Кыргызстандын волейбол боюнча курама командасы. Архив

Сүйүнчү! Кыргызстандын волейболчулары Азия чемпиону болду

3449
(жаңыланган 15:59 24.08.2019)
Улуттук команда финалда Өзбекстан менен беттешкен.

БИШКЕК, 24-авг. — Sputnik. Кыргызстандын волейбол боюнча курама командасы бүгүн, 24-августта, Азиянын борбордук зоналык чемпионатынын баш байгесин утту.

Мелдеш Непалдын Катманду шаарында өттү. Улуттук команда финалдык беттеште Өзбекстандын волейболчулары менен кез келип, 3:0 эсебинде жеңип алды.

Кыргызстан жарым финалда Түркмөнстандын командасын 3:0 эсебинде уткан. Ага чейинки этаптарда Непал жана Мальдив аралдарынын курама командаларын да 3:0 эсеби менен артта калтырган.

Азиянын борбордук зоналык чемпионатына Кыргызстан, Непал, Мальдив, Түркмөнстан, Өзбекстан, Бангладеш жана Афганистан болуп жалпы жети өлкө ойноду.

3449
Белгилер:
Азия чемпионаты, жеңиш, Кыргызстан, волейбол, Спорт
Тема боюнча
Бишкекте жоокерлер менен артисттер топ ойноду. Видео