Футбол. Архив

КР футболчулары тажикстандыктарды ута алабы. Букмекерлердин пикири

198
(жаңыланган 11:54 04.09.2019)
2018-жылкы дүйнө чемпионаты алдында эки команда беттешкен. Анда кыргызстандыктар мыктылыгын көрсөткөн.

БИШКЕК, 4-сен. — Sputnik. Букмекерлер Кыргызстандын футбол боюнча курама командасынын дүйнө чемпионатына тандоо турунда мүмкүнчүлүгү жакшы деген пикирде.

Алгачкы оюнду кыргызстандык спортчулар 5-сентябрь күнү Душанбе шаарында жергиликтүү футболчулар менен өткөрөт.

Marathonbet букмекерлик ишканасы Кыргызстан командасынын утуу коэффициентин 3,3 деп баалоодо. Ал эми тажикстандыктардыкы — 2,19, тең чыгат дегендер — 3,28.

Favbet букмекеринде бир аз башкача көрчсөткүчтөр: кыргызстандыктар — 3,2, тажикстандыктар — 2,23, теңме-тең — 3,25.

Коэффициент канчалык төмөн болсо, жеңишке мүмкүнчүлүк ошончо жогору болот. Демек, бул оюнда тажик футболчулары — фаворит, бирок кыргызстандыктардын дагы мүмкүнчүлүгү жогору.

Кыргызстандын командасы F тайпасына туш келген. Кийинки этапка чыгуу үчүн алар Мьянма, Монголия, Япония жана Тажикстандын футболчулары менен күч сынашат.

Аталган эки команда 2018-жылкы дүйнө чемпионаты алдында беттешкен. Бишкекте оюн 2:2 эсеби менен аяктаса, Душанбеде кыргызстандыктар 1:0 эсебинде талаа ээлерин утуп алган.

198
Белгилер:
мелдеш, футбол, Тажикстан, Кыргызстан
Тема боюнча
Россиянын жоокерлери Бишкекте кыргызстандык артисттер менен футбол ойношот
Футбол күйөрманы трибунадан кулап, кыздын үстүнө түштү. Видео
Футболисттер машыгып атат. Архивдик сүрөт

КРдеги футболдук үч клубга айып салынды. Машыктыруучу 50 миң сом төлөйт

45
Дисциплинардык комитет оюн талаасында күч колдонгон, үчтөн ашык эскертүү алган жана маалымат жыйынга катышпаган тараптарга айып салды.

БИШКЕК, 13-авг. — Sputnik. Бир катар жергиликтүү футболдук клубдарга айып пул салынды. Бул тууралуу Кыргыз футбол кеңешинен (КФК) билдирди.

Маалыматка ылайык, аталган бирикменин дисциплинардык комитети "Алай" футбол клубунун машыктыруучусу Бакыт Маматовго 50 миң сом айып пул салып, алты айга спорттук ишмердүүлүккө катышууга тыюу салды.

Кыргызстандык футболчу Гүлжигит Алыкулов УЕФАнын мелдешинде ойнойт

КФК эреже бузган "Алга" клубун 2000 сомго, "Алай" командасын 3500 сомго, "Абдыш-Атаны" 2000 сомго төлөмөр кылган.

Алар оюн талаасында бирөөгө карата күч колдонуп, үчтөн ашык эскертүү алып, уюштурулган маалымат жыйындарына катышкан эмес.

 

45
Белгилер:
клуб, айып пул, футбол, Кыргызстан
Тема боюнча
Кыргызстандык футболчу Гүлжигит Алыкулов УЕФАнын мелдешинде ойнойт
Шоро премьер-лигасынын беттештеринде тең чыгышты. Күйөрмансыз оюндар
Криштиану Роналду эзелки атаандашы Лионель Мессинин клубуна өтөбү?
Туриндик Ювентус клубунун чабуулчусу Криштиану Роналдунун архивдик сүрөтү

Криштиану Роналду эзелки атаандашы Лионель Мессинин клубуна өтөбү?

215
(жаңыланган 17:38 13.08.2020)
Футболчунун агенти бир катар клубдарга байланышып, Роналдуну командаларына алууга каалоосун сураган. Арасында Барселонага да кайрылган.

БИШКЕК, 13-авг. — Sputnik. Туриндик "Ювентус" клубунун чабуулчусу Криштиану Роналдунун агенти Жорже Мендеш бир катар алдыңкы клубдарга футболчунун кызматын сунуштаган. Бул тууралуу sport.es маалымат булагы журналист Гильем Балагеге таянып билдиргенин РИА Новости жазды.

Топ клубдардын арасында Роналдунун эзелки атаандашы Месси ойногон каталондук "Барселона", Франциянын "Пари Сен-Жермен" (ПСЖ) жана бир катар түштүк америкалык клубдар бар.

Балаге Би-Би-Си радиосунун түз эфири учурунда Мендеш бир катар клубдар менен байланышка чыгып, келерки жылы Роналду менен келишим түзүүгө каалоосунун бар-жогун сураган. Анткени португалиялык футболчу чакыруу болсо башка клубда ойноо ниети бар экенин билдирген.

Кыргызстандык футболчу Гүлжигит Алыкулов УЕФАнын мелдешинде ойнойт

Журналисттин айтымында, беш жолку "Алтын топ" сыйлыгынын ээси, 35 жаштагы футболчу үчүн жаңы клуб издөөдөгү башкы көйгөй анын жылына алчу 23 миллион доллар маянасы болууда.

"Азыркы учурда футболчу үчүн мындай көлөмдөгү айлыкты төлөй турган клуб табылар-табылбасы белгисиз", — деди Балаге.

Роналду 2003-2009-жылдары Англиянын "Манчестер Юнайтед", 2009-2018-жылдары мадриддик "Реал" клубдарында ойногон. 2018-жылдан азыркы күнгө чейин Италиянын "Ювентус" командасынын намысын коргоп келет.

215
Белгилер:
Барселона ФК, трансфер, Криштиану Роналду, футбол
Тема боюнча
France Football: быйыл "Алтын топ" сыйлыгы берилбейт
Түркияда ойногон кыргызстандык жаш футболчу эл аралык сыйлыкка татыды