Достук кубогу: алгачкы беттеште Оштун командасы анжияндыктарды утуп алды

"Достук кубогу": алгачкы беттеште Оштун командасы анжияндыктарды утуп алды

106
(жаңыланган 10:59 26.06.2019)
Аталган турнир 2019-жылдын октябрь айында жыйынтыкталат.

ОШ, 26-июн. — Sputnik. Ош облусунун өспүрүмдөрдөн куралган "Мөл булак" командасы футбол боюнча "Достук кубогу" турниринин алгачкы оюнунда Өзбекстандын Анжиян облусунан келген "Бостон" командасын 3:0 эсебинде жеңди. Бул тууралуу Эл аралык футбол федерациясынын калысы Бахадыр Кочкаров Sputnik Кыргызстан агенттигине билдирди.

  • Кыргызстанская детская команда Мол булак обыграла узбексий Бостон на турнире по футболу Кубок дружбы в Оше
    Ош облусунун өспүрүмдөрдөн куралган "Мөл булак" командасы футбол боюнча "Достук кубогу" турниринин алгачкы оюнунда Өзбекстандын Анжиян облусунан келген "Бостон" командасын 3:0 эсебинде жеңди
    © Sputnik / Зульфия Тургунова
  • Кыргызстанская детская команда Мол булак обыграла узбексий Бостон на турнире по футболу Кубок дружбы в Оше
    Кечээ, 25-июнь күнү, Ноокат районунун Кыргыз-Ата айылындагы борбордук стадиондо футбол боюнча Кыргызстан менен Өзбекстандын өспүрүмдөрдөн куралган командаларынын ортосунда "Достук кубогу" турниринин алгачкы оюну өткөрүлдү
    © Sputnik / Зульфия Тургунова
  • Кыргызстанская детская команда Мол булак обыграла узбексий Бостон на турнире по футболу Кубок дружбы в Оше
    Турнирге Өзбекстандын Анжиян, Фергана, Кокон, Наманган облустарындагы футбол мектептеринин окуучуларынан түзүлгөн командалар келди
    © Sputnik / Зульфия Тургунова
  • Кыргызстанская детская команда Мол булак обыграла узбексий Бостон на турнире по футболу Кубок дружбы в Оше
    Алгачкы беттештин жыйынтыгында жеңиш анжияндыктар менен оюн талаасына чыккан Оштун "Мөл булак" командасына буюрган.
    © Sputnik / Зульфия Тургунова
1 / 4
© Sputnik / Зульфия Тургунова
Ош облусунун өспүрүмдөрдөн куралган "Мөл булак" командасы футбол боюнча "Достук кубогу" турниринин алгачкы оюнунда Өзбекстандын Анжиян облусунан келген "Бостон" командасын 3:0 эсебинде жеңди

Анын айтымында, кечээ, 25-июнь күнү, Ноокат районунун Кыргыз-Ата айылындагы борбордук стадиондо футбол боюнча Кыргызстан менен Өзбекстандын өспүрүмдөрдөн куралган командаларынын ортосунда "Достук кубогу" турниринин алгачкы оюну өткөрүлдү.

Турнирге Өзбекстандын Анжиян, Фергана, Кокон, Наманган облустарындагы футбол мектептеринин окуучуларынан түзүлгөн командалар келди.

Алгачкы беттештин жыйынтыгында жеңиш анжияндыктар менен оюн талаасына чыккан Оштун "Мөл булак" командасына буюрган.

Эки өлкөнүн жаш футболчуларынын арасында "Достук кубогу" алгачкы ирет уюштурулуп жатат.

"Мелдеш 2019-жылдын 2-3-июлунда Фергана, Наманган облустарында уланып, октябрда жыйынтыкталат", — деди Кочкаров.

Ал "Достук кубогу" турниринин демилгечиси болуп саналат.

106
Белгилер:
өспүрүм, Кыргызстан, Өзбекстан, футбол
Тема боюнча
Бишкекте дзюдо боюнча эл аралык мелдеш уюштурулат
"Дордой" клубу “Алтын Асырга” жеңилди. Байматов өз дарбазасына гол киргизип алды
Джастин Гэтжи менен Хабиб Нурмагомедов беттешүү учурунда

Хабиб мыкты беттеш тартуулаганы үчүн кошумча 50 миң доллар алат

381
(жаңыланган 18:24 25.10.2020)
Бишкек убактысы менен 25-октябрга караган түнү Нурмагомедов каршылашын экинчи раундда муунтуу ыкмасы менен утуп, чемпиондук наамын сактап калды.

БИШКЕК, 25-окт. — Sputnik. Абсолюттук мушкерлер уюму (UFC) россиялык чемпион Хабиб Нурмагомедовго мыкты беттеш тартуулаганы үчүн гонорарынан сырткары бонус берет. Бул тууралуу Дана Уайт маалымат жыйынында айтканын "Известия" жазды. 

Нурмагомедов беттешкени үчүн канча сый акы алары белгисиз. Ал эми бонустун суммасы 50 миң долларды түзөт.

Хабибден тышкары ушунча акчаны молдовалык Ион Куцелабаны нокаутка кетирген россиялык Магомед Анкалаев дагы алмакчы.

Макгрегор эзелки атаандашы Нурмагомедовдун Гэтжи менен беттеши боюнча үн катты

Бүгүн түнү Нурмагомедов каршылашын экинчи раундда муунтуу ыкмасы менен утуп, чемпиондук наамын сактап калды. Хабиб бул анын акыркы кармашы болгонун жар салды. Мындай убадасын апасына атасы Абдулманап Нурмагомедов каза болгондон кийин бергенин айтты.

381
Белгилер:
сый акы, бонус, беттешүү, Хабиб Нурмагомедов, UFC
Тема боюнча
Хабиб менен Гэтжи беттешкен UFC 254 турниринин эң кызуу ирмемдери. Видео
Ирландиялык мушкер Конор Макгрегор. Архив

Макгрегор эзелки атаандашы Нурмагомедовдун Гэтжи менен беттеши боюнча үн катты

677
(жаңыланган 13:34 25.10.2020)
Эки жыл мурда ирландиялык мушкер россиялык Нурмагомедовго утулуп калган. Макгрегор ага көп ирет сын айтып жүрүп, кийинчерээк сый мамилеге өткөн.

БИШКЕК, 25-окт. — Sputnik. Ирландиялык мушкер Конор Макгрегор UFC 254 турниринин алкагындагы Хабиб Нурмагомедов менен Жастин Гэтжинин кармашын мыкты деп атады.

Бүгүн түнү Нурмагомедов каршылашын экинчи раундда муунтуу ыкмасы менен утуп, чемпиондук наамын сактап калды.

​"Мыкты кармаш. Мен сенин ишиңди улантам. Дагы бир ирет атаңа сый-урматымды билдирип, жакындарыңа жана сага көңүл айтам", — деп жазган Макгрегор Twitter баракчасына.

Нурмагомедов октагонго чыгарына үч жума калганда бутун сындырып алган

Эске салсак, 2018-жылы ирландиялык мушкер Нурмагомедовго утулуп калган. Анда дагы россиялык спортчу муунтуу ыкмасын колдонуп жеңип алган. Ошондон бери Макгрегор ага социалдык тармактан көп ирет сын айтып жүрүп, кийинчерээк сый мамилеге өткөн.

Хабиб бел курун сактап калгандан кийин бул анын акыркы кармашы болгонун жар салды. Бул убаданы апасына атасы Абдулманап Нурмагомедов каза болгондон кийин бергенин айтты.

677
Белгилер:
беттешүү, Конор Макгрегор, Жастин Гэтжи, Хабиб Нурмагомедов, UFC
Тема боюнча
Карьерасын жыйынтыктаган Нурмагомедов алдыдагы пландарын айтты
Айыл чарба министри Тилек Токтогазиев. Архив

Тилек Токтогазиев Айыл чарба министрлигиндеги көйгөйлөрдү ачыктады

271
(жаңыланган 00:23 26.10.2020)
Министрдин айтымында, ведомство Советтер Союзунан бери өзгөрбөгөндөй сезим калтырган. Анда керек болсо жылуулук жок экенин белгилеген.

БИШКЕК, 26-окт. – Sputnik. Айыл чарба министрлигинде жаңыланууну талап кылган нерселер көп экен. Бул тууралуу министр Тилек Токтогазиев өзүнүн Facebook баракчасы аркылуу түз эфирге чыгып билдирди. 

Ал кыска мөөнөттүн ичинде өзгөртүүлөрдү жасап, анда иштеп жаткан адистерге жакшыраак шарт түзүп берүүгө аракет жасай турганын белгиледи.

35 жашка чыкпай жогорку кызматты ээлеген аткаминерлер. Тизме

“Башка министрликтерге салыштырмалуу бул жактын айлыгы аз экен. Жакшы адистерге жакшы маяна төлөп бергидей кылышыбыз керек. Иштөө шарттары дагы начарыраак экен, мисалы жылуулук жок, суук. Ушунун баарын акырындык менен ордуна алып келебиз. Документтердин бардыгы кагаз түрүндө экен. Аны электрондук форматка өткөрүү зарыл”, - деди министр.

Токтогазиев кагаздар электрондук форматка өтсө ички процесстер, дыйкандарга кызмат көрсөтүүлөр батыраак жүрөрүн кошумчалады. Ал ошондой эле министрликте 888 киши иштей турганын, жалпы ведомство текшерилсин деген буйрук чыгарганын белгиледи.

“Азыр биз аудит баштадык. Жалпы министрлик текшерилсин деп Эсептөө палатасына кат менен кайрылдык. Бүт агенттиктер менен департаменттер текшерилет. Функционалдык анализ жүргүзүлүп, кайсы позициялар керек, кайсылары кереги жок экени аныкталат. Себеби бири-бирин кайталап калган штаттар болушу мүмкүн. Аларды кыскартууга туура келет”, - деди Токтогазиев.

Эң жаш министр алдыда чоң реформаларды жасоо ниети бар экенин кошумчалады.

271
Белгилер:
реформа, көйгөй, Тилек Токтогазиев, Айыл чарба жана мелиорация министрлиги
Тема боюнча
Тилек Токтогазиев жыйын өткөрүп, министрликтеги ишин эмнеден баштаарын айтты