UFC Валентина Шевченконун Уругвайда болчу беттешинин проморолигин жарыялады

169
Шевченко менен Кармуштун беттеши UFC Fight Night 156 турниринин башкы кармашы болмокчу.

БИШКЕК, 10-авг. — Sputnik. UFC уюму Twitter баракчасында Валентина Шевченконун Уругвайда өтчү беттешинин проморолигин жарыялады.

Белгилей кетсек, 10-августта (Кыргызстандын убактысы боюнча 11-август) Уругвайдын борбору Монтевидео шаарында даңазалуу UFC Fight Night 156 турнири өтөт. Кыргызстандык мушкер Валентина Шевченко менен америкалык Лиз Кармуштун беттеши иш-чаранын башкы кармашы болмокчу. Мында Шевченко эң жеңил салмактагы чемпиондук курун коргойт.

Мындан тышкары, октагонго америкалык Майк Перри менен бразилиялык Висенте Люк чыгып, бул таймаш да турнирдин башкы беттешинин бири болору айтылды.

Эске салсак, Шевченко менен Кармуш 2010-жылы C3 Fights турниринде кездешкен. Анда америкалык мушкер кыз техникалык нокаут менен үчүнчү раундда жеңишке жетишкени белгилүү. Бул Шевченконун мөөнөтүнөн мурун болгон биринчи утулушу эле.

169
Белгилер:
Валентина Шевченко, беттешүү, UFC, чемпион, кур
Тема боюнча
Валентина Шевченко: Нуньес менен үчүнчү беттешибиз болбой койбос
Валентина Шевченко кезектеги атаандашын ута алабы? Букмекерлердин пикири
Антонина Шевченконун UFC турниринде канча акча тапканы белгилүү болду
UFC чемпиону Петр Ян. Архивдик сүрөт

UFC чемпиону Петр Ян кыргызстандык мушкер Рафаэль Физиевге алкыш айтты

316
(жаңыланган 09:22 14.07.2020)
Петр Ян чемпиондук кур үчүн Жозе Альдо менен болгон беттешке Рафаэль Физиев машыктыруучулук кылган Tiger Muay Thai залында даярданган.

БИШКЕК, 14-июл. — Sputnik. UFC уюмунун жеңил салмактагы чемпиону, россиялык мушкер Петр Ян кыргызстандык Рафаэль Физиевге (Атаман) жана анын командасына ыраазычылык айтты. Бул тууралуу чемпион өзүнүн Instagram баракчасына жазды.

Посмотреть эту публикацию в Instagram

Публикация от Петр "No Mercy" Ян (@petr_yan)

Ян чемпиондук кур үчүн Жозе Альдо менен болгон беттешке Tiger Muay Thai залында машыккан. Бул спорттук жайда кыргызстандык мушкер кикбоксинг боюнча машыктыруучу болуп эмгектенет.

UFC: бирин-бири аябай... Жарым жеңил салмактагы дивизиончулар беттешкен видео

Петр Ян машыгууда жардам көрсөткөндөрдүн сүрөттөрүн жарыялап, алкыш айткан.

"Бул балдарга чоң рахмат айткым келет. Алар пандемияга карабай, менин беттешке даярдануума жардам көрсөтүштү", — деп жазган ал.

27 жаштагы россиялык мушкер чемпиондук кур үчүн беттештин бешинчи раундунда атаандашын техникалык нокаут менен утуп алган.

Эскерте кетсек, кыргызстандык мушкер "Атаман" каймана аты бар Рафаэль Физиев да 18-июлда Абу-Дабиде өтүүчү UFC уюмунун турниринде англиялык Марк Диакези менен беттешке чыгат.

316
Белгилер:
Instagram, ыраазычылык, Рафаэль Физиев, Петр Ян, UFC
Тема боюнча
Россиялык дагы бир мушкер UFC чемпиону аталды. Видео
UFC: бирин-бири аябай... Жарым жеңил салмактагы дивизиончулар беттешкен видео
Башка, бетке, чыкыйга тээп... UFC беттешиндеги эсте калчу учурлардын видеосу
Россиялык мушкер Петр Ян бразилиялык Жозе Алдону жеңди

Россиялык дагы бир мушкер UFC чемпиону аталды. Видео

248
(жаңыланган 12:54 12.07.2020)
Спортчу бешинчи раундда атаандашын техникалык нокаут менен утуп алды. Анын каршылашы жарым жеңил салмактагы UFC уюмунун экс-чемпиону жана WEC версиясы боюнча аралаш мушташтын мурдагы чемпиону.

БИШКЕК, 12-июл. — Sputnik. Россиялык мушкер Петр Ян бразилиялык Жозе Алдону жеңип, жеңил салмактагылар арасындагы UFC уюмунун чемпиондук курун тагынды.

Беттеш бүгүн, 12-июлда, UFC 251 "Мушкерлердин аралында" турниринин алкагында өттү. Чемпиондук кур экс-чемпион Генри Сехудонун спорттук ишмердүүлүгүн жыйынтыкташы менен ээсиз турган.

27 жаштагы россиялык спортчу бешинчи раундда атаандашын техникалык нокаут менен утуп алды.

​"Мен беттеш оор болорун билгем. Ошол үчүн анча шашкан жокмун. Биздин максат аны чарчатып, үчүнчү раундда жигердүү чабуулга өтүү болгон", — деди жеңишке ээ болгон Петр Ян.

Посмотреть эту публикацию в Instagram

Публикация от UFC Russia (@ufcrussia)

Муну менен 27 жаштагы Ян өзүнүн карьерасында 15 жолу жеңүүчү аталып, буга чейин бир жолу утулган. Ал Хабиб Нурмагомедовдон кийин эле россиялык экинчи UFC чемпиону боло алды.

UFC: бирин-бири аябай... Жарым жеңил салмактагы дивизиончулар беттешкен видео

33 жаштагы Жозе Алдо болсо жарым жеңил салмактагы UFC уюмунун экс-чемпиону жана WEC версиясы боюнча аралаш мушташтын мурдагы чемпиону болчу. Спортчу 24 беттеш өткөрүп, алты каршылашынан утулуп калган.

248
Белгилер:
Петр Ян, чемпион, UFC, Россия
Тема боюнча
Башка, бетке, чыкыйга тээп... UFC беттешиндеги эсте калчу учурлардын видеосу
UFC: бирин-бири аябай... Жарым жеңил салмактагы дивизиончулар беттешкен видео
Кызматкерлер таштандыны алып кетип жатышат. Архив

Күндүзгү стационар жана "Гансиден" чыккан таштанды кайда ыргытылат? ӨКМдин жообу

0
(жаңыланган 00:43 15.07.2020)
Социалдык тармак колдонуучулары стационарлардан, анын ичинде "Ганси" авиабазасынан чыккан медициналык таштандылар кайда ыргытыларына кызыгышкан.

БИШКЕК, 15-июл. — Sputnik. Бишкектеги күндүзгү стационар жана "Семетей" обсервациясынан (мурдагы "Ганси" авиабазасы) чыккан медициналык таштандыны жеке менчик компаниялардын бири чогултуп, ташып кетип жок кылат. Бул тууралуу ӨКМ маалымат кызматы кабарлады.

Буга чейин социалдык тармактын колдонуучулары стационарлардан, анын ичинде "Ганси" авиабазасынан чыккан медициналык таштанды кайда ыргытыларына кызыгышкан.

"Мындай иш-чаралар Республикалык штабдын тапшырмасы, Жугуштуу ооруларды алдын алуу департаменти, Санитардык жана эпидемиологиялык көзөмөл борборунун сунушу менен жүргүзүлүп жатат. "Семетей" обсервациясындагы медициналык таштандыларды чогултуу, алып кетүү жана кайра иштетүүдө санитардык-эпидемиологиялык талаптар аткарылууда", — деп айтылат маалыматта.

ӨКМ элди такталбаган маалыматты тараптоого чакырды.

0
Белгилер:
тазалоо, таштанды, ӨКМ, Кыргызстан
Тема боюнча
Бишкекте түнкү стационарлар бейтаптарды кабыл ала баштады. Сүрөт