Россиялык мушкек Хабиб Нурмагомедов. Архив

UFC тарыхында болгон эмес! Хабибдин алчу гонорары айтылды

13161
(жаңыланган 11:06 26.01.2020)
Бул ирет россиялык мушкерге төлөнө турчу кепилдик сумма UFC тарыхындагы рекорддук сумма болуп калды.

БИШКЕК, 9-сен. — Sputnik. Россиялык Хабиб Нурмагомедов америкалык мушкер Дастин Порье менен беттешкени үчүн алты миллион доллардан ашык каражат алат. Бул тууралуу "Чемпионат" порталы билдирди.

Белгилей кетсек, 8-сентябрда Нурмагомедов америкалык мушкер Дастин Порьени жеңип, чемпиондук титулун сактап калган. Эки мушкердин кармашы үч раундга созулган.

Россиялык мушкерге мушташ боло электе эле бериле турчу кепилденген сумма 6 миллион долларды түзгөн. Нурмагомедов дагы 50 миң доллар мыкты мушташ көрсөткөнү үчүн алды. Андан сырткары, жарнамаларга тартылганы үчүн 40 миң доллар иштеп тапкан.

Ошол эле учурда Хабиб беттешти түз алып берген компаниялардан түшкөн акчанын канчасын алары так айтылган эмес. Анын көлөмү кийинчерээк белгилүү болот.

Ал эми Дастин Порье 290 миң доллар алат. Анын 250 миң долларын беттешке катышканы үчүн алса, калган каражат жарнамаларга тартылганы үчүн берилген.

Россиялык мушкерге төлөнө турчу кепилдик сумма UFC тарыхындагы рекорддук сумма болуп калды. Хабиб Нурмагомедов Конор Макгрегор менен беттешкени үчүн 2 миллион доллар алган. Ага беттешти түз алып берүүдөгү демөөрчүлөрдүн укугу жана жарнамадан түшкөн киреше кошулган эмес.

Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.
13161
Белгилер:
Дастин Порье, гонорар, Хабиб Нурмагомедов, UFC
Тема боюнча
UFC президенти: Конордун Хабиб менен беттешүүгө мүмкүнчүлүгү бар
Нурмагомедов Instagram тармагында Бузованы басып өттү. Жаңы рейтинг
Хабибдин жакын досу атаандашын жер каратты. Видео
Мария Шарапова теннис матч учурунда. Архив

Теннис чемпиону Мария Шарапова бокс менен машыга баштады. Видео

57
(жаңыланган 08:46 10.08.2020)
Видеодо булгаары мээлейчен россиялык спортчу машыктыруучусу менен соккуларды кайталап, машыгып жатканын көрүүгө болот.

БИШКЕК, 10-авг. — Sputnik. Теннис боюнча дүйнө чемпиону, россиялык Мария Шарапова бокс менен машыга баштады. Мурдагы дүйнөнүн биринчи ракеткасы булгаары мээлейчен машыгып жаткан видеосун өзүнүн Instagram баракчасына койгон.

Посмотреть эту публикацию в Instagram

Публикация от Maria Sharapova (@mariasharapova)

Видеодон спортчу машыктыруучусу менен соккуларды кайталап, машыгып жатканын көрүүгө болот.

UFC мушкери Конор Макгрегор "Реалдын" машыгуусуна катышмай болду

33 жаштагы Шарапова 2004-2014-жылдары Чоң шлем мелдештеринин жекелик бөлүгүндө беш мелдешин жеңген теннисчи болуп эсептелет.

57
Белгилер:
теннис, машыгуу, бокс, Мария Шарапова
Тема боюнча
Тайсон менен Рой Жонс сентябрда рингден кезикмей болушту

Минск: ОМОН жоокерлери менен митингчилердин кагылышкан учуру. Видео

305
(жаңыланган 03:04 10.08.2020)
Нааразычылык акциясы президенттик шайлоо аяктаары менен башталган. Шайлоонун алдын ала жыйынтыктарына нааразы болгон жүздөгөн адамдар Минск шаарынын борборун көздөй агылган. Аларга ОМОН отрядынын жоокерлери каршы турууда.

Эки тараптын кагылышуусунун видеосу Белоруссиянын TUT.BY. порталына жарыяланды.

Митингге чыккандарды таратуу үчүн милиция көздөн жаш чыгаруучу газ жана кулак тундуруучу гранаталарды колдонушкан.

Минскидеги акциянын катышуучуларын кууп таратышууда, жабыркагандар бар. Видео

Милиция кызматкерлери агылган митингчилердин жоон тобунан бир нече жолу артка кетенчиктешкен.

Эске салсак, Борбордук шайлоо комиссиясы президенттик шайлоонун алдын ала жыйынтыгын чыгарган. Азыркы мамлекет башчы добуштардын 82 пайызын алгандыгы айтылган. Дагы бир талапкер Светлана Тихановская сегиз пайыз алган.

305
Белгилер:
видео, митинг, президенттик шайлоо, Минск, Белоруссия
Тема боюнча
Президенттик шайлоодон соң Минскидеги акциянын катышуучуларын кууп таратуу. Баяндама
Тоодогу альпинист. Архив

Ленин чокусу СССРден берки таштандыдан арылып жатат. Сүрөт

0
(жаңыланган 10:43 10.08.2020)
Тоонун бийиктигин эске алуу менен таштандыдан тазалоо иши бир гана кесипкөй альпинисттердин катышуусунда ишке ашып жатканы белгиленди.

БИШКЕК, 10-авг. — Sputnik. Учурда Ленин чокусун таштандыдан арылтуу боюнча акция жүрүп жатат. 8-августта башталган иш 25-августта жыйынтыктала турганын Маданият, маалымат жана туризм министрлиги кабарлады.

Билдирмеде 2018-2019-жылдары КРдин альпинисттик клубу жана Нэпиер Эдинбург университети (UK) изилдөө жүргүзүп, Ленин чокусунда экологиялык кырдаал оор деп бааланганы айтылат.

"Альпинисттик туризмдин натыйжасында Ленин чокусунда совет мезгилинен бери абдан көп таштанды чогулган. Тоо бийик болгондуктан (3600-6300 метр) аны тазалоо бир гана кесипкөй альпинисттердин катышуусунда ишке ашып жатат", — деп айтылат маалыматта.

Акция Маданият, маалымат жана туризм министрлигине караштуу Туризм департаменти тарабынан демилгеленип, Швейцария өкмөтүнүн, Евросоюз, Хельветас Кыргызстан, "Ага Хан" фонду жана ПРООНдун финансылык колдоосу менен өтүүдө.

Үч өлкөнүн аскердик альпинисттери Ленин чокусун багындырышты. Сүрөт

Донорлор тарабынан иш-чарага 17 620 АКШ доллары бөлүнгөн. Бул каражат альпинист-гиддерди тамактандырууга, жатаканасына жана алардын кызмат акысын төлөөгө, чогултулган таштандыны Ленин чокусунан Дароот-Коргон айылындагы таштанды полигонуна чыгарууга, ошондой эле бет кап, кол кап жана башка керектүү жабдыктарга жумшалат.

Ленин чокусу Кыргызстан менен Тажикстандын арасындагы Чоң Алай кырка тоосунун борбордук бөлүгүндө жайгашкан. Бийиктиги 7 134 метрди түзөт. Бул чоку 1934-жылы багындырылган.

0
Белгилер:
тазалоо, таштанды, тоо, Ленин чокусу, Маданият, маалымат жана туризм министрлиги, Кыргызстан
Тема боюнча
Кыргызстандагы эң бийик жети чоку