда күндүн көзү бузулуп, жаан жаап, күн күркүрөп, чагылган чартылдаган. Бирок аба ырайы катышуучуларга жолтоо боло алган эмес

73
Белгилер:
жыйынтык, марафон, Бишкек, Кыргызстан
Тема боюнча
Күн күркүрөп, чагылган чартылдап... Түнкү жарышта чуркаган жөө күлүктөр. Видео
Акактап келе жаткан атаандашына суу сунган Көчкөнбаевдин ич жылыткан видеосу

Күн күркүрөп, чагылган чартылдап... Түнкү жарышта чуркаган жөө күлүктөр. Видео

231
(жаңыланган 01:16 20.06.2021)
Бүгүн спорт ышкыбоздору үчүн чоң майрам болду. Борбор калаада жыл сайын өтүүчү Toyboss Night Run 2021 жарышы өтүп, көпчүлүккө жагымдуу маанай тартуулады.

Жарыш 5, 10 жана 21,1 чакырымдык үч дистанцияда өттү. Кечки саат 9да башталган иш-чараны эң узак аралыкка чуркоочулар баштап берди. Жаңырган музыка, жолду бойлой суу, банан сунуштап турган уюштуруучулар жөө күлүктөргө дем берип, колдоо көрсөтүп жатышты.

Күндүн көзү бузулуп, жаан жаап, күн күркүрөп, чагылгандын чартылдашы да катышуучуларга жолтоо боло алган жок.

Милиция кызматкерлери жол кыймылын тескеп турса, жөө күлүктөрдүн саламаттыгына кооптуулук жаралып калса деп тез жардам унаасы да нөөмөттө болду.

Марага келген ар бир катышуучу медаль тагынды.

231
Белгилер:
Бишкек, жөө күлүк, жарыш
Тема боюнча
Бишкекте түнкү жарыш старт алды. Сүрөт
Бишкектеги Чыңгыз Айтматов көчөсүндө жайгашкан көп кабаттуу үйлөр. Архивдик сүрөт

Дүйшөмбүгө карата аба ырайы

0
(жаңыланган 21:04 20.06.2021)
21-июнга караган түнү республиканын тоолуу райондорунда өткүн өтүп, күн күркүрөшү, бийик тоолуу райондордо кар жаашы күтүлөт. Баткен, Талас облустарында жана өлкөнүн дыйканчылык аймактарында күн ачык болот.

БИШКЕК, 20-июн. — Sputnik. Дүйшөмбүдө тоо этектеринде жана тоолуу райондордо өткүн өтүп, күн күркүрөшү, бийик тоолуу райондордо кар жаашы ыктымал. Өрөөндөрдө жана дыйканчылык аймактарда жаан-чачын болбойт. Бул тууралуу Кыргызгидромет маалымдады.

Маалыматка ылайык, батыштан соккон шамалдын ылдамдыгы секундасына 4-9 метрден 15-20 метрге чейин жетет.

Абанын температурасы Чүй өрөөнүндө +26...+31, Ош, Жалал-Абад, Баткен облустарында +28...+33, Талас жергесинде +31...+36, Ысык-Көлдө +19...+24, Нарын аймагында +18...+23 градус болору айтылды.

Термометрдин көрсөткүчү Бишкекте +29...+31, Ош калаасында +33...+35, ал эми Чолпон-Ата шаарында +20…+22 градуска чейин жетет.

0
Белгилер:
аба ырайы, Кыргызстан, июнь
Тема боюнча
Маал-маалы менен өткүн өтүп турат. Бир жумага карата аба ырайы