UFC уюмунун чемпиону Валентина Шевченко. Архив

Валентина Шевченко Лиз Кармушту жеңгени үчүн канча акы алганы маалым болду

2459
(жаңыланган 12:30 13.08.2019)
Бул турнирде Шевченко баарынан көп сый акы алган.

БИШКЕК, 13-авг. — Sputnik. UFC уюмунун чемпиону Валентина Шевченко UFC Fight Night 156 турниринде каршылашы Лиз Кармушту жеңгени үчүн жалпы жонунан 260 миң доллар алган. Бул тууралуу Sports Daily басылмасы жазды.

Эске салсак, 11-августта Уругвайда кыргызстандык мушкер Валентина Шевченко менен америкалык Лиз Кармуш беттешип, Шевченко жеңишке жеткен.

Басылма берген маалыматка ылайык, бул турнирде Шевченко баарынан көп акы алган.

"Лиз Кармушту жеңгени үчүн Шевченко 260 миң доллар алды. Басылманын эсеби боюнча, 110 миң долларды ал турнирге катышкандыгы үчүн алса, 110 миң долларды жеңиши үчүн, ал эми 40 миң доллар Reebok фирмасын жарнамалаганы үчүн төлөнгөн. Ал эми каршылашынын гонорары 130 миң долларды түзөт. Анын ичинен 100 миң доллары Кармуштун турнирге катышкандыгы үчүн төлөнсө, Reebok фирмасы жарнама үчүн 30 миң доллар берген", — деп жазылат маалыматта.

31 жаштагы Шевченко ушуну менен экинчи ирет чемпиондук титулун коргой алды. Биринчи жолу ал чемпиондук титулун Жессика Ай менен мушташып коргогон.

2459
Белгилер:
гонорар, акы, турнир, Валентина Шевченко
Тема боюнча
UFC рекордун жаңылады. Шевченко беттеште башка бир гана жолу сокку жеди
Кесипкөй бокстун мурдагы дүйнө чемпиондору Майк Тайсон. Архив

Майк Тайсон менен Рой Жонстун беттеши ноябрга жылды

84
(жаңыланган 12:42 10.08.2020)
Беттеш кирешени көбөйтүү максатында Тайсондун командасынын демилгеси менен жылдырылган. Жонс да буга макулдук берген.

БИШКЕК, 10-авг. — Sputnik. Кесипкөй бокстун мурдагы дүйнө чемпиондору Майк Тайсон менен Рой Жонстун беттеши 28-ноябрга жылдырылды. Бул маалыматты The Ring журналына таянып РИА Новости жазды.

8 раундга белгиленген беттеш буга чейин 12-сентябрда Калифорнияда болору айтылган.

Маалыматта беттеш трансляциядан түшүүчү кирешени көбөйтүү максатында Тайсондун командасынын демилгеси менен жылдырылганы айтылат. Ал арада Жонс да Тайсондун өкүлдөрү менен жолугушуудан соң макулдук берген.

Макгрегордун Пакьяого беттешке чыгуу ниетине UFC башчысы эмне деди? Видео

Апрель айынын соңунда Темир Майк кайрымдуулук үчүн рингге чыгууга даяр экенин жар салган болчу. Тайсон акыркы жолу 2005-жылдын июнь айында ирландиялык Кевин Макдрайт менен беттешке чыгып, жеңилүү ызасын тарткан.

54 жаштагы Майк Тайсон 58 жолу рингге чыккан. 50 атаандашын жеңген, анын 44үн нокаут менен уткан. Алты жолу утулган. Эки беттеш өтпөй калган. Ал кесипкөй бокстун Дүйнөлүк мушкерлер кеңеши, Дүйнөлүк бокс ассоциациясы жана Эл аралык бокс федерациясынын версиясы боюнча дүйнөнүн абсолюттук чемпиону болгон.

Атаандашы Россиянын жарандыгын алган америкалык мушкер, дүйнөнүн экс-чемпиону Рой Жонс 50 жашта. Ал 2018-жылы карьерасын жыйынтыктаган. Спорттук жолунда Жонс 66 беттешин уткан. Анын ичинде 47 атаандашын нокаут менен жеңген. Тогуз жолу утулган.

84
Белгилер:
беттешүү, бокс, Рой Жонс, Майк Тайсон
Тема боюнча
54 жаштагы Тайсон машыгууда укмуштуудай реакциясын көрсөттү. Видео
Атактуу Майк Тайсон менен Рой Жонс беттеш өткөрүүнү көздөп жатат
Мария Шарапова теннис матч учурунда. Архив

Теннис чемпиону Мария Шарапова бокс менен машыга баштады. Видео

100
(жаңыланган 08:46 10.08.2020)
Видеодо булгаары мээлейчен россиялык спортчу машыктыруучусу менен соккуларды кайталап, машыгып жатканын көрүүгө болот.

БИШКЕК, 10-авг. — Sputnik. Теннис боюнча дүйнө чемпиону, россиялык Мария Шарапова бокс менен машыга баштады. Мурдагы дүйнөнүн биринчи ракеткасы булгаары мээлейчен машыгып жаткан видеосун өзүнүн Instagram баракчасына койгон.

Посмотреть эту публикацию в Instagram

Публикация от Maria Sharapova (@mariasharapova)

Видеодон спортчу машыктыруучусу менен соккуларды кайталап, машыгып жатканын көрүүгө болот.

UFC мушкери Конор Макгрегор "Реалдын" машыгуусуна катышмай болду

33 жаштагы Шарапова 2004-2014-жылдары Чоң шлем мелдештеринин жекелик бөлүгүндө беш мелдешин жеңген теннисчи болуп эсептелет.

100
Белгилер:
теннис, машыгуу, бокс, Мария Шарапова
Тема боюнча
Тайсон менен Рой Жонс сентябрда рингден кезикмей болушту
Карантин аймагында турган кызматкер. Архив

Күйдүргү: Кара-Суунун Тогуз-Булак айылына карантин киргизилди

0
(жаңыланган 19:00 11.08.2020)
Саламаттык сактоо министрлиги бир бейтапта күйдүргү оорусу лабораториялык жактан тастыкталганын билдирди. Бейтаптын абалы канааттандырарлык.

БИШКЕК, 11-авг. — Sputnik. Жергиликтүү тургундардын арасында күйдүргү чыккан Кара-Суу районунун Папан айыл өкмөтүнүн Тогуз-Булак айылына карантин киргизилди. Бул тууралуу Sputnik агенттигине айыл өкмөттүн башчысы Курманбек Мияшев билдирди.

Анын айтымында, карантин 18-августка чейин уланат. Эреже боюнча Тогуз-Булак айылынын тургундары сыртка чыга албайт жана аймакка башкалардын кирүүсүнө тыюу салынат.

"Бөтөнчө ооруган уйду союп, этин алгандар үйдөн чыкпай, өзүн обочолоп отурушу керек. Ошондой эле сырттан мал жандыктарды алып кирүүгө жана чыгарууга болбойт", — деди айыл өкмөттүн башчысы.

Эске сала кетсек, бүгүн, 11-августта, Ош шаарынын Кара-Суу районундагы Тогуз-Булак айылында күйдүргүгө шектелгендер болуп жатканы маалымдалган. Ош облустук клиникалык ооруканасы 2-августтан тарта сегиз бейтап түшкөнүн билдирген. Облустук ветеринардык инспекция лабораториялык текшерүү жүргүзүлүп жатканын айткан.

Кыргыз жерине апаат алып келген коркунучтуу 8 эпидемия. Видео

Ал арада Саламаттык сактоо министрлиги бир бейтапта күйдүргү оорусу лабораториялык жактан тастыкталганын билдирди. Учурда бардык бейтаптардын абалы канааттандырарлык, керектүү дарылоону алып жатышат.

Райондо оорунун очогун чектеп, жок кылуу үчүн ыкчам штаб түзүлүп, тиешелүү кызматтар менен жыйын курушкан. Ошондой эле ооруну алдын алуу тууралуу түшүндүрүү иштери жүргүзүлүп жатат.

0
Белгилер:
карантин, оору, күйдүргү, Тогуз-Булак, Кара-Суу району, Ош
Тема боюнча
Тогузбаева: шарп, кутурма, күйдүргү — адам өмүрү үчүн да кооптуу
Оштун Кара-Суусунда сегиз киши күйдүргүгө шектелип ооруканага түштү