Футбол сулуусу - 2019 сынагынын жеңүүчүсү Гаухар Мурзалиева

Ондогон кыздын ичинен "Футбол сулуусу" аныкталды. Сүрөт

327
(жаңыланган 10:36 13.06.2019)
Жалпысынан он кыз катышса, финалда үчөө ат салышты.

БИШКЕК, 13-июн. — Sputnik. "Футбол сулуусу - 2019" сынагынын жеңүүчүсү Гаухар Мурзалиева болгондугун КРдин Футбол федерациясынын кабарлашты.

Конкурс кечээ аяктады.

Жеңүүчүлөр добуш берүүнүн жыйынтыгы менен аныкталды. Ал аталган федерациянын социалдык тармагында уюштурулган.

Эми Мурзалиева КРдин Футбол федерациясынын атынан эл аралык иш-чараларга катышып, сүрөттөргө жана видеолорго тартылмакчы.

Жалпысынан он кыз катышса, финалда үчөө ат салышты.

Федерациядан жеңүүчү туурасында толук маалымат жакында боло турчу сыйлоо учурунда берилерин айтышты.

327
Белгилер:
Футбол сулуусу, Кыргызстандын футбол федерациясы, Кыргызстан
Тема боюнча
Жашы өткөн сайын ачылып... Сулуулук сынагына катышкан келиндердин парады
"Футбол сулуусу" Нарис жолдошу жана балдары менен топ тепти. Видео
Спортчу Денис Петрашов. Архивдик сүрөт

11 медаль. КРдин сууда сүзүү боюнча улуттук командасы Өзбекстандан жемиштүү кайтты

84
(жаңыланган 14:46 30.11.2020)
Спортчулардын ичинен Елизавета Рогожникова менен Рамазан Омаров Кыргызстандын да рекордун жаңылаган.

БИШКЕК, 30-ноя. — Sputnik. Кыргызстандын сууда сүзүү боюнча улуттук курама командасы сууда сүзүү боюнча лицензиялык Өзбекстандын ачык кубогунан 11 медаль менен кайтты. Бул туурасында Жаштар иши, дене тарбия жана спорт боюнча мамлекеттик агенттиктен кабарлашты.

Төрт спортчу ошентип үч алтын, беш күмүш, үч коло медалга ээ болгон.

Мелдешке 300 адам катышса, алардын ичинен алтоо Кыргызстандан болгон. Алардан сырткары, чет өлкөлөрдүн ичинен Чехиядан келген жана жергиликтүү сууда сүзүүчүлөр катышкан.

Кыргызстандык спортчулардын көрсөткөн жыйынтыгы:

Денис Петрашов

  • Брасс түрүндө 50 метр — алтын медаль;
  • Брасс түрүндө 100 м — алтын медаль;
  • Брасс түрүндө 200 м — коло медаль;

Елизавета Рогожникова

  • Чалкасынан сүзүү 200 м — алтын медаль;
  • Чалкасынан сүзүү 100 м — күмүш медаль;
  • Чалкасынан сүзүү 50 м — күмүш медаль, Кыргызстандын рекорду;
  • Комплекстүү сүзүү 200 м — күмүш медаль.

Рамазан Омаров

Эркин стиль 1500 м — күмүш медаль;

Эркин стиль 800 м — күмүш медаль, Кыргызстандын рекорду.

Тенгиз Тюбеев

  • Эркин стиль 1500 м — коло медаль.

Белгилей кетсек, Кубок 2020-жылдын 24-ноябрында Ташкент шаарында (Өзбекстан) старт алып, 29-ноябрда аяктаган.

84
Белгилер:
ийгилик, медаль, сууда сүзүү, Өзбекстан, Кыргызстан
Тема боюнча
Энем кыргыз! Азиядан КРге алтын медаль алып келген Будажаповдун видеосу

Месси "Осасунага" киргизген голун Марадонага арнады. Видео

215
(жаңыланган 10:18 30.11.2020)
Месси бир мезгилдерде Марадона кийип ойногон "Ньюэллс Олд Бойз" клубунун 10-номердеги футболкасын кийип алганын көрсөттү.

"Барселона" клубунун чабуулчусу Лионель Месси "Осасунанын" дарбазасына киргизген голун Диего Марадонага арнады. Бул тууралуу Р-Спорт жазып чыкты.

Месси беттештин 73-мүнөтүндө гол киргизип, урмат көрсөткөн. Каталондуктардын капитаны бир мезгилдерде Марадона кийип ойногон "Ньюэллс Олд Бойз" клубунун 10-номердеги футболкасын кийип алганын көрсөттү.

"Барселона" менен "Осасунанын" беттеши 4:0 эсеби менен талаа ээлеринин пайдасына аяктады. Месси төртүнчү голду киргизген.

1986-жылдагы дүйнө чемпиону Диего Марадона өткөн шаршембиде 60 жаш курагында көз жумган. Футболчу 1993-жылы аргентиналык "Ньюэллс Олд Бойз" клубунун намысын коргогон. Месси да өз кезегинде аталган клубдун академиясында тарбияланып, 2000-жылы "Барселонага" өткөн.

215
Белгилер:
эскерүү, Диего Марадона, Лионель Месси, футбол
Тема боюнча
Кароосуз калтырган. Марадонанын дарыгери анын өлүмүнө күнөөлөнүп жатат
Өз тажиямда эмне дээр элем... Марадонанын эски видеосу желдей тарады
Премьер-министрдин милдетин аткарып жаткан Артем Новиков ШКУга мүчө мамлекеттердин өкмөт башчыларынын 19-кеңешмеси учурунда

Оор жүктөрдү үзгүлтүксүз ташууну жакшырталы. Новиков ШКУ жыйынында маселе көтөрдү

0
(жаңыланган 22:31 30.11.2020)
Новиков ШКУга мүчө-мамлекеттерге Кыргызстанга COVID-19га каршы күрөштө көрсөткөн көмөгү үчүн ыраазычылык билдирген.

БИШКЕК, 30-ноя. — Sputnik. ШКУ өлкөлөрүнүн ортосунда санитардык-эпидемиологиялык талаптарды сактоо менен оор жүктөрдүн үзгүлтүксүз ташылышына шарттарды түзүү жана көзөмөл өткөрүү жайларынын толук кандуу иштеши маанилүү. Бул тууралуу премьер-министрдин милдетин аткарып жаткан Артем Новиков ШКУга мүчө мамлекеттердин өкмөт башчыларынын 19-кеңешмесинде айткандыгын маалымат кызматы билдирди.

Жыйын видеоконференция форматында өткөн.

"Кыргызстан өлкөлөр ортосундагы товар алмашууда "жашыл коридор" механизмин пайдаланууну кеңейтүү жолу менен көзөмөл-өткөрүү жайлары аркылуу жүк ташуучу автотранспорттордун кирип-чыгуу тартибин, процедурасын жөнөкөйлөштүрүүнү кароону сунуштайт", — деген Новиков.

Мындан тышкары, премьердин милдетин аткаруучу санариптик технологияларды, анын ичинде электрондук соода жүргүзүүнү өнүктүрүүнүн маанилүүлүгүн белгилеген.

Бул ШКУ өлкөлөрүнүн экономикасынын жогорулашына жана уюм алкагындагы толук кандуу санариптик күн тартипти ишке ашырууда кошумча түрткү болуп бере аларын айткан.

Новиков сөзүн жыйынтыктап жатып, кыйын кырдаалда өз ара колдоо көрсөтүү жакшы коңшулук мамилеге жана жалпы кызыкчылыкка жооп берерин айткан.

"Учурдагы негизги нерсе ─ калктын денинин сактыгы, социалдык-экономикалык туруктуулуктун сакталышы жана жарандарыбыздын эртеңки келечегине ишеними", — деген премьер-министрдин милдетин аткаруучу.

Ошондой эле ал ШКУга мүчө-мамлекеттерге Кыргызстанга COVID-19га каршы күрөштө көрсөткөн көмөгү үчүн ыраазычылык билдирген.

0
Белгилер:
жыйын, Артем Новиков, ШКУ, Кыргызстан
Тема боюнча
Путин: бүгүнкү ШКУ саммитинде өтө маанилүү документтерге кол коюлат
Садыр Жапаров ШКУ өлкөлөрүнүн лидерлерине КРдеги шайлоо таза өтөрүн айтты