Футболчулар. Архив

Бишкекте футбол боюнча төрт өлкөнүн командалары ат салышат

150
(жаңыланган 10:03 16.09.2019)
Кыргызстандык команда чучу кулак кармап, "F" тайпасына кирди. Тандоо туруна жалпы 47 команда катышууда.

БИШКЕК, 15-сен. — Sputnik. Борбор калаада төрт өлкөдөн чогулган 16 жашка чейинки футболчулар күч сынашат. Бул тууралуу КРдин Футбол федерациясынан билдиришти.

Маалыматка ылайык, 18-сентябрдан 22-сентябрга чейин Дөлөн Өмүрзаков атындагы стадиондо 2020-жылы боло турган Азия чемпионатынын тандоо туру өтөт.

Кыргызстандын футбол боюнча курама командасы чучу кулак кармап, "F" тайпасына кирген. Алар Бириккен Араб Эмираттары, Ирак жана Ливандын командалары менен оюн талаасында кездешмей болду.

Биринчиликтин финалдык беттешине 16 команда гана чыгат. Анын 11и өз тайпасында биринчи орунду алгандар болсо, калган бешөө экинчи орунга татыган күчтүү командалар. Тандоо туруна жалпы 47 команда катышууда.

150
Белгилер:
тандоо, Азия чемпионаты, футбол, Кыргызстан
Тема боюнча
КРдин футбол боюнча курамасынын оюнчусу Валерий Кичин үйлөндү. Сүрөт
Жээнбеков: Бишкекке спорт ордосу жана эки стадион салынат