Көк бөрү оюнчулары. Архив

Кикбоксчу рингде жан берип, улакчылар мушташып... Кыргыз спортундагы чуулар

2508
(жаңыланган 10:15 23.07.2019)
Чет элдик ЖМКлардан спорттук турнирлер күтүлбөгөн кырсык, массалык мушташ же башка жагымсыз окуялар менен коштолгон учурларын көрүп жүрөбүз. Көз жүгүртө келгенде кыргыз спортунда деле мындай нерселер болуп турат экен.

Маселен, кечээ, 21-июнда, Бишкектеги "Жеңиш" аянтында дрифт боюнча Gradus Cup аталышындагы чемпионат өткөрүлмөк. Бирок ачылыш аземине аз калганда Toyota Mark I автоунаасынын айдоочусу рулду башкара албай, элди көздөй күү менен кирип кеткен. Кырсыктан беш киши жабыркап, экөө ооруканага жеткирилди.

Милиция кырсыкты Кылмыш жана жоруктардын бирдиктүү реестрине каттап, автоунааны айып короого киргизген. Окуядан кийин мэриядан дрифт өңдүү турнирлерге тыюу салуу пландалып жатканын айтышты.

Мындан улам Sputnik Кыргызстан маалымат агенттиги акыркы жылдары чуу менен коштолуп өткөрүлгөн спорттук турнирлерди тизмектеди.

Чет элдик спортчулар ууланган

Былтыр 8-12-май күндөрү Ысык-Көлдүн Чолпон-Ата шаарында кикбокс боюнча Азия чемпионаты өтүп, анда 20га чукул өлкөнүн спортчулары күч сынашкан.

Мелдеш башталган күнү Саламаттык сактоо министрлиги Ысык-Көлдөгү "Аврора" санаторийинде 18 киши ууланганын билдирген. Редакция Кикбокс федерациясынын президенти Александр Воинов менен байланышканда, уулангандардын арасында турнирге келген жети мушкер бар экендигин маалымдаган. Алардын бири Ирандын, алтоо Бириккен Араб эмирлигинин жараны болчу.

Санаторийде берилген тамактардын үлгүлөрү алынып, экспертизага жөнөтүлгөн. Бул нерсенин айынан ууланган спортчулардын айрымдары мелдешке катыша албай калган.

Жетекчи 20 миң долларга сынып...

2015-жылы 14-мартта Кулатуу эр таймаш (WEF) федерациясы кезектеги турнирин баштайын деп турганда белгисиз киши коңгуроо кагып, Спорт ордосуна жардыргыч зат коюлганын билдирген. Дүрбөлөңдөн улам таймаш токтотулуп, күч кызматкерлери бомбаны жана ал тууралуу кабар берген адамды издей баштаган. Аягында шектүү кармалып, ал жөн эле "ойноп" чалып койгонун билдирген. Эр таймаш эртеси күнү уланып, тартип сакчыларынын тыкыр көзөмөлүндө өткөрүлгөн.

WEF федерациясынын жетекчиси редакцияга берген маегинде өтпөй калган турнирдин чыгымы 20 миң долларга чукулдаганын айтып берген.

Волейбол калысы токмок жеген

Кыргызстандын волейбол боюнча быйылкы чемпионатында да чуулуу окуя болду. Тагыраагы, борбордогу Кожомкул атындагы Спорт сарайындагы мелдеште "Жаңы Муун" командасы "Сулайман Тоо" клубун 3:0 эсебинде утуп алат. Оюндун жыйынтыгына нааразы болгон күйөрмандар тополоң чыгарышкан. Беттеш талаасын аралап, түртүшүп, бирөө реферини арттан туруп башка чапканга дагы үлгүргөн.

Натыйжада федерация жеңилип калган "Сулайман тоо" клубунун машыктыруучусун оюндан убактылуу четтетип, командаларды элдештирген.

Көк бөрүчүлөр мушташып...

Быйыл Жеңиш күнүнө карата Чолпон-Ата шаарында өткөн республикалык көк бөрү мелдешинде улакчылар мушташа кетишкен. Тагыраагы, оюн учурунда "Достуктун" оюнчусу Манас Ниязов менен "Сары-Өзөн" командасынын улакчысы Нурбек Юсуповдун ортосунда чыр чыккан.

УКМК кызматкерлери. Архив
© Пресс-служба президента КР / Султан Досалиев
Андан соң экөө оюн талаасынан четке чыгып, аттан түшүп бири-бирин койгулап, мушташа баштаган. Башка улакчылар да аралашып, калыстар арачалап экөөнү ажыраткан. Жаңжалдын чыгышына Манас Ниязов улакты эңип жатканда атаандашынын капталдан келип урдурганы себеп болушу мүмкүн экендиги айтылган.

Көп өтпөй Манас Ниязов ("Достук") Нурбек Юсупов ("Сары-Өзөн") менен элдешкенин Sputnik Кыргызстан маалымат агенттигине тастыктаган.

Рингден жан берген өспүрүм

Былтыр августта Токмок шаарында өтүп жаткан кикбокс боюнча мелдеште 14 жаштагы бала өзүн жаман сезип, андан соң көз жумган. Маалыматты Sputnik Кыргызстан маалымат агенттигине Кикбокс федерациясынын президенти Александр Воинов тастыктап берген.

Каза болгон бала Оштон келген. Анын ден соолугуна байланыштуу рефери беттешти 15 секунддан кийин эле токтоткон. Тез жардам кызматы келип жардам көрсөткөн, бирок бала ага карабай көз жумган. Көп өтпөй медиктер өспүрүмдүн мээсине кан куюлуп кеткенин айтышкан.

Воинов өспүрүмдүн атасы федерацияга эч кандай доо артпаганын жана милицияга арыз жазбаганын айткан.

"Алга" менен "Алайдын" жаңжалы

Былтыр Кант шаарында өткөн футбол боюнча КРдин чемпионаты учурунда Бишкектин "Алга" футбол клубу менен Оштун "Алай" командасынын ортосунда жаңжал чыкканы тууралуу маалымат тараган. Анда "Алайдын" чабуулчусу Алия Силла менен коргоочусу Шухрат Рахмонов сабалганы айтылган.

Чүй облустук милициясы оюндан кийин эки команданын оюнчулары ортосунда чыр чыкканын тастыктаган.

"Алганын" маалымат кызматы мушташ "Алай" клубунун гвинеялык чабуулчусу Алиа Силланын айынан чыкканын билдирип, чырга аталган команда оюнчуларынын тиешеси жоктугун маалымдаган.

Көп өтпөй Футбол федерациясынын дисциплинардык комитети эки команданын ортосундагы окуя боюнча чечим чыгарып, айрымдарын оюндан, калыстык кылуудан убактылуу четтеткен.

2508
Белгилер:
мушташ, кырсык, Жаңжал, турнир, Көк бөрү, футбол, спорт, Кыргызстан
Тема боюнча
"Рус - красавчик!". Кыргыз жигит уурулар токмоктогон кишини сактап калдыбы? Видео
ИИМ: Руслан Абасовдун жубайына министр калп айткан эмес, шектүү бар
Кыргызстандан чыккан UFC мушкери Валентина Шевченко. Архив

Шевченко Tapology версиясы боюнча эң мыкты 100 мушкердин катарына кирди

59
(жаңыланган 12:59 06.08.2020)
Жалпысынан рейтингге 224 спортчу киргизилген. Арасында карьерасын эбак жыйынтыктап, бирок эл оозунда айтылып келе жаткандар дагы бар.

БИШКЕК, 6-авг. — Sputnik. Кыргызстандан чыккан UFC мушкери Валентина Шевченко Tapology спорттук басылмасынын версиясы боюнча эң мыкты 100 мушкердин катарына кирди. Толук тизме порталдын сайтына жүктөлдү.

Жаңыртылган маалымат боюнча, Шевченко 58-орунду ээлеп турат. Жалпысынан рейтингге 224 спортчу киргизилген. Арасында карьерасын жыйынтыктаган атактуу спортчулар дагы бар. Аларга бааны ММА сүйүүчүлөрү берген.

Аралаш мушташ тарыхында эң мыкты мушкер деп канадалык Жорж Сен-Пьер табылган. Ал UFC уюмунда эки салмак категория боюнча чемпион болгон. Экинчи сапты учурда орточо оор (93 килограмм) салмакта бел курду тагынып турган америкалык Жон Жонс ээлеген. Үчүнчүгө мурдагы чемпион, бразилиялык белгилүү мушкер Андерсон Силва илинген.

Төртүнчү орунга UFC уюмундагы чемпиондук наамын бир нече жылдар бою коргоп келип, азыр башка компания менен иштешкен Деметриус Жонсон, ал эми бешинчиге россиялык Федор Емельяненко жайгашкан.

Валентина Шевченконун титулун кантип коргой турганы маалымдалды. Видео

UFC уюмунун учурдагы чемпиону Хабиб Нурмагомедов сегизинчи орунга, анын эзелки атаандашы, мурда эки салмак категориясында бел курду тагынып турган ирландиядык Конор Макгрегор 17-орунга татыган.

Кыз-келиндердин арасында бразилиялык Аманда Нуньес лидер болгон. Ал 20-сапка илинсе, UFC уюмунун аялдар арасындагы алгачкы чемпиону Ронда Роузи 44-орунга жайгашкан.

59
Белгилер:
мушкер, рейтинг, Валентина Шевченко, UFC
Тема боюнча
Шевченко: Нуньес мен көздөгөн акыркы атаандаш
Кыргызстандык мушкер Рафаэль Физиев. Архив

Кубанып турам! Кыргызстандык Физиев UFC уюму менен келишимин жаңыртты

128
(жаңыланган 20:11 05.08.2020)
Аралаш мушташ спортундагы эң беделдүү UFC уюмунда күчүн сынаган Физиев эми дагы төрт беттеш өткөрө алат. Андан кийинки турнирлерге катышуусу рейтингинен көз каранды деп эсептелинет.

БИШКЕК, 5-авг. — Sputnik. Кыргызстандык мушкер Рафаэль Физиев Абсолюттук мушкерлер уюму (UFC) менен келишимин узартты. Бул сүйүнүчтүү кабары менен спортчу Instagram баракчасы аркылуу бөлүштү.

Посмотреть эту публикацию в Instagram

Публикация от Rafael Fiziev (@rafael_ataman_fiziev)

Контракт боюнча Физиев уюмдун алкагында төрт беттеш өткөрөт.

"UFC уюму менен жаңы келишим түзгөнүмө кубанып турам. Жакшы бир шарттар менен төрт беттеш өткөрөм. Менин менеджерлик командама ыраазычылыгымды билдирем", — деген Физиев.

Рафаэль Физиевге UFC канча гонорар төлөп берери белгилүү болду

Белгилей кетсек, промоутерлик компания спортчу бир нече кармаш өткөргөн сайын анын келишимин узартууну же токтотууну карап чыгат. Бул мушкердин жеңиштерди камсыздап, өз рейтингине кам көргөнүнө жараша болот. 

Эске салсак, Физиевдин соңку кармашы 19-июлда Абу-Дабидеги "Мушкерлер аралында" өтүп, анда англиялык Марк Диакезини жеңип алган.

Рафаэль жалпысынан UFC уюмунда үч кармаш өткөргөн. Биринчисинде россиялык Магомед Мустафаевден жеңилип, кийин бразилиялык Алекс Уайтты утуп алган.

128
Белгилер:
турнир, мушкер, келишим, Рафаэль Физиев, UFC
Тема боюнча
Физиев жеңишинен кийин кыргызстандыктарга кайрылды. Видео
Төрага Жумабеков мушкер Физиевди UFC мелдешиндеги жеңиши менен куттуктады
Бишкек шаары. Архив

Газдаштырууну тездетели. Өкмөт Бишкектин абасын тазартуу жолдорун талкуулады

10
(жаңыланган 18:11 06.08.2020)
Кыска мөөнөттүн ичинде абага чыккан зыяндуу заттарды азайтып, аны тазалоодо конкреттүү натыйжаларга жетүү аракети каралууда.

БИШКЕК, 6-авг. — Sputnik. Өкмөттө 2020-2023-жылдарга карата Бишкек шаарынын жана Сокулук, Аламүдүн райондорунда экологиялык абалды жакшыртуу боюнча комплекстүү чаралардын планы талкууланды. Бул туурасында өкмөттүн маалымат кызматынан кабарлашты.

Отурумда "Газпром Кыргызстан" ишканасынын Бишкек шаарынын айланасындагы калктуу конуштарды газдаштыруу ишинин жүрүшү жана Бишкек ЖЭБин оңдоодо аткарылган жумуштар талкууланды. Компанияга өлкөнү газдаштыруу боюнча иштерди ылдамдатуу мүмкүнчүлүгүн карап чыгуу сунушу киргизилди.

Онлайн режиминде өткөн жыйындын катышуучулары ошондой эле борбордун от казандарын жаратылыш газына өткөрүү маселелерин талкуулаган.

Бул биздин шаар! Ыш баскан Бишкектин сүрөтү

Жыйынды өткөргөн биринчи вице-премьер  Алмазбек Баатырбеков абага чыккан зыяндуу заттарды азайтууга багытталган милдеттерди аткаруу учурдун талабы экендигин дагы бир ирет эске салган.

Күз-кыш мезгилинин жакындап келаткандыгына байланыштуу Бишкекти жана анын айланасын каптаган түтүн маселеси көйгөйлүү экени, бул өзгөчө кышында байкалганы айтылган.

"Абанын булганышы адамдын ден соолугуна жана иммунитетине терс таасирин тийгизет. Учурдагы кырдаалды эске алуу менен, жасалчу иштердин планын кайра карап чыгуу зарыл. Бюджеттин мүмкүнчүлүгүнө жараша иш-чараларды жүзөгө ашыруунун конкреттүү мөөнөттөрүн белгилөө боюнча сунуштарын айткыла. Кыска мөөнөттүн ичинде абага чыккан зыяндуу заттарды азайтып, аны тазалоодо конкреттүү натыйжаларга жетүү үчүн бардык күч-аракетти жумшоо шарт", — деген Баатырбеков.

Түндө салют атылгандан кийин Бишкектин абасы канчалык булганганы айтылды

Отурумда тармактык мамлекеттик органдарга Бишкек ЖЭБ оңдоо ишин өз мөөнөтүндө жана толук көлөмдө бүткөрүү милдеттендирилген. Зыяндуу заттардын абага ташталуу деңгээлин жана аталган объектилердеги пайдаланылган отундун сапатын тийиштүү көзөмөлдөө боюнча бир катар тапшырмалар берилген.

10
Белгилер:
ЖЭБ, газ, экология, Аламүдүн району, Сокулук, Бишкек, Кыргызстан
Тема боюнча
Бишкек чулгаган ыштан улам көрүнбөй калды. Тоодон тартылган видео