Кыргызстандык балбан Атабек Азисбеков. Архивдик сүрөт

Намыска жарады! Балбан Атабек Азисбеков Олимпиада оюндарына лицензия утту

1010
(жаңыланган 17:15 16.09.2019)
Күрөш боюнча дүйнө чемпионаты Казакстандын борборунда өтүүдө. Кыргызстандык спортчу килемде 87 килограмм салмакта күрөштү.

БИШКЕК, 16-сен. — Sputnik. Кыргызстандык балбан Атабек Азисбеков күрөш боюнча дүйнө чемпионатынын жыйынтыгы менен 2020-жылы Токиодо өтө турчу Олимпиада оюндарына лицензия утуп алганын Жаштар иши, дене тарбия жана спорт агенттигинен кабарлашты.

Дүйнө биринчилиги Нур-Султан шаарында өтүүдө. Мелдештен бешинчи орунга чейин орун алгандар Токио Олимпиадасына катышат.

Кыргызстандык спортчу килемде 87 килограмм салмакта күрөшүүдө. 1/16 финалда литвалык балбанды жеңип, бирок 1/8 финалда венгриялык спортчуга утулуп калган.

Анткен менен венгриялык спортчу финалга чыгып, натыйжада кыргыз спортчусу коло байге үчүн күрөшүүгө мүмкүнчүлүк алган. Азисбеков жооткотуучу беттештерде түркмөн жана кытай балбандарын уткан.

Жыйынтыгында ал мыкты беш спортчунун катарына кирип, Олимпиада оюндарына лицензия алган. Ошондой эле Азисбеков коло байге үчүн өзбекстандык Рустам Ассакалов менен кармашат.

Муну менен ал балбандардын ичинен биринчи жолу ири оюнга жолдомо алды. Буга чейин лицензияны жөө күлүк Юлия Андреева менен сууда сүзүүчү Денис Петрашов алган.

1010
Белгилер:
балбан, олимпиада, дүйнө чемпионаты, Атабек Азисбеков, Казакстан
Тема:
2020-жылы Токиодо өтө турган Олимпиада оюндары (39)
Тема боюнча
Күйүккөн, жылмайган спикер Жумабеков жана жан сакчылар. Жарым марафон сүрөттө
Кыргызстандан чыккан UFC мушкери Валентина Шевченко. Архив

Шевченко Tapology версиясы боюнча эң мыкты 100 мушкердин катарына кирди

63
(жаңыланган 12:59 06.08.2020)
Жалпысынан рейтингге 224 спортчу киргизилген. Арасында карьерасын эбак жыйынтыктап, бирок эл оозунда айтылып келе жаткандар дагы бар.

БИШКЕК, 6-авг. — Sputnik. Кыргызстандан чыккан UFC мушкери Валентина Шевченко Tapology спорттук басылмасынын версиясы боюнча эң мыкты 100 мушкердин катарына кирди. Толук тизме порталдын сайтына жүктөлдү.

Жаңыртылган маалымат боюнча, Шевченко 58-орунду ээлеп турат. Жалпысынан рейтингге 224 спортчу киргизилген. Арасында карьерасын жыйынтыктаган атактуу спортчулар дагы бар. Аларга бааны ММА сүйүүчүлөрү берген.

Аралаш мушташ тарыхында эң мыкты мушкер деп канадалык Жорж Сен-Пьер табылган. Ал UFC уюмунда эки салмак категория боюнча чемпион болгон. Экинчи сапты учурда орточо оор (93 килограмм) салмакта бел курду тагынып турган америкалык Жон Жонс ээлеген. Үчүнчүгө мурдагы чемпион, бразилиялык белгилүү мушкер Андерсон Силва илинген.

Төртүнчү орунга UFC уюмундагы чемпиондук наамын бир нече жылдар бою коргоп келип, азыр башка компания менен иштешкен Деметриус Жонсон, ал эми бешинчиге россиялык Федор Емельяненко жайгашкан.

Валентина Шевченконун титулун кантип коргой турганы маалымдалды. Видео

UFC уюмунун учурдагы чемпиону Хабиб Нурмагомедов сегизинчи орунга, анын эзелки атаандашы, мурда эки салмак категориясында бел курду тагынып турган ирландиядык Конор Макгрегор 17-орунга татыган.

Кыз-келиндердин арасында бразилиялык Аманда Нуньес лидер болгон. Ал 20-сапка илинсе, UFC уюмунун аялдар арасындагы алгачкы чемпиону Ронда Роузи 44-орунга жайгашкан.

63
Белгилер:
мушкер, рейтинг, Валентина Шевченко, UFC
Тема боюнча
Шевченко: Нуньес мен көздөгөн акыркы атаандаш
Кыргызстандык мушкер Рафаэль Физиев. Архив

Кубанып турам! Кыргызстандык Физиев UFC уюму менен келишимин жаңыртты

128
(жаңыланган 20:11 05.08.2020)
Аралаш мушташ спортундагы эң беделдүү UFC уюмунда күчүн сынаган Физиев эми дагы төрт беттеш өткөрө алат. Андан кийинки турнирлерге катышуусу рейтингинен көз каранды деп эсептелинет.

БИШКЕК, 5-авг. — Sputnik. Кыргызстандык мушкер Рафаэль Физиев Абсолюттук мушкерлер уюму (UFC) менен келишимин узартты. Бул сүйүнүчтүү кабары менен спортчу Instagram баракчасы аркылуу бөлүштү.

Посмотреть эту публикацию в Instagram

Публикация от Rafael Fiziev (@rafael_ataman_fiziev)

Контракт боюнча Физиев уюмдун алкагында төрт беттеш өткөрөт.

"UFC уюму менен жаңы келишим түзгөнүмө кубанып турам. Жакшы бир шарттар менен төрт беттеш өткөрөм. Менин менеджерлик командама ыраазычылыгымды билдирем", — деген Физиев.

Рафаэль Физиевге UFC канча гонорар төлөп берери белгилүү болду

Белгилей кетсек, промоутерлик компания спортчу бир нече кармаш өткөргөн сайын анын келишимин узартууну же токтотууну карап чыгат. Бул мушкердин жеңиштерди камсыздап, өз рейтингине кам көргөнүнө жараша болот. 

Эске салсак, Физиевдин соңку кармашы 19-июлда Абу-Дабидеги "Мушкерлер аралында" өтүп, анда англиялык Марк Диакезини жеңип алган.

Рафаэль жалпысынан UFC уюмунда үч кармаш өткөргөн. Биринчисинде россиялык Магомед Мустафаевден жеңилип, кийин бразилиялык Алекс Уайтты утуп алган.

128
Белгилер:
турнир, мушкер, келишим, Рафаэль Физиев, UFC
Тема боюнча
Физиев жеңишинен кийин кыргызстандыктарга кайрылды. Видео
Төрага Жумабеков мушкер Физиевди UFC мелдешиндеги жеңиши менен куттуктады
Аскер кызматкерлери. Архив

Кыргыз-тажик чек арасындагы атышуу: тараптар эки иликтөө жүргүзө турган болду

0
(жаңыланган 19:37 06.08.2020)
Бүгүнкү жолугушууда көйгөйлөрдү өз учурунда чечүү жана мындан аркы чатактардын болушуна жол бербөө үчүн мамлекеттик органдардын өз ара иштешүү зарылдыгы айтылды.

БИШКЕК, 6-авг. — Sputnik. Бүгүн Тажикстандын Ходжаи айылында Баткен жана Согди облустарынын жетекчилеринин орун басарлары, эки тараптын чек ара кызматтарынын жана тартип коргоо органдарынын өкүлдөрү жолукту.

Ага катышкандар эки факты — КРдин Мамлекеттик чек ара кызматынын аскеринин жаракат алышы жана тажикстандык жарандын ок жеп каза болушу боюнча ар бир тарап өзүнчө тактап, иликтөө жүргүзүү чечимине келишти. 

Андан сырткары коңшулардын октон жеп каза болгон тажикстандык жаран боюнча маалыматтары такталды.

Эске салсак, бүгүн эртең менен кыргыз-тажик чек арасында коңшулар тараптан ок атуу болуп, Кыргызстандын чек арачысы жаракат алгандыгы тууралуу маалымат тараган. Баткен облусунун Эки-Таш аймагында Тажикстан тараптан белгисиз адамдар аңчылык курал менен Кыргызстандын чек ара кызматынын аскерине ок атып, ал жоокердин колун тешип өткөнү маалым болгон.

Чек арадагы ок атуу: тажикстандык көз жумду деген маалымат такталып жатат

Бүгүнкү жолугушууда келип чыккан көйгөйлөрдү өз учурунда чечүү жана мындан аркы чатактардын болушуна жол бербөө үчүн мамлекеттик органдардын өз ара иштешүү зарылдыгы айтылды. 

Тараптар андан сырткары чек арага жакын аймактарда жашагандарга түшүндүрүү иштерин улантмакчы.

Учурда кыргыз-тажик чек арасында абал туруктуу деп бааланды.

0
Белгилер:
жолугушуу, өлүм, жаран, жарадар, чек арачы, чек ара, Тажикстан, Кыргызстан
Тема боюнча
Казак чек арасындагы чатак: мигранттар алдамчылардын торуна кантип түштү