UFC чемпиону Аманда Нуньес атаандашы Холли Холмду бет талаштыра жыга тээп, жеңил салмактагы категорияда титулун сактап калды

Кудум Шевченкодой! Нуньестин атаандашын бетке тепкен видеосу

1001
(жаңыланган 19:03 08.07.2019)
Кыргызстандык мушкер Валентина Шевченко дал ушундай ыкма менен Жессика Айды ай-буйга келтирбей сулаткан.

БИШКЕК, 8-июл. — Sputnik. UFC чемпиону Аманда Нуньес атаандашы Холли Холмду бет талаштыра жыга тээп, жеңил салмактагы категорияда титулун сактап калды.

Беттештин жеңиштүү мүнөттөрү аталган уюмдун Twitter-аккаунтуна жарыяланган.

Атаандаштардын кармашы UFC 239 турниринде Лас-Вегас шаарында болгон. Ал биринчи раундда эле бразилиялык спортчунун буту атаандашынын бетине "шак" дей түшкөн.

​Жыйынтыгында Нуньес жеңүүчү болгон.

Эскерте кетсек, Кыргызстандык спортчу кыз Валентина Шевченко дал ушундай ыкма менен Жессика Айды ай-буйга келтирбей сулаткан. Муну менен UFC уюмунун 57 килограмм салмактагы чемпиондук наамын коргоп калган. Бул нокаут социалдык тармакта кеп-сөз болуп, негизинен спортчу кыздын ыкмасына суктангандар арбыган.

​Ошондон бери ал "Нуньес менен бүтө элек иши" бар экендигин айтып келет. Жакында эле бразилиялык мушкер Нуньес Валентина Шевченко менен жеңил салмактагы категорияда титулун коргогон кармаш өткөрүү туурасында сөз кылган.

1001
Белгилер:
нокаут, Валентина Шевченко, Аманда Нуньес, UFC, Лас-Вегас, АКШ
Тема боюнча
Шевченко июлда эле кайра беттешке чыгышы мүмкүн. Атаандашы ким
Кыргызстандык футболчу Гүлжигит Алыкулов. Архив

Кыргызстандык футболчу Гүлжигит Алыкулов УЕФАнын мелдешинде ойнойт

314
(жаңыланган 21:57 11.08.2020)
Гүлжигит Алыкулов өзүнүн "Кайрат" клубу менен Европа лигасы мелдешинин тандоо турунда армениялык "Ноа" командасына каршы беттешке чыгат.

БИШКЕК, 11-авг. — Sputnik. Кыргызстандын мыкты футболчусу Гүлжигит Алыкуловдун "Кайрат Алматы" (Казакстан) командасы УЕФАнын Европа лигасы мелдешинде Армениянын "Ноа" клубу менен ойнойт. Бул тууралуу казакстандык команданын расмий сайтында айтылат.

Командалар УЕФАнын Европа 2020-2021-жылдагы лигасы мелдешинин квалификациялык баскычынын алкагында кез келет. Беттеш көрүүчүлөрсүз өтөт.

УЕФА футболдук беттештери COVID-19 курмандыктарына аза күтүү менен башталат.

Оюн 27-августка белгиленип, өтүүчү орду азырынча аныктала элек.

Эскерте кетсек, Европа лигасы мелдешинин квалификациялык оюндары бир эле беттеш менен жыйынтыкталат.

"Дордой" клубунун тарбиялануучусу Гүлжигит Алыкулов ушул жылдын башында эки жылдык келишим менен Казакстандын "Кайрат" клубуна өткөн. Буга чейин Түркиянын "Анталья спор" командасында ойноп келген.

Ал өткөн жылы Кыргызстандын "Мыкты футболчусу" деп табылган.

314
Белгилер:
Европа лигасы, футбол
Тема боюнча
Түркияда ойногон кыргызстандык жаш футболчу эл аралык сыйлыкка татыды
Шоро премьер-лигасынын беттештеринде тең чыгышты. Күйөрмансыз оюндар
Кесипкөй бокстун мурдагы дүйнө чемпиондору Майк Тайсон. Архив

Майк Тайсон менен Рой Жонстун беттеши ноябрга жылды

86
(жаңыланган 12:42 10.08.2020)
Беттеш кирешени көбөйтүү максатында Тайсондун командасынын демилгеси менен жылдырылган. Жонс да буга макулдук берген.

БИШКЕК, 10-авг. — Sputnik. Кесипкөй бокстун мурдагы дүйнө чемпиондору Майк Тайсон менен Рой Жонстун беттеши 28-ноябрга жылдырылды. Бул маалыматты The Ring журналына таянып РИА Новости жазды.

8 раундга белгиленген беттеш буга чейин 12-сентябрда Калифорнияда болору айтылган.

Маалыматта беттеш трансляциядан түшүүчү кирешени көбөйтүү максатында Тайсондун командасынын демилгеси менен жылдырылганы айтылат. Ал арада Жонс да Тайсондун өкүлдөрү менен жолугушуудан соң макулдук берген.

Макгрегордун Пакьяого беттешке чыгуу ниетине UFC башчысы эмне деди? Видео

Апрель айынын соңунда Темир Майк кайрымдуулук үчүн рингге чыгууга даяр экенин жар салган болчу. Тайсон акыркы жолу 2005-жылдын июнь айында ирландиялык Кевин Макдрайт менен беттешке чыгып, жеңилүү ызасын тарткан.

54 жаштагы Майк Тайсон 58 жолу рингге чыккан. 50 атаандашын жеңген, анын 44үн нокаут менен уткан. Алты жолу утулган. Эки беттеш өтпөй калган. Ал кесипкөй бокстун Дүйнөлүк мушкерлер кеңеши, Дүйнөлүк бокс ассоциациясы жана Эл аралык бокс федерациясынын версиясы боюнча дүйнөнүн абсолюттук чемпиону болгон.

Атаандашы Россиянын жарандыгын алган америкалык мушкер, дүйнөнүн экс-чемпиону Рой Жонс 50 жашта. Ал 2018-жылы карьерасын жыйынтыктаган. Спорттук жолунда Жонс 66 беттешин уткан. Анын ичинде 47 атаандашын нокаут менен жеңген. Тогуз жолу утулган.

86
Белгилер:
беттешүү, бокс, Рой Жонс, Майк Тайсон
Тема боюнча
54 жаштагы Тайсон машыгууда укмуштуудай реакциясын көрсөттү. Видео
Атактуу Майк Тайсон менен Рой Жонс беттеш өткөрүүнү көздөп жатат
Уйлар. Архив

Ош: күйдүргү чыккан уй эмделбегени үчүн ветеринарлар жазаланды

0
(жаңыланган 18:29 12.08.2020)
Учурда Ош облустук ооруканасында күйдүргүгө шектелип жети киши жатат, ал эми бир адамдан илдет тастыкталган. Оору очогу болгон айыл карантинде.

БИШКЕК, 12-авг. — Sputnik. Кара-Суу районуна караштуу Папан айыл өкмөтүнүн Тогуз-Булак айылында союлган уйдан күйдүргү тараганына байланыштуу эки тарап жазаланды. Бул тууралуу Sputnik агенттигине айыл өкмөттүн башчысы Курманбек Мияшев билдирди.

Анын айтымында, ооруга себепкер болгон уй убагында эмделбегени үчүн Кара-Суу районунун Беш-Мойнок ветеринардык сервисине айып тагылды. Себеби уй ошол жакта багылган, ал эми Тогуз-Булак айылына жай мезгилинде убактылуу алып келинип, малчылар карап жаткан. Ошондой эле аны сойгон кишиге дагы айып салынган.

"Малды убагында эмдеп турушу керек болчу, бирок бул иш аткарылган эмес. Учурда ошол оорулуу уйдун эти чогултулуп, териси, кыгы эпидемиологдордун көрсөтмөсү боюнча көмүлдү. Эки миңден ашуун мал жандык күйдүргү оорусуна каршы эмделди", — деди Мияшев.

Тогузбаева: шарп, кутурма, күйдүргү — адам өмүрү үчүн да кооптуу

Эске сала кетсек, 11-августта Ош шаарынын Кара-Суу районундагы Тогуз-Булак айылында күйдүргүгө шектелгендер болуп жатканы маалымдалган. Ош облустук клиникалык ооруканасы 2-августтан тарта сегиз бейтап түшкөнүн билдирген. Кийинчерээк бир кишиден күйдүргү оорусу лабораториялык жактан тастыкталып, Тогуз-Булак айылы карантинге алынган.

Учурда оорунун очогундагы тургундардын күн сайын дене табы өлчөнүп, медициналык байкоо жүргүзүлүп жатат. Ал эми уйдун этин жеген 288 кишиге ооруну алдын алуу үчүн атайын дары-дармектер берилүүдө.

Ошондой эле илдет чыгышы мүмкүн деген жерлер дезинфекцияланып жатат.

 

0
Белгилер:
уй, эмдөө, оору, ветеринария, күйдүргү, Тогуз-Булак, Кара-Суу району, Ош облусу
Тема боюнча
Оштун Кара-Суусунда сегиз киши күйдүргүгө шектелип ооруканага түштү
Күйдүргү: Кара-Суунун Тогуз-Булак айылына карантин киргизилди